Даниил 4:30 - Изге Язма

³⁰ Миңа әйтелгән әлеге сүзләр шундук гамәлгә дә ашты: мине кешеләр арасыннан сөрделәр; мин, үгез сыман, үлән белән тукландым, бәдәнем күк чыгында коенды, тора-бара чәчләрем бөркет каурыйлары сыман озын булып үсте, кошларныкы сыман булып, тырнакларым җитте.

Даниил 4:30 ပူးပေါင်းရင်းမြစ်များ

Яратылыш 10:10

Әүвәлендә аның патшалыгы Шинар җирләрендәге Бабил, Әрех, Аккад һәм Кәлне шәһәрләрен үз эченә ала иде.

Эстер 1:4

йөз сиксән көн дәвамында аларга патшалыгының мул байлыгын, бөеклеген һәм данын күрсәтте.

Зәбур 104:1

Раббыга рәхмәтләр укыгыз, исемен яд итегез, эш-гамәлләрен халыкларга җиткерегез!

Зәбур 49:20

Утырасың да туган кардәшеңне яманлыйсың, анаң углына кара яла ягасың.

Зәбур 73:8

Күңелләреннән: «Барысын җимерик!» – дип әйтеп, Аллаһының илдәге барча гыйбадәтханәләрен көлгә әйләндерделәр.

Гыйбрәтле сүзләр 11:2

Тәкәббергә ияреп, хурлыгы да килеп җитәр, әмма тыйнакларга ияреп, зирәклек килер.

Гыйбрәтле сүзләр 16:18

Горурлык – һәлакәткә, масаю хурлыкка илтә.

Гыйбрәтле сүзләр 29:23

Тәкәбберлек кешене түбәнәйтә; тыйнак рухлы кеше хөрмәт казаныр.

Ишагыйя 13:19

Барлык патшалыклар арасында иң гүзәле, килданиләрнең даны һәм горурлыгы булган Бабилне Аллаһы юк иткән Сәдүм вә Гамура язмышы көтә!

Яхәзкыл 29:3

Хуҗа-Раббы болай дип әйтә, диген: «Мин синең дошманың, фиргавен, Мисыр патшасы. Үзенең елгасында яткан килеш: „Нил – минем елгам, мин аны үзем өчен булдырдым“, – дип әйтүче олы гәүдәле аждаһа син.

Даниил 4:31

Алдан әйтеп куелган вакыт үтүгә, мин, Нәбухаднессар, күзләремне күккә төбәдем, һәм акылым миңа кабат кайтты. Шуннан мин Аллаһы Тәгаләгә мактау-шөкерләр яудырдым, Мәңге яшәүчене данладым һәм мактадым: Аның хакимлеге мәңгелек, Аның патшалыгы буыннан-буынга дәвам итәчәк!

Хабаккук 1:11

Шуннан соң, җил кебек котырынып, алга баруын дәвам итә. Әмма „Безнең илаһыбыз – беләктәге көч“ дип уйлаучы шушы халык гаепледер».

Лүк бәян иткән яхшы хәбәр 14:11

Чөнки үзен башкалардан өстен куючы түбәнсетелер, ә үзен түбәнсетүче – күтәрелер.

Лүк бәян иткән яхшы хәбәр 14:9

Сине дә, аны да кунакка чакырган хуҗа, яныңа килеп: «Бу кешегә урын бирче», – дип әйтер, һәм шул чакта син, оятка калып, ишек катына барып утырырга мәҗбүр булырсың.

I Көринтлеләргә хат 10:31

Шулай итеп, ашыйсызмы, эчәсезме яки башка берәр нәрсә эшлисезме – һәммәсен дә Аллаһы даны өчен эшләгез.

I Петердән хат 5:5

Яшьләр, сез дә шулай өлкәннәргә буйсыныгыз. Һәрберегез бер-берегезгә күндәм булыгыз, чөнки Изге язмада язылганча: «Аллаһы тәкәбберләргә каршы тора, тыйнак-күндәм бәндәләренә исә мәрхәмәтен күрсәтә».

Ачылыш 14:8

Икенче фәрештә, аңа ияреп, болай диде: «Бөек Бабил җимерелде, җимерелде! Ул барча халыклырга үзенең тыелгысыз фәхешлек шәрабын эчерткән».

Ачылыш 16:19

Бөек шәһәр өч өлешкә бүленеп китте һәм халыкларның шәһәрләре җимерелде. Аллаһы бөек Бабилне искә төшереп, аңа Үзенең ярсулы ачу касәсеннән шәраб эчәргә бирде.

Ачылыш 17:5

Аның маңгаена серле мәгънәгә ия исем язылган: «Бөек Бабил – җир фахишәләренең һәм чирканыч нәрсәләрнең анасы».

Ачылыш 18:10

Газапларыннан куркып, читтәрәк басып торачаклар һәм: «Кайгы, кайгы сиңа, бөек шәһәр! И Бабил, куәтле шәһәр! Син бер сәгать эчендә хөкем җәзасын алдың», – дип әйтәчәкләр.

Ачылыш 18:21

Аннары бер көчле фәрештә тегермән ташы кебек зур таш алып, диңгезгә ташлады һәм болай диде: «Бөек Бабил шәһәре шундый көч белән түбәнгә ыргытылыр һәм башка табылмас.