Ишагыйя 64:3 - Изге Язма

³ Заманында бит Син көтелмәгән гаҗәеп гамәлләр кылдың: җиргә иңдең, һәм таулар Синең каршыда тетрәп торды.

Ишагыйя 64:3 ပူးပေါင်းရင်းမြစ်များ

Хабаккук 3:3

Аллаһы – Теманнан, изге Зат Паран тавыннан киләдер. Аның шөһрәте күкләрне иңләп ала, җир йөзе Аның даны белән тула.

Зәбур 106:22

Аңа рәхмәт бүләкләре китерсеннәр, сөенә-сөенә эш-гамәлләрен игълан итсеннәр!

Зәбур 66:5

Кавемнәр куанышсын, сөенсен, чөнки һәр кавемгә Синең хөкемең гаделдер, җир йөзендәге бар халыкка Син хак юл күрсәтәсең.

Зәбур 66:3

Җир йөзендә хак юлың мәгълүм булсын, бар халыкларга Коткаручы икәнең беленсен.

Канун 10:21

Ул – сезнең мактанычыгыз, үз күзләрегез белән күргән, сезнең өчен гаҗәеп вә дәһшәтле эшләр кылган Аллагыз.

Хабаккук 3:6

Ул туктаганда, җирләр селкенә, карашын салса – халыклар тетрәнеп китә. Аның борын-борыннан йөргән юлларында гасырлар буе торган таулар җимерелә, калкулыклар чүгеп куя.

Ишагыйя 64:1

И Раббы, күкләрне ярып җиргә төшсәң икән Син! Ул чагында, утта чыбык-чабык дөрләгән, су гөбердәп кайнаган кебек, Синең каршыда таулар тетрәп торыр иде. Шуның белән Син исемеңне дошманнарыңа танытыр идең, халыклар Синең алда калтырап торыр иде.

Зәбур 76:12

Мин Раббының эш-гамәлләрен истән чыгармам. Әйе, борынгыда эшләгән могҗизаларыңны хәтердә саклармын,

Зәбур 68:8

Чөнки мин, Синең хакыңны яклаганга, хәкарәтләр күрәм, шулардан йөземне хурлык каплады.

II Патшалар 7:23

Исраилиләр кебек тагын нинди халык бар?! Җир йөзендәге тагын кайсы халыкны Раббы шулай азат итте?! Үз халкыңны Мисыр иленнән коткарып, Син исемеңне дан-шөһрәткә күмдең. Үз халкың алдыннан чит кавемнәрне вә аларның илаһларын куып, Син бөек эшләр башкардың.

Канун 4:34

Сез Аның мисырлыларга нинди бәла-казалар китерүен, нинди галәмәтләр, могҗизалар күрсәтүен һәм аларга каршы сугышуын, кулының көч-кодрәтен, курку уятучы бөек эшләрен үзегез күрдегез! Раббы Аллагыз сезгә Мисырда эшләгән кебек, башка нинди дә булса берәр алланың, барып, икенче халык арасыннан аерым халыкны үзенә алырга тырышканы бармы?!

Чыгыш 34:10

Шуннан Раббы әйтте: – Мин синең белән килешү төзим. Синең бөтен халкың алдында моңа кадәр җир йөзендәге бер генә халыкта да эшләнмәгән могҗизалар күрсәтермен, һәм синең белән яши торган халык Мин Раббының синең хакка дәһшәтле эшләр кылуын күрер.

Ишагыйя 5:25

Әнә шулай Раббының Үз халкына ярсуы кабынды, һәм Ул, кулын күтәреп, аңа китереп сукты. Таулар селкенде, урамнарда мәетләр тизәк кебек аунап ятты. Ләкин алай да Раббының ярсуы басылмады, кулын күтәреп, Ул әле һаман яный.