Малахи 1:4 - Изге Язма

⁴ Эдомиләр: «Безне җимерделәр, әмма без җимерелгәнне яңадан төзербез», – дисә дә, Күкләр Хуҗасы Раббы: «Алар төзерләр, ә Мин җимерермен, һәм аларны явызлар йорты, Раббының мәңгегә ачуын чыгарган халык дип атарлар, – дип әйтер. –

Малахи 1:4 ပူးပေါင်းရင်းမြစ်များ

Әюб 12:14

Аллаһы җимергәнне кеше кабат тергезә алмас, Әгәр Ул иректән мәхрүм итсә – кеше кабат ирек күрмәс.

Әюб 34:29

Инде Ул дәшми тора икән, Аны гаепләргә кем җөрьәт итәр?! Әгәр Ул йөзен яшерә икән, Аны кем күрә алыр?! Халыкка тозак коручы денсезләр патшалык кылмасын өчен, Ул тулы бер халыкны да, аерым бер кешене дә күзәтеп тора.

Әюб 9:4

Зирәк йөрәкле Ул, көчле, мәһабәт, Аңа каршы торганнарның кайсы исән-имин калыр?!

Зәбур 127:1

Бәхетледер Раббыдан курыккан һәм Аны хөрмәт иткән кеше, Аның хак юлында йөрүче!

Зәбур 137:7

Хафалы чагымда Син җаныма дәва бирәсең, ярсыган дошманымнан кулыңны сузып яклыйсың – уң кулың мине коткарып кала.

Зәбур 33:10

Әй сез, Раббы Үзе өчен сайлаган бәндәләр, Раббыдан куркыгыз һәм Аны хөрмәт итегез! – Аңардан курыкканнар мохтаҗлык күрмәс.

Гыйбрәтле сүзләр 21:30

Раббының ихтыярыннан тыш зирәклек тә, акыл да, нәсыйхәт тә юк.

Ишагыйя 10:4

Әсирләр арасында бөрешеп калырсыз яисә, үлеп, җиргә аварсыз сез! Әмма шуннан соң да Раббының ярсуы басылмас, кулын күтәреп, Ул һаман янап торыр.

Ишагыйя 11:14

Алар көнбатышта пелештиләр җилкәсенә менеп атланыр, бергәләшеп көнчыгыш кабиләләрен талар, Эдом белән Мәабка кул сузар, аммониләрне буйсындырыр.

Ишагыйя 34:10

һәм ул, иртән дә, кичен дә сүнмичә, мәңге төтенләп торачак. Бу җир озак еллар дәвамында вәйран булып ятачак, аннан беркайчан беркем үтеп йөрмәячәк.

Ишагыйя 34:5

Раббы болай ди: «Минем кылычым күктә кан эчеп туйды; менә ул, хөкем ясар өчен, Эдомга – Мин тәмам юк итәргә хәл кылган халык өстенә төшә».

Иремия 31:17

Киләчәгең өметле, – дип белдерә Раббы, – балаларың үз иленә кайтыр!

Иремия 49:20

Шулай итеп, – ди Раббы. – Раббының Эдом турындагы карарын, Теман кешеләренә кагылышлы ниятен тыңлагыз. Хактыр: көтүдәге яшь малларны сөйрәп алып китәрләр, алар белән бергә көтүлекне дә харап итәр Ул.

Иремия 49:7

Күкләр Хуҗасы Раббы Эдом турында болай ди: «Теманда зирәкләр беткәнмени инде, акыллы кешеләр киңәш бирә алмый башлаганмы, аларның зирәклеге саекканмы?!

Иремия 49:8

Кире борылыгыз, качыгыз, тирән мәгарәләргә яшеренегез, Дедан кешеләре, чөнки Эсауга җәза бирер көнем җитте – Мин аның өстенә афәт җибәрәм!

