II Тессалуникәлеләргә хат 1:5 - Изге Язма

⁵ Боларның барысы да Аллаһы хөкеменең гадел икәнен күрсәтә. Нәтиҗәдә, сез Аллаһы Патшалыгына керергә лаеклы дип саналырсыз: аның хакына газап чигәсез дә бит инде.

II Тессалуникәлеләргә хат 1:5 ပူးပေါင်းရင်းမြစ်များ

Әюб 8:3

„Аллаһы гаделлекне боза, Кодрәт иясе хилафлык китерә“, – дисеңме әллә?

Зәбур 111:7

Начар хәбәр аны өркетмәс, чөнки Раббыга ышаныч баглаган йөрәге ныктыр аның.

Зәбур 33:5

Раббыга ялварып дәшкәндә, Ул мине җавапсыз калдырмады, бар курку-дәһшәтләрдән азат итте.

Зәбур 50:6

Синең алда, фәкать Синең алда гөнаһлы мин, Синең алда явызлык кылдым. Гаепләү сүзләрең хаклыдыр, хөкемеңдә Син гаделдер.

Зәбур 72:2

Минем чак кына аякларым сөрлекмичә, табаннарым таймыйча калган иде:

Зәбур 99:4

Рәхмәтләрегезне укып узыгыз Раббы йортының капкасыннан, ишегалларына мактау сүзләре белән килегез, шөкрана итеп исемен данга күмегез!

Иремия 9:24

Әгәр мактана икән, Мине Раббы дип танып белүе белән, Минем күңелгә хуш килгән мәрхәмәт, гаделлек вә хаклыкка таянып эш итүем белән мактансын! Бу – Раббы сүзе».

Лүк бәян иткән яхшы хәбәр 20:35

Ә инде үледән терелергә һәм киләчәк дөньяда яшәргә лаек булганнар өйләнмәсләр дә, кияүгә дә чыкмаслар.

Лүк бәян иткән яхшы хәбәр 21:36

Шулай итеп, һәрчак уяу булыгыз, киләсе бәла-казалардан котылырга һәм Адәм Углы каршына килеп басарга көчегез җитсен өчен, дога кылыгыз.

Рәсүлләр 13:46

Ә Паул һәм Барнаб исә кыюлык белән: – Аллаһы сүзе иң элек сезгә игълан ителергә тиеш иде, – диделәр. – Әмма сез аны кире кагасыз һәм шуның белән үзегезне мәңгелек тормышка лаек түгел дип саныйсыз. Шуңа күрә без башка халыкларга таба борылабыз.

Рәсүлләр 14:22

Шәкертләрнең күңелләрен дәртләндереп, иманда нык торырга өндәделәр. – Аллаһы Патшалыгына керү өчен, безгә күп михнәтләр чигәргә кирәк, – диделәр.

Римлыларга хат 2:5

Син кире булганга һәм йөрәгең тәүбә итәргә теләмәгәнгә күрә, Аллаһының гадел хөкеме билгеле булачак ачу көнендә башыңа төшәчәк җәзаңны җыясың.

Римлыларга хат 8:17

Әгәр Аның балалары икәнбез, Аллаһы варислары да – без. Без Аның мирасын Мәсих белән бергә кабул итеп алабыз. Мәсих белән бергә михнәт чигәбез икән, Аның белән бергә дан-шөһрәткә дә ия булырбыз бит.

Эфеслеләргә хат 4:1

Шулай итеп мин, Хаким Гайсә хакына тоткын буларак, Аллаһыдан алган чакыруыгызга лаеклы итеп яшәвегезне үтенәм.

Филиппуйлыларга хат 1:28

Дошманнардан һич курыкмагыз: курыкмавыгыз – алар өчен һәлакәт, ә сезнең өчен – котылу билгесе. Бу – Аллаһы эше.

Көлессәйлеләргә хат 1:12

Яктылык патшалыгында Үзенең изге халкы өчен саклаган бүләктән өлеш алырга үзегезне лаеклы иткән Атабызга сөенеп рәхмәт әйтегез.

I Тессалуникәлеләргә хат 2:14

Имандашлар, сез Яһүдиядә урнашкан, Мәсих Гайсәгә таянучы Аллаһы бердәмлекләре кебек булдыгыз: алар яһүдиләрдән җәфа чиккәндәй, сез дә үз милләттәшләрегездән җәфа чиктегез.

II Тессалуникәлеләргә хат 1:11

Шуңа күрә, без һәрвакыт сезнең өчен дога кылабыз, Аллабыз сезне Үзе чакырган тормыш юлына лаеклы итсен, һәр яхшы ниятне һәм иман эшен Үзенең кодрәте белән төгәлләсен, дип үтенәбез.

II Тимутәйгә хат 2:12

Әгәр түзәбез икән, Аның белән бергә патшалык та итәрбез. Әгәр Аңардан баш тартсак, Ул да бездән баш тартыр.

Ачылыш 15:4

Раббы! Синнән кем курыкмас, исемеңне кем данламас? Тик бер Син генә изге. Бөтен халыклар килеп, Синең алдыңда сәҗдә кылачаклар, чөнки Синең гадел эшләрең ачылды».

Ачылыш 16:7

Мин мәзбәх ягыннан килгән тавыш ишеттем: «Әйе, Чиксез кодрәт Иясе Раббы Аллаһы! Синең хөкемнәрең хакыйкый һәм гадел!»

Ачылыш 19:2

Аның хөкемнәре хак һәм гадел: җирне үзенең фәхешлеге белән бозыклыкка китергән бөек фахишәне хөкем итте, колларының каны өчен аңардан үч алды».

Ачылыш 3:4

Ләкин Сәрдәйстә киемнәрен пычратмаган берничә кешең калган. Алар Минем белән бергә ак киемдә йөрерләр, чөнки моңа лаеклылар.