Маттай 14:20 - Изге Язма

²⁰ Барысы да туйганчы ашады. Калган сыныкларны җыеп, унике кәрзингә тутырдылар.

Маттай 14:20 ပူးပေါင်းရင်းမြစ်များ

Чыгыш 16:12

– Мин Исраил халкының зарланганын ишеттем. Аларга болай дип әйт: «Бүген кич сез ит ашарсыз, ә иртән икмәк белән туенырсыз һәм шул чагында Минем Раббы Аллагыз булуымны аңларсыз».

Чыгыш 16:8

Муса тагын шуны әйтте: – Кич белән Раббы сезгә ит җибәрәчәк, ә иртә белән сезгә күпме кирәк булса, шулкадәр икмәк бирәчәк, чөнки сез Аңардан зарландыгыз, һәм Ул моны ишетте. Без кем соң?! Сезнең зарлануыгыз безгә түгел, ә Раббыга каршы.

Гыйбрәтле сүзләр 13:25

Тәкъва кеше туйганчы ашар, ә яманның карыны ач калыр.

Левиләр 26:26

Мин сезнең икмәгегезне бетерермен; шунлыктан, икмәк пешерер өчен, ун хатынга бер мич җитәр, һәм икмәк үлчәп кенә бирелер; сез ашарсыз, әмма туймассыз.

Хәггәй 1:6

сез мул итеп чәчәсез, ә җыйган нәрсәгез аз; ашыйсыз, әмма тамагыгыз туймый; эчәсез, тик сусыныгыз басылмый; киенәсез, ләкин җылына алмыйсыз; акча эшләүче кеше тишек янчык өчен эшли».

Маттай 14:21

Ашаучыларның саны исә, хатыннарны һәм балаларны исәпкә алмаганда, биш меңгә якын иде.

Маттай 15:33

– Шундый төркемне туендырырлык икмәкне монда, чүлдә, кайдан алыйк? – диделәр Аңа шәкертләре.

Маттай 5:6

Тәкъвалыкка ачыккан һәм сусаган кешеләр бәхетле, чөнки аларның ул теләге үтәлер.

Лүк бәян иткән яхшы хәбәр 1:53

Нигъмәтләре белән ачларның тамагын туйдырды, ә байларны буш кул белән җибәрде.

Лүк бәян иткән яхшы хәбәр 9:17

Барысы да туйганчы ашаганнан соң, әле тагын унике кәрзин сынык-санак җыелды.

Яхъя 6:7

Филип: – Аларның һәрберсенә аз-аз гына бирү өчен дә, ике йөз динарлык икмәк җитмәс, – дип җавап бирде.