Yaxya 20:19 - Ǝlinjil ǝn Ɣaysa Ǝlmǝsix

¹⁹ Tadwit n alxad wen da iman-net, ǝddewan nǝttulab, ǝɣfalan-du ehan fǝl man-nasan, fǝlas ǝksudan imuzaran ǝn Kǝl-Ǝlyǝhud. Osa-du Ɣaysa ibdad gar-essan inn-asan: «Alxer fall-awan!»

ⵍⵍ ⵢⵙⴰ ⵍⵎⵙⵈ

¹⁹ ⵜⴹⵓⵜ ⵏⵍⵈⴹ ⵓⵏ ⴹⴰ ⵎⵏⵜ ⴹⵓⵏ ⵏⵜⵍⵀ ⵗⴼⵍⵏ⵿ⴹⵓ ⵂⵏ ⴼⵍ ⵎⵏⵙⵏ ⴼⵍⵙ ⴾⵙⴹⵏ ⵎⵤⵔⵏ ⵏ⵿ⴾⵍⵍⵢⵂⴹ⵰ ⵙⴹⵓ ⵗⵢⵙⴰ ⵀⴹⴹ ⴶⵔⵙⵏ ⵏⵙⵏ «ⵍⵈⵔ ⴼⵍⵓⵏ⵰»

Yaxya 20:19 ပူးပေါင်းရင်းမြစ်များ

Matta 10:13

Kud aytedan n ahan wǝdi nihaggan d a ɣur-san tǝssǝgǝnam, wǝdi tǝwatray n alxer ta dasan-tǝgam a fall-asan tǝqbǝl, mišan as wǝr nahaggan d a ɣur-san tǝssǝganam, wǝdi tǝwatray ten wǝr za tǝqbel fall-asan.

Matta 18:20

Fǝlas edag wa daɣ ǝmmǝnayan ǝššin, madeɣ karad daɣ-wan s esǝm-in, wǝdi ǝssǝnat as ǝlle gar-essan ǝddi da.»

Markus 16:14

Dəffər awen inafalal-du Ɣaysa i nəttulab-net win maraw d iyyan daɣ amazay a daɣ tattin. Issoɣal-tan təgna n iba n ǝzǝgzan-nasan əd taggarmamt ən wallan-nasan, fəlas wər əzzəgzanan y aytedan win t-ənaynen dəffər tanakra-net daɣ tǝmattant.

Yaxya 14:27

Oyyeɣ-awan-du alxer, ǝkfeq-qawan alxer wa-nin; nak wǝr dawan-t-ǝkfeɣ ǝs tǝmǝwit tas tu-tǝhakku ǝddǝnet; ad wǝr tǝššǝwǝšam wala tǝggǝz-kawan tasa.

Yaxya 16:22

Kawanay da zun d adi da, ǝmǝrǝdda ǝɣšâdan man-nawan, mišan a kawan-ǝlǝsaɣ anay, ǝzǝl wǝdi ad tagim tǝdǝwit as tu-wǝr-illa i daɣ-wan tat-z-ikkǝsan.

Yaxya 16:33

Ǝmâlaɣ-awan arat wa fǝl ad tǝgrǝwam alxer daɣ tǝrtǝyt ta dǝr-i tǝgam. Ad tǝnǝyam arkanay daɣ ǝddǝnet, ad wǝr tiksadam wala, fǝlas ǝddǝnet ǝrzêq-qat.»

Yaxya 20:21

Ilas inn-asan: «Ig-awan Mǝššina alxer! Ǝzimazalaq-qawan s ǝmmǝk was di-d-izammazal Abba.»

Yaxya 20:26

As ǝgan ǝttam adan dǝffǝr awen, ǝddewan-du nǝttulab ǝn Ɣaysa daɣ ahan iyyan amaran taklat ten ih-en Tuma. Iggaz-du fall-asan Ɣaysa da ǝharnat tǝsǝhar n ahan, ibdad gar-essan, inn-asan: «Ig-awan Mǝššina alxer!»

