Амос 5:3 - Изге Язма

³ Хуҗа-Раббы болай ди: «Исраил шәһәреннән яуга мең кеше чыкса, йөзе генә сау калачак; йөз кеше чыкса, унысы гына исән калачак!»

Амос 5:3 ပူးပေါင်းရင်းမြစ်များ

Зәбур 144:14

Егылырга торган һәммәсенә таяныч Син, Раббы, җиргә сыгылганны турайтып бастыручы да.

Ишагыйя 1:9

Әгәр Күкләр Хуҗасы Раббы кайберләребезне исән калдырмаган булса, без Сәдүм каласына, Гамура каласына тиңләшер идек.

Ишагыйя 10:22

Әй Исраил, халкың диңгез ярындагы ком бөртекләре санынча күп булса да, аның бик аз өлеше генә кире кайтачак. Һәлакәтең инде алдан билгеләп куелган, һәм бу гадел хөкем ташкын булып килә.

Ишагыйя 6:13

Анда халыкның уннан бер өлеше генә калса да, алары да бөлгенлеккә төшәчәк. Ләкин таза-юан агачны йә имәнне кискәннән соң төбе калган кебек, Исраилдән дә агач төбе калачак, һәм ул – изге орлыктыр».

Яхәзкыл 12:16

Кылган әшәкелекләре хакында үзләре яшәгән халыклар арасында сөйләсеннәр өчен, Мин аларның бик азын гына кылычтан, ачлыктан вә үләт чиреннән саклап калырмын; һәм алар Минем Раббы икәнемне белерләр.

Амос 6:9

Берәр йортта унлап кеше исән калса, алары да үләр!

Римлыларга хат 9:27

Ә Ишагыйя Исраил хакында шуны әйтеп җибәрә: «Исраил халкы диңгез ярындагы ком бөртекләре санынча күп булса да, бик аз өлеше генә котылачак.

Канун 28:62

Элек сез күктәге йолдызлар санынча күп булсагыз да, бик азыгыз гына исән калыр, чөнки сез Раббы Аллагызны тыңламадыгыз.

Канун 28:63

Раббы сезне ишәйткәндә, сезгә игелекләр кылганда ничек куанса, сезне һәлак иткәндә, кырганда да нәкъ шулай куаныр. Билисе җирегездән дә сез соңыннан сөрелерсез.

Канун 4:27

Раббы сезне башка халыклар арасына таратыр, анда сезнең бик азыгыз исән калыр.