Маттай 12:2 - Изге Язма

² Фарисейлар, моны күреп, Гайсәгә: – Кара, шәкертләрең шимбә көнне эшләргә ярамаганны эшлиләр! – дип әйттеләр.

Маттай 12:2 ပူးပေါင်းရင်းမြစ်များ

Чыгыш 23:12

Алты көн эшләгез, ә җиденче көнне эшләмәгез: үгезләрегез һәм ишәкләрегез ял итсеннәр, шулай ук колларыгызның угыллары һәм читтән килгән кешеләр дә ару-талчыгудан арынсыннар.

Чыгыш 35:2

алты көн эшләгез, ә җиденче көн – шимбә, Раббыга багышланган изге ял көне. Ул көнне эшләгән кеше, кем булуына карамастан, үлемгә дучар ителергә тиеш.

Ишагыйя 58:13

Әгәр дә син шимбә көннәрне аяк астына салып таптамасаң, Минем изге көнемдә үз файдаңны кайгыртудан тыелсаң, шимбәне, Раббының изге көнен, шатлыклы вә хөрмәтле дип атасаң, үз ихтыярыңны канәгатьләндерә торган көндәлек эшләрең белән шөгыльләнмичә, табыш артыннан кумыйча, буш сүзләр сөйләмичә, шимбә көнгә хөрмәт күрсәтсәң,

Маттай 12:10

Анда кулы корышкан бер кеше бар иде. – Шимбә көнне савыктыру рөхсәт ителәме? – дип сорадылар кайберләре Гайсәдән. Чынлыкта исә алар Гайсәне гаепләргә сәбәп эзлиләр иде.

Маттай 12:3

– Давыт һәм юлдашлары ачыккач, аның нәрсә эшләгәне хакында укыганыгыз булмадымыни: ул, Изге йортка кереп, Аллаһыга багышланган икмәкләрне ашаган, ә аларны исә һичкемгә – ни аның үзенә, ни кешеләренә, руханилардан башка һичкемгә дә ашарга рөхсәт ителмәгән, – дип җавап кайтарды Гайсә. –

Марк 2:24

Фарисейлар Аңа: – Кара, ни өчен алар шимбә көнне эшләргә ярамаганны эшлиләр? – диде.

Лүк бәян иткән яхшы хәбәр 14:3

Канун белгечләренә һәм фарисейларга мөрәҗәгать итеп, Гайсә шунда: – Канун шимбә көнне авыруларны савыктырырга рөхсәт итәме? – дип сорады.

Лүк бәян иткән яхшы хәбәр 23:56

Шуннан соң алар, өйләренә кайтып, Гайсәнең җәсәденә сөртү өчен, бәлзәмнәр һәм хуш исле майлар әзерләделәр; шимбә көнне, Муса канунында әйтелгәнчә, ял иттеләр.

Лүк бәян иткән яхшы хәбәр 6:2

Фарисейларның кайберләре шунда аларга: – Ни өчен сез шимбә көнне эшләргә ярамаганны эшлисез? – диделәр.