Иремия 5:17

Алар синең уңышыңны вә ризыгыңны, сарык-кәҗәләреңне вә терлегеңне, йөзем вә инҗир җимешләреңне ашаячак, угыл-кызларыңны үтерәчәк, ныгытылган, өмет баглап торган шәһәрләреңне кылычы белән җимерәчәк».

Кайгы җыры 3:37

Хуҗа-Хаким боермаса, кемнең сүзе тормышка ашыр икән?!

Яхәзкыл 11:10

Сез кылычтан һәлак булачаксыз; Мин сезне Исраилдән читтә дә хөкем итәчәкмен, һәм сез Минем Раббы икәнемне беләчәксез.

Яхәзкыл 25:13

ди Хуҗа-Раббы, – кулымны Эдом өстенә сузып, аның кешеләре белән терлекләрен юк итәчәкмен, аны чүлгә әйләндерәчәкмен, Теманнан алып Деданга кадәр һәммәсе кылычтан һәлак булачак.

Яхәзкыл 25:14

Эдомнан Мин Үземнең Исраил халкы кулы белән үч алачакмын, һәм алар Эдомда Минем ачуым вә ярсуым буенча эш итәрләр. Эдом Минем ничек үч алуымны белер», – дип белдерә Хуҗа-Раббы.

Яхәзкыл 26:14

Сине шәрә кыяга әйләндерәм, ятьмә киптерә торган урын булырсың син; бүтән аякка баса алмассың. Моны Мин, Раббы, әйттем», – дип белдерә Хуҗа-Раббы.

Яхәзкыл 35:4

шәһәрләреңне хәрабәгә әйләндерәм – син бушап калырсың. Шунда Минем Раббы икәнемне белерсең.

Яхәзкыл 35:9

Сине мәңгегә чүл итәм, шәһәрләреңдә башкача кеше яшәмәячәк. Шунда Раббы икәнемне белерсең.

Амос 1:11

Раббы болай ди: «Җинаять өстенә җинаять эшләгән, рәхим-шәфкать белмичә, кылычын күтәреп, кардәшен эзәрлекләгән, ачуы һаман дөрләп, ярсуы һаман янып торган Эдомны җәзасыз калдырмам:

Амос 3:15

Туздырырмын кышкы һәм җәйге өйләрне, вәйран булыр фил сөяге белән бизәлгән йортлар, харап булыр пулат-сарайлар!» – ди Раббы.

Амос 5:11

Фәкыйрьне аяк астына салып таптыйсыз, ирексезләп, аның ашлыгын аласыз. Әнә шуның өчен сез, шома ташлардан йорт салсагыз да, анда яшәмәссез, гүзәл йөзем бакчалары үстерсәгез дә, җимешеннән шәраб татымассыз!

Амос 6:11

Менә, Раббы боерыр да, зур йортлар җимерелеп төшәр, кечеләре тәмам хәрабәгә әйләнер.

Амос 6:2

Кәлне шәһәрен барып карагыз, аннан бөек Хаматка юл тотыгыз, пелештиләрнең Гәт шәһәренә төшегез – алар сезнең патшалыклардан яхшыракмы, җирләре сезнекеннән киңрәкме?!

Убадия 1:1

Убадиягә иңгән вәхи. Хуҗа-Раббы юллаган хәбәрне ишеттек без: «Кузгалыгыз, Эдомга каршы яуга чыгыйк!» Моны игълан итәр өчен, барча халыкларга Ул Үзенең илчесен җибәргән. Эдом хакында Раббы Алла менә ниләр әйтә:

Убадия 1:10

Туганың Ягъкубка кылган золым өчен син, хурлыкка калып, тәмам юкка чыгарсың.

Малахи 1:3

Эсауга исә нәфрәтләндем: аның тауларын чүлгә әйләндердем, биләмәләрен чүл бүреләренә бирдем.

Маттай 12:30

Минем яклы булмаган – Миңа каршы дигән сүз. Кем Минем белән җыймый, ул тарката.