Yaqub 3:13 - Ǝlinjil ǝn Ɣaysa Ǝlmǝsix

¹³ Mǝni-tu daɣ-wan wa imosan ǝmusan ila deɣ ǝgǝrri? Awedan wǝdi, assaknet adi s alxal olaɣan ǝd mazalan ǝgânen ǝs talmat ǝn man ǝd masnat.

ⵍⵍ ⵢⵙⴰ ⵍⵎⵙⵈ

¹³ ⵎⵏⵜⵓ ⴹⵗⵓⵏ ⵓⴰ ⵎⵙⵏ ⵎⵙⵏ ⵍⴰ ⴹⵗ ⴶⵔⵢ⵰ ⵓⴹⵏ ⵓⴹⵢ ⵙⴾⵏⵜ ⴹⵢ ⵙⵍⵈⵍ ⵍⵗⵏ ⴹⵎⵤⵍⵏ ⴶⵏⵏ ⵙ ⵜⵍⵎⵜ ⵏⵎⵏ ⴹⵎⵙⵏⵜ⵰

Yaqub 3:13 ပူးပေါင်းရင်းမြစ်များ

Matta 11:29

Bardagat-i tǝlkamam i tara-nin, tabǝzam fall-i masnat, id nak mǝššis ǝn talmat a mosa, ǝwǝl-in deɣ wǝr t-iha zazwar ǝn man. Ǝddi ad za tǝgrǝwam tǝsanfawt i man-nawan,

Matta 21:5

«Anniwat y ǝɣrǝm wa n Sǝyon: Ǝnǝy! Ǝmǝnokal-nak izây-kay-du. Ikna ǝsǝrǝs ǝn man-net. Iwân tâjat, ǝhulel fadda, imosan ara n ǝmudar a fǝl itamaway ǝzuk.»

Matta 5:5

Ǝbbilalan win ǝssǝrasnen iman-nasan, fǝlas ad ǝgrǝwan akal wa dasan-issǝnsa Mǝššina.

Matta 7:24

«Daɣ adi awedan kul wa issǝsaman y awal-in wa, immozal-tu, wǝdi iha ǝlmital n alǝs n ǝmǝli ǝn tayttay ikrasan ehan-net fǝl tǝsǝlit.

1 ⴾⵍⴾⵔⵏ⵿ⵜ 6:5

Imos fall-awan tǝkarakit ad imos as, wǝr kawan-iha awedan waliyyan ilân masnat a tu-tǝssifragat ad izǝmmǝzzǝy ǝššǝriɣa i mǝdrayan-net daɣ ǝddin.

2 ⴾⵍⴾⵔⵏ⵿ⵜ 10:1

Nak Bulǝs, nak wa fǝl gannin aytedan as: šira šin dawan-in-kattabaɣ ɣas a daɣ ǝhâla awal, mišan as kawan-ǝheɣ ad ǝqqǝlaɣ awedan lǝmmidan; onsâyaq-qawan fǝl udǝm ǝn talmat d ǝlluɣ win iga Ǝlmǝsix,

2 ⴾⵍⴾⵔⵏ⵿ⵜ 8:24

Daɣ adi, sakniwat-tan tara ta kawan-tǝhat d ǝddǝlil wa nǝla s igi ǝn baragan daɣ batu-nawan fǝl a daɣ-san ǝkkǝsnat Ǝlkǝnisaten aššak, ǝnǝynat-tan.

ⴾⵍⴶⵍⵜⵢⴰ 5:23

ǝd talmat, d ǝnudi daɣ wallan-nana. Amaran wǝr t-illa ǝššǝriɣa iššakan alxalan win di.

ⴾⵍⴶⵍⵜⵢⴰ 6:1

Imǝdrayan-in, as ewad jarraba awedan iga ark ǝmazal a iqqal, kawanay a ǝlkamnen y Infas wa Zǝddigan, sǝssiɣǝdat-tu ǝs man lammodnen fǝl a d-iqqǝl tarrayt ta tolaɣat. Ǝnkǝdat wǝllen ǝd man-nawan fǝl a kawan-wǝr-awǝd jarraba kawanay da.

ⴾⵍⴶⵍⵜⵢⴰ 6:4

Akkiyyan daɣ-wan inẓǝret daɣ mazalan-net. As inay as imazalan-net hossayan, ǝddi ad igrǝw ǝddǝlil n ad iflǝs iman-net s ǝssǝbab ǝn mazalan-net wǝrgeɣ s ad išašalu iman-net d awedan iyyan.