Yaxya 21:1

Dǝffǝr awen ilas Ɣaysa ǝnǝfilal i nǝttulab fǝl tǝgadamayt n agaraw wa n Tiberǝyad. Ǝmmǝk da was dasan-inafalal:

Yaxya 21:14

Taklat ta ǝnta a tǝmosat ǝnǝfilal wa n karad a d-iga Ɣaysa i nǝttulab-net dǝffǝr tanakra-net daɣ tǝmattant.

Yaxya 7:13

Mišan wǝr t-illa awedan ihalan amagrad dat aytedan daɣ talɣa-net, fǝl tǝksǝda ǝn muzaran ǝn Kǝl-Ǝlyǝhud.

Igitan 1:3

Ǝntanay en da a issǝkna iman-net dǝffǝr alɣazab-net. Isattad-asan ǝs tǝmǝwiten aggotnen tanakra-net daɣ tamattant. Ǝkkozat tǝmǝrwen n ǝzǝl a iga itinǝfilil-asan, itagg-asan isalan ǝn Taɣmar ta n Mǝššina.

Kǝl-Ǝrrum 15:33

Ǝgmâya daɣ Mǝššina a ihakkin alxer a kawan-agǝz ketnawan. Amin!

1 ⴾⵍⴾⵔⵏ⵿ⵜ 15:5

Inafalal-du i Butros, amaran inafalal i nǝttulab-net win maraw d ǝššin.

Kǝl-Efez 2:14

Ǝlmǝsix ǝnta a imosan alxer-nana, ǝnta a issǝrtayan Kǝl-Ǝlyǝhud ǝd win tan-wǝr-nǝmos ig-en arat iyyanda, irza taɣǝrt ta tan-tǝzammazzayat, ikkas ǝnǝmǝzǝnga gar-essan, ǝs tarrayt ǝn taɣǝssa-net ta ikfa fǝl tǝgǝttawt.

Kǝl-Efez 6:23

Onsaya Mǝššina di n Abba d Ǝmǝli Ɣaysa Ǝlmǝsix ad akfu imǝdrayan-nana kul alxer ǝd tara daɣ ǝttâfan ǝzǝgzan-nasan.

Kǝl-Filib 1:2

Ǝgmâya daɣ Mǝššina di n Abba-nana d Ǝmǝli Ɣaysa Ǝlmǝsix a fall-awan d-izazzabben arraxmat d alxer.

2 ⴾⵍ⵿ⵜⵙⵍⵏⴾ 3:16

Akfet-kawan Ǝmǝli n alxer ǝnta iman-net alxer faw daɣ arat kul, ilal-awan ketnawan.

ⴾⵍⵗⵀⵔⵢ 7:2

Ǝnta en da a ikfa Ibrahim tǝmǝssǝdǝk n awa ila kul. Almaɣna n esǝm wa n Malǝk-Assaddeq: Ǝmǝnokal ǝn taqqat, imosan deɣ ǝmǝnokal ǝn Salam, almaɣna "ǝmǝnokal n alxer".

3 ⵢⵈⵢⴰ 1:14

fǝlas ǝknêɣ mǝrda n a kay-ǝnǝya tarmad fǝl a dak-kan-anna s ǝmi d ǝmi.

Ǝnǝfilal 1:4

Awa nak Yaxya, a din-iktâban y Ǝlkǝnisaten a n ǝssayat ǝhanen akal n Asǝya. Ǝmǝli s ǝnta a t-illan kala da, ill-ay deɣ ǝmǝrǝdda, amaran ǝnta a d-izayan, a daɣ ǝgmayaɣ a dawan-agu arraxmat d alxer. Tǝgrǝwamet arraxmat d alxer ɣur ǝssa ǝrruxanitan win ǝllanen dat tǝxawit ta n taɣmar n Ǝmǝli!