Иремия 2:16 - Изге Язма

¹⁶ Боларга өстәп, Мемфис белән Тахпанхес кешеләре синең башыңны ярачак, әй Исраил!

Иремия 2:16 ပူးပေါင်းရင်းမြစ်များ

IV Патшалар 18:21

Син Мисырга, шул чатнаган камыш таякка таянмакчы буласың, ә бит ул үзенә таянган кешенең кулын җәрәхәтләп тишеп керәчәк! Мисыр патшасы фиргавен үзеннән ярдәм өмет иткән һәркем өчен шундый.

IV Патшалар 23:33

Яһүәхәз Иерусалимдә патшалык итмәсен өчен, фиргавен Нехо, аны Хамат җирендәге Риблада әсир итеп, Яһүдәне йөз талант көмеш вә бер талант алтын түләргә мәҗбүр итте.

Ишагыйя 19:13

Соган түрәләре акылсыз, Мемфис түрәләре үз-үзләрен алдый. Мисырның кабилә башлыклары Мисыр халкын юлдан яздырды.

Ишагыйя 59:13

Без Раббыга каршы баш күтәрдек, Аңардан йөз чөердек, Аллабыздан читкә киттек, җәбер-золым кылырга, фетнә чыгарырга өндәдек, йөрәкләребездә ялган тудырып, шуны сөйләп йөрдек.

Ишагыйя 8:8

Яһүдә җиренә җәелеп, сулар муенга җитәчәк. Ашшур патшасының җәелгән канатлары җиреңне иңләп-каплап алачак, и Иммануил!»

Иремия 44:1

Мисырдагы Мигдол, Тахпанхес, Мемфис һәм Патрос шәһәрләрендә көн күрүче яһүдиләр турында Иремиягә Раббы сүзе булды.

Иремия 46:14

«Бу хакта Мисырга хәбәр юллагыз, Мигдол, Мемфис вә Тахпанхес шәһәрләрендә белдерегез: „Сафка басыгыз һәм әзерләнегез, чөнки кылыч тирә-ягыгыздагы кешеләрне ашый!“ – дип әйтегез.

Иремия 46:19

Әй Мисыр халкы, сөргенгә китү өчен, кирәк-яракларыгызны әзерләгез, чөнки Мемфис җимереләчәк, чүлгә әйләнәчәк һәм кешесез калачак.

Иремия 48:45

Качып баручылар, хәлдән таеп, Хишбун каласының диварлары күләгәсендә туктап калды, әмма Хишбуннан – ут, Сихон патша йортыннан ялкын бөркелеп, Мәаб кавеменең чигәләрен, фетнәчел халкының баш түбәсен яндырды.

Яхәзкыл 30:13

Хуҗа-Раббы болай дип әйтә: «Потларны җимерәм, Мемфиста ялган илаһларны юк итәм, Мисыр җирендә инде хакимнәр булмас, Мин Мисыр җиренең котын алам.

Яхәзкыл 30:16

Мисырга ут салам; Пелүсимне газапка дучар итәм. Дошманнары Фивага һөҗүм итәр, көндезен Мемфиска ябырылыр.

Һошея 9:6

Һәлакәттән качып котылсагыз да, Мисыр сезне үзенә җыячак, Мемфис җир куенына тапшырачак; көмеш-зиннәтләрегезне кычыткан басып китәр, чатырларыгызда чәнечкеле күгән үсәр.

Канун 33:20

Гәд ыругы турында болай диде: «Гәд җирен Арттыручыга – дан! Гәд – башларны яки кулларны өзгәләргә торган арыслан кебек: