Марк 14:61 - Изге Язма

⁶¹ Әмма Гайсә дәшмәде, нәрсә дип тә җавап бирмәде. Олуг рухани Аңардан янә сорады: – Мәсих, шөһрәтле Аллаһының Углы Синме?

Марк 14:61 ပူးပေါင်းရင်းမြစ်များ

Зәбур 2:7

Мин, патша, Раббы фәрманын игълан итәм. Ул миңа әйтте: «Син – Минем углым, бүген Мин синең атаң булдым», – диде.

Зәбур 39:9

И Аллам, Синең ихтыярыңны үтәргә телим, Синең Канун – йөрәгем түрендә».

Ишагыйя 53:7

Аны газапларга дучар иттеләр, әмма ул күндәмлек белән аларны кабул итте, авызын ачып берни дәшмәде; чалырга алып барган сарык бәрәне сыман, йон кыркучылар алдында тавышын чыгармаган бәрән сыман һичбер аваз салмады.

Маттай 16:16

– Син – Мәсих, тере Аллаһының Углы, – дип җавап бирде Шимун Петер.

Маттай 3:17

Күктән: – Бу – Минем сөекле Углым, Ул – Минем куанычым, – дигән тавыш килде.

Маттай 8:29

– Аллаһы Углы, Сиңа бездән ни кирәк? Син монда безне вакытыннан элек газапларга килдеңме? – дип кычкырдылар алар.

Марк 14:60

Шуннан олуг рухани, торып, алга чыкты да Гайсәдән: – Сиңа каршы әйтелгән сүзләргә берничек тә җавап бирмисеңме? – дип сорады.

Марк 15:2

– Син – яһүдиләр Патшасымы? – дип сорады Аңардан Пилат. – Бу – синең сүзләрең, – дип җавап бирде Гайсә.

Яхъя 1:34

Мин моны күрдем һәм шаһитлык бирәм: Ул – Аллаһы Углы.

Яхъя 10:24

Яһүдиләр Аның тирәсенә җыелып: – Син безне газаплы билгесезлектә озак тотарсыңмы? Мәсих булсаң, безгә ачык итеп әйт, – диделәр.

Яхъя 10:36

Мине Ата Үзе, изге эшкә аерып, дөньяга җибәрде. Ничек соң сез «Мин – Аллаһы Углы» дигәнемә: «Көфер сөйлисең», – дип әйтәсез?

Яхъя 18:37

– Димәк, Син шулай да Патша икәнсең?! – диде Пилат. Гайсә: – Син Мине Патша дип әйтәсең. Мин хакыйкать хакында шаһитлык бирү өчен тудым, Мин шуның өчен дөньяга килдем дә. Хакыйкать тарафдары булган һәркем Мине тыңлый, – дип җавап бирде.

Яхъя 19:7

Яһүдиләр аңа: – Безнең кануныбыз бар, канун буенча Ул үләргә тиеш, чөнки Ул Үзен Аллаһы Углы дип атый, – дип җавап бирделәр.

Яхъя 19:9

һәм, янә сарайга кереп, Гайсәдән: – Син кайдан? – дип сорады. Әмма Гайсә аңа җавап бирмәде.

Рәсүлләр 8:32

Хәбәши адәм Изге язманың шушы урынын укый иде: «Чалырга алып барган сарык бәрәне сыман, йон кыркучылар алдында тавышын чыгармаган бәрән сыман ул һичбер аваз салмады.

I Тимутәйгә хат 1:11

Шөһрәтле Аллаһының бөеклеге турындагы миңа ышанып тапшырылган Яхшы хәбәрдә шулай өйрәтелә.

I Тимутәйгә хат 6:15

Шөһрәтле һәм бердәнбер Хөкемдар, патшаларның Патшасы һәм хакимнәрнең Хакиме, бердәнбер үлмәс, якын бара алмаслык яктылыкта торучы, һичбер кеше күрмәгән һәм күрүе дә мөмкин булмаган Аллаһы Мәсихне үз вакытында күрсәтәчәк. Аллаһыга хөрмәт һәм мәңгелек хакимлек! Амин.

I Петердән хат 2:23

Мыскыл ителгән вакытта Ул Үзе мыскыл итмәде, газап чиккәндә янап куркытмады, Үзен гадел Хөкем итүчегә тапшырды.