Левиләр 2:13 - Изге Язма

¹³ Үзеңнең барлык икмәк бүләкләреңә тоз сал, чөнки тоз – Аллаһы белән синең арада төзелгән килешүнең билгесе. Шуңа күрә тозсыз икмәк бүләген тәкъдим итмә, һәр бүләгең белән бергә тоз да китер.

Левиләр 2:13 ပူးပေါင်းရင်းမြစ်များ

II Елъязма 13:5

Сезгә мәгълүм булса кирәк: Исраилнең Раббы Алласы, Тоз килешүе төзеп, Давытның үзен, аның угылларын мәңге патшалык итәргә ихтыяр кылды.

Эзра 7:22

Йөз талантка кадәр көмеш, йөз корга кадәр бодай, йөз батка кадәр шәраб, йөз батка кадәр зәйтүн мае һәм чикләнмәгән күләмдә тоз бирелсен.

Чыгыш 30:35

Шуларны бергә кушып болгат та, хушбуй әзерләгәндәге кебек, хуш исле сумала-майлар яса һәм тоз өстә. Бу хуш исле сумала-майлар – саф һәм изге.

Яхәзкыл 43:24

аларны Раббы күз алдына китереп куй; руханилар, аларга тоз сибеп, Раббыга тулаем яндыру корбаны итеп тәкъдим итсеннәр.

Саннар 18:19

Исраилиләрнең Раббыга тәкъдим ителгән барлык изге бүләкләрен мәңгелек өлеш итеп сиңа, угылларыңа һәм кызларыңа бирәм. Менә бу – синең һәм синең нәселең белән Раббы төзегән тоз килешүе.

Маттай 5:13

Сез – җир тозы. Әгәр тоз үз тәмен җуйса, аның тәмен ничек кайтарырсың? Ул, чыгарып ташланып, кешеләрнең таптавыннан башка һичнәрсәгә ярамас.

Көлессәйлеләргә хат 4:6

Сүзегез һәрвакыт ягымлы, мавыктыргыч һәм төпле булсын, һәркемгә ничек җавап бирергә кирәклеген белегез.