Левиләр 19:4 - Изге Язма

⁴ Сыннарга табынмагыз һәм үзегезгә коелма потлар ясамагыз. Мин – сезнең Раббы Аллагыз.

Левиләр 19:4 ပူးပေါင်းရင်းမြစ်များ

III Патшалар 14:9

син исә үзеңә кадәр булганнарның барчасына караганда да явызрак булып чыктың, ачуымны чыгарыр өчен, үзеңә башка илаһлар, башка сыннар койдырдың, Миннән йөз чөердең.

I Елъязма 16:26

Мәҗүси кавемнәрнең бар илаһлары – фәкать сыннар гына, Раббы исә күкләрне бар иткән Зат.

II Елъязма 28:2

Исраил патшалары юлыннан йөрде, табыныр өчен илаһ Багал сыннарын койдырды;

Зәбур 96:5

Таулар балавыздай эреп ага Раббы алдында, бөтен җир йөзенең Хуҗасы каршында.

Чыгыш 20:23

шулай булгач, Минем янга көмештән яки алтыннан потлар ясап куймагыз.

Чыгыш 32:4

Һарун халыктан алтынны алды, аны эретеп койды да кискеч ярдәмендә үгез бозау сынын ясады. Шулчак халык әйтте: – Әй Исраил токымы! Сине Мисыр җиреннән алып чыккан аллаң менә шушы!

Чыгыш 34:17

Коелма потлар ясамагыз.

Левиләр 11:44

Мин – сезнең Раббы Аллагыз; үзегезне изгеләндерегез һәм изге булыгыз, чөнки Мин изге; сөйрәлүчеләр белән үзегезне пычратмагыз.

Левиләр 19:25

Бишенче елда исә сез аның җимешләрен ашый аласыз; шулай итеп, сезнең уңышыгыз артканнан-арта барыр. Мин – сезнең Раббы Аллагыз.

Левиләр 19:5

Әгәр Раббыга татулык корбаны тәкъдим итәсез икән, бу корбан сезнең хакка Раббы тарафыннан кабул кылынсын дип китерегез.

Левиләр 26:1

Үзегезгә потлар ясамагыз, сыннар яки изге баганалар утыртмагыз, табыну өчен, илегездә сырлы ташлар куймагыз. Мин – сезнең Раббы Аллагыз.

Хәггәй 2:18

Бүгеннән – Раббы йортының нигезе салынган, ягъни тугызынчы айның егерме дүртенче көненнән күңелегезне киләчәккә юнәлтегез:

I Көринтлеләргә хат 10:14

Шуңа күрә, газиз дусларым, потларга табынудан качыгыз.

Канун 27:15

«Уеп яки коеп потлар ясаган, аны яшереп тоткан кешегә – ләгънәт-каргыш! Осталар кулы ясаган мондый потлар Раббыга җирәнгеч». Бөтен халык: «Амин!» – дип җавап бирсен.

Канун 4:16

үзегезгә һичнинди потлар, ир яки хатын, җир хайваны яки күктә оча торган кош, җирдән сөйрәлүче хәшәрәт яки җир астында суда йөзә торган балыкка охшатып, табына торган сыннар ясап, гөнаһ кылмагыз.

Канун 7:25

Шул халыклар табынган илаһларның сыннарын утта яндырыгыз; сыннардагы алтын-көмешкә кызыгып, аны үзегезгә алмагыз, югыйсә тозакка төшәрсез. Бу сыннар Раббы Аллагызга җирәнгечтер.

I Яхъядан хат 5:21

Балаларым, үзегезне ялган илаһлардан саклагыз.