Маттай 27:30 - Изге Язма

³⁰ Аннары Гайсәгә төкерделәр, таяк алып, башына сугып кыйнадылар.

Маттай 27:30 ပူးပေါင်းရင်းမြစ်များ

Ишагыйя 49:7

Һәммәсе нәфрәтләнеп караган, халыклар тарафыннан мәсхәрә ителгән колга – хөкемдарларның колына – Исраилнең Коткаручысы, аның изге Раббы Алласы, болай ди: «Тугры Раббы хакына, сине сайлап алган Исраилнең изге Алласы хакына патшалар, сине күреп, урыннарыннан торыр, түрәләр синең алда җиргә йөзтүбән капланыр».

Ишагыйя 50:6

Кыйнаучыларга – җилкәмне, сакалымны йолкучыларга яңагымны куйдым, битемне – хурлаудан, төкерекләрдән яшермәдем.

Ишагыйя 52:14

Кайчандыр аңа карап бик күпләр шаккаткан иде: аның кыяфәте бозылган, кешенекенә охшамаган, килеш-килбәте адәм баласыныкы кебек түгел иде.

Ишагыйя 53:3

Кыен күргән, чир-газап татыган ул адәм кешеләр нәфрәтенә дучар ителгән, алар тарафыннан читкә тибәрелгән иде; андый кешедән йөзне читкә борган кебек, аңа да нәфрәт белән карадылар. Безнең алда ул бернигә дә тормый иде.

Ишагыйя 53:7

Аны газапларга дучар иттеләр, әмма ул күндәмлек белән аларны кабул итте, авызын ачып берни дәшмәде; чалырга алып барган сарык бәрәне сыман, йон кыркучылар алдында тавышын чыгармаган бәрән сыман һичбер аваз салмады.

Михә 5:1

Әй син, кодрәтле шәһәр, гаскәреңне тупла, чөнки сине дошман камап алды! Исраил хөкемдарының яңагын таяк белән кыйнар алар.

Маттай 26:67

Шуннан соң алар Гайсәнең битенә төкерделәр һәм кыйнадылар; башкалар суктылар һәм:

Марк 10:34

Мәҗүсиләр исә, мыскыллап, Аңа төкерерләр, Аны камчы белән суктырырлар, аннары үтерерләр. Әмма өч көн үтүгә, Ул үледән терелер.

Марк 14:65

Кайберәүләр Аңа төкерә, Аның йөзен каплап, кыйнарга тотындылар. – Пәйгамбәрлек кылып, кем сукканны әйт инде менә хәзер! – диде алар. Аннары Аны сакчылар кыйный башлады.

Марк 15:19

Аннары таяк белән башына сугып кыйнадылар. Аңа төкерделәр, каршына тезләнеп, алдында баш иделәр.