Иремия 51:9 - Изге Язма

⁹ «Без Бабилне дәвалап карадык, ләкин ул терелмәде, – диде халыклар. – Калдырыгыз аны, һәркайсыбыз үз җиренә китсен, чөнки Бабилгә чыгарган хөкем күкләргә җитте, болытларга кадәр күтәрелде».

Иремия 51:9 ပူးပေါင်းရင်းမြစ်များ

II Елъязма 28:9

Анда Раббының Одед атлы бер пәйгамбәре яши иде. Ул, Самареягә кайтып килүче гаскәрләрнең каршысына чыгып, болай диде: – Ата-бабаларыгызның Раббы Алласы, яһүдиләргә ачуланып, аларның язмышын сезнең кулга тапшырды, сез исә аларны шундый шәфкатьсезлек белән кырдыгыз ки, бу хакта хәтта күкләргә барып иреште.

Эзра 9:6

Мин әйттем: – Йа Аллам, йөземне Сиңа күтәреп карарга оялам һәм куркам. Йа Аллам, гөнаһларыбыз баштан ашты, гаебебез күкләргә җитте.

Ишагыйя 13:14

Шул чагында һәркем, аучы эзәрлекләгән болан, көтүчесез калган сарык сыман, үз халкына таба йөгерер, үз җиренә качар.

Ишагыйя 47:15

Синең белән бергә эшләгән, яшь чагыңнан ук сәүдә итешкән кешеләр әнә шундый булып чыкты: аларның һәммәсе үз юлы белән китеп барды, сине коткарырдай беркем калмады».

Иремия 46:16

Күпләрне абынырга мәҗбүр итте Ул. Бер-берсенең өстенә егылды алар һәм: „Торыгыз, халкыбыз янына, үзебезнең туган җиребезгә кайтыйк, дошман кылычыннан котылыйк!“ – диде.

Иремия 46:21

Мисырның ялланган гаскәриләре дә симертелгән бозаулар кебек; алар борылып кирегә чабарлар, каршы тора алмаслар, чөнки аларның һәлакәт көне, җәза алыр вакыты җитте.

Иремия 50:16

Бабилдә орлык чәчүчене дә, урып-җыю вакытында кулына урак алучыны да юк итегез! Аяусыз кылычтан куркып, һәр килмешәк үз халкына әйләнеп кайтыр, үз җиренә качар.

Иремия 8:20

«Урак өсте бетте, җәй үтте, ә безгә котылу килмәде!» – ди халык.

Һошея 7:13

Миннән читләшкән өчен кайгы аңа! Миңа каршы күтәрелгән өчен, һәлакәткә дучар булсын! Мин аны йолып алырга омтылам, ул исә Миңа яла яга.

Ачылыш 18:4

Мин күктән башка тавыш ишеттем: «Халкым, аның гөнаһларында катнашмас өчен һәм бәла-казаларына дучар булмас өчен чык аннан.

Ачылыш 18:5

Гөнаһлары өелеп, күккә җитте, һәм Аллаһы җинаятьле эшләрен искә алды.