Ишагыйя 6:3 - Изге Язма

³ Алар бер-берсенә: «Күкләр Хуҗасы Раббы изге, изге, изге! Бөтен җир йөзе Аның шөһрәте белән тулган», – диешәләр иде.

Ишагыйя 6:3 ပူးပေါင်းရင်းမြစ်များ

Эзра 3:11

Алар чиратлашып Раббыны мактадылар, Аңа рәхмәтләр яудырдылар: «Ул – игелекле, Исраилгә мәрхәмәте мәңгелектер!» – дип җырладылар. Ә барча халык, Раббы йортының нигезе салынганга, кычкырып-кычкырып Раббыны данлады.

Зәбур 57:11

Үч алынганны күреп, тәкъва кеше сөенеч тояр, яманның канында аяк табаннарын чылатыр.

Зәбур 66:2

И Аллаһы, миһербанлы бул безгә, мөбарәк фатихаңны юлла, йөз нурың белән балкыт безне!

Зәбур 72:19

Алар көтмәгәндә, кисәк кенә юк булалар, дәһшәт эчендәдер аларның азагы.

Зәбур 8:2

И Хуҗабыз Раббы! Бөектән-бөектер исемең җир йөзендә, шөһрәтең күтәрелгәндер күкләрдән югары!

Зәбур 90:16

гомерен озын кылып, коткару бүләк итәрмен!» – дияр.

Зәбур 97:6

Быргы вә мөгез быргы моңнары астында патшабыз Раббыны шатланып мактагыз!

Зәбур 99:3

Белегез ки, Раббы – безнең Аллабыз! Безне Ул бар иткән, без – Аныкы, без бары – Аның халкы, утлавының сарыклары.

Чыгыш 15:11

Илаһлардан кайсысы Сиңа тиң, әй Раббым?! Кем Синең кебек бөек изгелектә?! Кем Синең кебек данлыклы һәм могҗизалар тудыручы?!

Ишагыйя 24:16

Җирнең читләреннән без «Хаклык иясенә дан-шәрәфләр!» дигән җыр ишетәбез. Ләкин мин: «Беттем! Беттем! Кайгы миңа! Хыянәтчеләр хыянәт итә, хаинлек кыла!» – дип әйтәм.

Ишагыйя 40:5

Шул чагында Раббы шөһрәтенең балкышы күренәчәк; барлык җан ияләре аны бер үк вакытта күрәчәк. Әлеге сүзләр Раббы авызыннан килеп иреште».

Ишагыйя 54:5

Чөнки синең ирең – сине Бар итүче; Аның исеме – Күкләр Хуҗасы Раббы! Сине йолып алучы – Исраилнең изге Алласы! Аны бөтен җирнең Алласы дип йөртәләр.

Яхәзкыл 43:2

һәм мин Исраил Алласының көнчыгыш тарафтан килүче шөһрәтенең балкышын күрдем. Аллаһының тавышы зур сулар тавышы сыман иде, Аның шөһрәтеннән җир йөзе яктырып китте.

Яхәзкыл 44:4

Аннары ул мине төньяк капка аша Изге йорт янына алып керде. Шунда мин Раббы шөһрәтенең балкышын күрдем, ул Раббы йортын тутырган иде, һәм мин җиргә йөзтүбән капландым.

Хабаккук 2:14

Диңгезләр су белән тулган кебек, җир йөзе Раббы данын танып белү белән тулачак.

Зәкәрия 14:9

Раббы бөтен җирнең патшасы булыр; ул көнне кешеләр бары Раббыга гына табыныр, Аның исеме бердәнбер исем булып калыр.

Эфеслеләргә хат 1:18

Шулай ук, Аның чакыруы сезгә нинди өмет биргәнен, изгеләргә булачак мирасның нинди мул һәм данлы икәнен һәм бездәге, иман итүчеләрдәге, куәтенең чагыштыргысыз бөек икәнен белүегезне теләп, Ул күңел күзләрегезне яктыртсын дип дога кылам.