Лүк бәян иткән яхшы хәбәр 1:18 - Изге Язма

¹⁸ Зәкәрия фәрештәдән: – Моның шулай буласын мин ничек белермен? – дип сорады. – Мин инде карт, хатыным да олы яшьтә.

Лүк бәян иткән яхшы хәбәр 1:18 ပူးပေါင်းရင်းမြစ်များ

Яратылыш 15:8

Ибрам: – Йа Хуҗа-Раббым! Бу җирләрне мирас итеп алачагымны мин нидән белә алам? – дип сорады.

Яратылыш 17:17

Ибраһим, сәҗдәгә китеп, йөзе белән җиргә орынды һәм көлеп куйды. Эченнән: «Йөз яшьлек кеше ничек инде бала таптыра алсын?! – диде. – Туксан яшьлек Сарага да ничек бала тудырмак кирәк?!»

Яратылыш 18:12

Сара үзалдына көлеп: «Картлык көнемдә кая инде миңа андый бәхет-юаныч насыйп булсын?! – дип уйлады. – Хуҗам-әфәндем дә андый яшьтән узган».

IV Патшалар 7:2

Патшаның иң якын түрәләреннән берсе шунда Аллаһы кешесенә җавап итеп: – Раббы күкнең капусын ачса да, мондый хәлнең булуы мөмкин түгел, – диде. Тегесе исә аңа каршы: – Син моны үз күзләрең белән күрерсең, әмма ул ризыкны авыз итмәссең, – диде.

Ишагыйя 38:22

Хизәкыйя исә: – Раббы йортына әле тагын йөри алачагыма ишарә итә торган билге нинди? – дип сораган иде.

Лүк бәян иткән яхшы хәбәр 1:34

Мәрьям исә фәрештәдән: – Ничек шулай була алыр икән? – дип сорады. – Мин бит әле кияүдә түгелмен!

Лүк бәян иткән яхшы хәбәр 1:7

Инде олы яшькә җиткән бу икәүнең, Элисабет балага уза алмаганлыктан, балалары юк иде.

Римлыларга хат 4:19

Үзенә йөз яшь чамасы, тәненең инде үлә баруын һәм Сараның, бала табу өчен, артык карт булуын аңласа да, аның иманы кимемәде.