Амос 1:4 - Изге Язма

⁴ Хазаилнең сараен утка чорнармын, Бен-Һададның кальгаларын ялкын ялмап алыр.

Амос 1:4 ပူးပေါင်းရင်းမြစ်များ

III Патшалар 19:15

– Килгән юлың белән кабат Дәмәшкъ чүленә кит, – диде аңа Раббы. – Барып җиткәч, май сөртеп, Хазаилне Арам патшасы итеп билгелә,

IV Патшалар 13:25

Соңра Яһоаш патша үзенең атасы Яһүәхәздән Хазаил сугышып алган бөтен шәһәрләрне Бен-Һададтан кабат кайтарып алды. Яһоаш аны, өч мәртәбә тар-мар китереп, Исраил калаларын үзенә кайтарды.

IV Патшалар 13:3

һәм бу хәлдән Исраил халкына Раббының ачуы кузгалып, Ул байтак гомерләргә Исраил язмышын Арам патшасы Хазаил вә Хазаил углы Бен-Һадад кулына тапшырды.

IV Патшалар 6:24

Шушы хәлләрдән соң күпмедер вакыт үткәч, Арам патшасы Бен-Һадад үзенең бөтен гаскәрен җыеп яуга кузгалды һәм, Самарея шәһәре янына килеп, аны чолгап алды.

II Елъязма 16:2

Шуннан Аса Раббы йорты вә патша сарае хәзинәсендә булган алтын-көмешне җыеп алды һәм, әлеге байлыкны Дәмәшкътә яшәүче Арам патшасы Бен-Һададка озатып, аңа түбәндәге сүзләрне юллады:

Иремия 17:27

Әгәр инде әйткәннәремне игътибарга алмасагыз, шимбә көнне изге итеп танымыйча, Иерусалим капкаларыннан йөк күтәреп керсәгез, шәһәр капкаларына ут төртермен, һәм шул сүнмәс ут Иерусалимнең барлык зиннәтле сарайларын яндырып бетерер!“»

Иремия 49:27

Дәмәшкъ диварларына Мин ут төртермен, һәм ул ут Бен-Һадад патшаның зиннәтле сарайларын юк итәр».

Яхәзкыл 30:8

Мисырга ут салгач, аның бөтен терәүләре җимерелгәч, Минем Раббы икәнемне беләчәкләр.

Яхәзкыл 39:6

Магог җиренә вә диңгез утрауларында хәвеф-хәтәрсез яшәүче халыкларга Мин ут җибәрермен. Шунда Минем Раббы икәнемне белерләр.

Һошея 8:14

Исраил, үзенең Бар итүчесен онытып, сарай-пулатлар корды, Яһүдә дә күп санлы шәһәрләрен ныгытуда булды, тик Мин ул калаларга ут салырмын, һәм аларның ныгытмалары, янып, көлгә әйләнер».

Амос 1:10

Сур диварларын утка чорнармын, аның кальгаларын ялкын ялмап алыр».

Амос 1:12

Теманны утка чорнармын, Босра кальгаларын ялкын ялмап алыр».

Амос 1:14

Рабаһның диварларына ут салырмын, ялкын ялмап алыр аның кальгаларын – ул көн сугыш гөрелтесе астында, давыллы көндә купкан өермә эчендә узар.

Амос 1:7

Газа диварларын утка чорнармын, аның кальгаларын ялкын ялмап алыр.

Амос 2:2

Мин аны утка чорнармын, Кыръют кальгаларын ялкын ялмап алыр – чуалыш эчендә, сугыш гөрелтесе, быргы тавышлары астында Мәаб һәлак булыр.

Амос 2:5

Мин аны утка чорнармын, Иерусалим кальгаларын ялкын ялмап алыр».

Хөкемчеләр 9:57

Кылган явызлыкларына карап, Аллаһы Шәкем халкына да җәзасын бирде. Әнә шул рәвешле, аларга Еруб-Багал углы Иотамның каргышы төште.