II Петердән хат 1:14 - Изге Язма

¹⁴ Тиздән бу тәнемнән китәргә кирәк булуын беләм. Моны миңа Хакимебез Гайсә Мәсих ачкан иде.

II Петердән хат 1:14 ပူးပေါင်းရင်းမြစ်များ

Ишагыйя 38:12

Көтүче үз чатырын сүтеп алып киткән кебек, минем торагым да миннән шулай алынды; тукучы үзенең тукымасын төреп куйган кебек, мин дә гомеремне төреп куйдым. Раббы, туку станындагы буй җепне кисеп алган кебек, гомеремне кисеп алды. Йа Раббы, Син мине көндезен дә, төнлә дә үлемгә алып барасың.

Яхъя 13:36

Шимун Петер Гайсәдән: – Хакимем, Син кая китәсең? – дип сорады. Гайсә аңа: – Мин китәчәк урынга Син хәзер ияреп бара алмыйсың, әмма соңыннан киләчәксең, – дип җавап бирде.

Рәсүлләр 20:25

Хәзер беләм: Аллаһы Патшалыгын, арагызда йөреп, вәгазьләвемне ишеткәннәрегезнең берсе дә мине башка күрмәс.

II Көринтлеләргә хат 5:1

Җирдәге чатырыбыз – тәнебез юкка чыгачак. Әмма безне күкләрдә кеше кулы белән эшләнмәгән, Аллаһы биргән мәңгелек өй көтүен беләбез.

Канун 31:14

Раббы Мусага әйтте: – Үләр вакытың якынлаша. Ешуаны чакырып китер һәм аның белән бергә Очрашу чатырына кер. Мин аңа күрсәтмәләр бирермен. Муса да, Ешуа да Очрашу чатырына керделәр.

II Тимутәйгә хат 4:6

Тормышым озакламый корбан ителер, бу дөньядан китәр вакытым җитте.

Ешуа 23:14

Озакламый мин һәркемне көткән соңгы юлга кузгалырмын. Сез бик яхшы беләсез: Раббы Аллагыз сезгә биргән вәгъдәләренең берсен дә үтәмичә калмады. Алар бөтенесе чынга ашты, берсе дә үтәлмичә калмады!

II Петердән хат 1:13

Үзем әле исән һәм фани тәнемдә вакытта, болар хакында хәтерегезгә төшерүне үземнең бурычым итеп исәплим.