I Петердән хат 3:10 - Изге Язма

¹⁰ Изге язмада язылганча: «Тормышны яратырга, ямьле көннәр күрергә теләүче тыйсын телен яман сүздән, сакласын авызын ялганнан.

I Петердән хат 3:10 ပူးပေါင်းရင်းမြစ်များ

Әюб 2:4

Шайтан исә Раббыга болай дип җавап бирде: – Җанын саклап калыр өчен, адәм баласы бернәрсәсен дә кызганмас. Тәненең тиресенә әле зыян тимәгән аның,

Әюб 9:25

Көннәрем чапкыннан да тизрәк үтеп китә, чаба гына, әмма алда яхшы нәрсә күренми;

Зәбур 106:5

ачыгу, сусаудан тилмереп беткәннәр, үлем чигенә җитә язганнар иде.

Зәбур 49:19

Явызлыкка авызыңны киң ачасың, телең алдау-йолдауга береккән.

Гыйбрәтле сүзләр 3:18

Зирәк акыл – аны казанучылар өчен тереклек агачы ул, аны саклап тотучылар өчен – бәхет.

Гыйбрәтле сүзләр 3:2

шулай эшләсәң, алар синең гомереңне озайтыр, имин яшәү елларыңны арттырыр.

Гыйбрәтле сүзләр 4:22

Мәгәр бу сүзләремне күңеленә сеңдергән кеше үзенең яшәвеннән мәгънә табар һәм бөтен тәнен сәламәт тояр.

Гыйбрәтле сүзләр 8:35

Мине тапкан кеше тормыш юлын да табар һәм Раббысының илтифатын да казаныр.

Вәгазьче 2:3

Мин, зирәклегемне җуймыйча, шәраб белән сыйланып, үземә акылсызлык кылырга юл куйдым – кыска гына гомер көннәрендә адәм балаларының күк астында ни эшләргә тиешлеген беләсем килде.

Маттай 19:17

– Син игелек хакында ник Миннән сорыйсың? Берәү генә игелекле. Мәңгелек тормышка керәсең килә икән, Аның әмерләрен үтә, – диде Гайсә.

Марк 8:35

Җанын саклап калырга теләгән адәм аны югалтыр. Ә инде җанын Минем хакка һәм Яхшы хәбәр хакына югалткан адәм аны саклап калыр.

Яхъя 1:47

Гайсә, Үзенә таба якынлашып килүче Натанаилне күреп, аның хакында: – Менә чын исраили, аңарда һичнинди мәкер юк, – диде.

Яхъя 12:25

Үз җанын яратучы аны югалтыр, ә бу дөньяда үз гомереннән ваз кичүче аны мәңгелек тормыш өчен саклар.

Канун 32:47

Буш сүзләр түгел бу, аларда – сезнең тормыш. Әлеге Канунны үтисез икән, Үрдүн елгасын кичеп билисе җирдә гомерегез озын булыр.

Ягъкубтан хат 1:26

Әгәр кем дә булса үзен Аллаһыга табынучы дип саный, ләкин телен тыймый икән, бу вакытта ул үзен алдый гына, һәм аның Аллаһыга табынулары бернигә тормый.

I Петердән хат 2:1

Шулай итеп, һәртөрле явызлыкны һәм мәкерлекне, икейөзлелекне һәм көнчелекне, гайбәтне читкә ташлагыз.

I Петердән хат 2:22

«Ул һичнинди гөнаһ кылмады, Аның теле ялган сүз сөйләмәде», – дип язылган.

Ачылыш 14:5

Телләрендә ялган булмады, алар кимчелексез иде.