Маттай 18:16 - Изге Язма

¹⁶ Ләкин тыңламаса, «һәр очрак ике яки өч шаһит белән раслансын өчен», үзең белән бер яки ике кешене ал.

Маттай 18:16 ပူးပေါင်းရင်းမြစ်များ

III Патшалар 21:13

Аннары ике адәм актыгы чыгып аның каршысына утырды да халык алдында: – Набот Аллаһыны һәм патшаны яманлады, – дип, ялган шаһитлык бирде. Шуннан Наботны шәһәр читенә алып чыктылар да таш атып үтерделәр.

Саннар 35:30

Әгәр берәү кемне дә булса үтерә икән, үтерүче кеше, шаһитлар сөйләвенә карап, үлем җәзасына дучар ителергә тиеш; әмма үлем җәзасына хөкем итү өчен, бер генә шаһит җитми.

Яхъя 8:17

Сезнең Кануныгызда да «Ике кешенең шаһитлыгы хак», дип язылган.

II Көринтлеләргә хат 13:1

Сезгә инде өченче мәртәбә киләчәкмен. Изге язмада: «Һәр эш ике яки өч шаһит белән расланырга тиеш», – диелгән.

Канун 17:6

Кеше үлемгә хөкем ителсен өчен, кимендә ике яки өч шаһитның сүзе кирәк; кеше бары тик бер шаһитның сүзе буенча үлемгә хөкем ителергә тиеш түгел.

Канун 19:15

Нинди дә булса җинаять яки гөнаһ кылган кешенең гаебен исбатларга бер генә шаһит җитми, һәр эш ике яисә өч шаһит белән расланырга тиеш.

I Тимутәйгә хат 5:19

Өлкәнгә каршы шикаятьне ике яки өч шаһит булганда гына кабул ит.

Гыйбриләргә хат 10:28

Муса кануныннан баш тарткан кеше, ике яисә өч шаһит күрсәтүе нигезендә, һич кызганусыз үлемгә дучар ителә.

Ачылыш 11:3

Мин Үземнең ике шаһитыма вәкаләт бирәчәкмен: алар, матәм киемнәре киеп, бер мең ике йөз алтмыш көн буе пәйгамбәрлек итәчәкләр».