Kǝl-Efez 4:2

Ǝqqǝlat faw aytedan wǝr nǝdkel iman-nasan, tilmadam, tǝqqǝlam imǝzǝzzǝydar. Nǝmǝqbǝlat gar-ewwan ǝs tara.

Kǝl-Filib 1:27

Taɣara tǝgat da, agiwat alxal was immǝkkan ad t-agin aytedan ǝzzigzannen s Ǝlinjil n Ǝlmǝsix. As iga adi, gǝr za oseq-qawan-in wala deɣ imos as isalan-nawan ɣas a ǝgrawa, ad ǝssǝnaɣ as tǝglayam daɣ igi n aɣaf iyyanda, tǝnimannakam s ǝwǝl iyyanda daɣ tǝbǝllant ta tǝgam fǝl ǝzǝgzan isihaddan fǝl Ǝlinjil.

ⴾⵍⴾⵍⵙⵢⴰ 3:12

Kawanay tǝhâm win d-isannafran Mǝššina, issǝwar-tan aganna ir-en. Daɣ adi tǝggǝzet-kawan tǝhanint, tilem iman mallolnen, tǝsǝllǝqqǝwam iman-nawan, talǝɣam, tǝggǝz-kawan tazaydart.

1 ⵜⵎⵜⵢ 4:12

Ad wǝr tayyaɣ awedan waliyyan alkik fǝl as wǝr tawaššera. Kalar ǝqqǝl almasal i mǝzzǝgzan s awa tǝganna d alxal-nak ǝd tara ta kay-tǝhat d ǝzǝgzan-nak ǝd tazdak n ǝwǝl-nak.

1 ⵜⵎⵜⵢ 6:11

Amaran kay Timotay, imosan ǝmaray ǝs Mǝššina, darrag y adi ketnet. Ǝgmǝy taqqat, ǝd tǝksǝda ǝn Mǝššina, d ǝzǝgzan, ǝd tara, ǝd zǝmmerat, ǝd talmat.

2 ⵜⵎⵜⵢ 2:25

iwâr-tu ad itaggu ǝsǝssǝgri lǝmmidan y aytedan win das-tamazaɣnen, daɣ igi n attama n a tan-akfu Mǝššina tǝtubt y ad ǝnǝyan tidǝt.

Titǝs 3:2

Ad wǝr taggin arak batuten s awedan waliyyan, wala ǝqqǝlan inadlaman, ilen aladab, ǝqqǝlan aytedan zamazalnen talmat y ǝkkulluk n awedan.

ⴾⵍⵗⵀⵔⵢ 13:5

Ad wǝr tǝqqǝlam aytedan ǝwwǝlatnen azrǝf. Agdiwat s awa tǝlam ǝmǝrǝdda, fǝlas Mǝššina iman-net as inna: Wǝr ilkem a kay-oyye za wǝr ilkem ad ǝgmada batu-nak.

Yaqub 1:21

Daɣ adi, mazzayat ǝd mazalan kul win kawan-samadasnen, ǝd tǝllabǝst kul ta tǝtamazalam, tǝqbǝlam ǝs man lammodnen awal wa itawaggan daɣ wallan-nawan, ifrâgan a kawan-iɣlǝs daɣ Jahannama.

Yaqub 2:18

Amaran as inna awedan: «Nak ǝzǝgzan-in a fǝl saffalla.» Inn-as iyyan: «Kay ǝzǝgzan-nak a fǝl tǝsaffalla, nak amaran imazalan olaɣnen win tagga fǝl saffalla. Sakn-i ǝzǝgzan-nak da wala imazalan olaɣnen, nak a kay-assaknaɣ wa-nin ǝs mazalan-in olaɣnen.»

Yaqub 3:1

Ya imǝdrayan-in, a daɣ-wan wǝr igatan ǝlfǝqqitan fǝlas tǝssânam as nakkanay win ǝlfǝqqitan a danaɣ-itǝwǝggu ǝššǝriɣa labasan ogaran wa zʼitǝwǝggin y aytedan win hadatnen.

Yaqub 3:17

Mišan masnat ta du-tǝfalat Mǝššina, arat wa azzaran tǝga âs ši zǝddigat. Awedan wa tat-igrawan, ira alxer, lǝmmid, igarru, tǝkn-ay tǝhanint iguz, itaggu deɣ imazalan olaɣnen. Wǝr itǝggu tǝmǝrit za wǝr tu-tǝha tǝlmǝnufǝqa.

1 ⵀⵜⵔⵙ 1:15

Ǝmmǝk was zǝddig wa kawan-d-iɣran ǝs man-net, ǝmmǝk en daɣ as kawan-iwar ad izdag alxal-nawan kawanay da,

1 ⵀⵜⵔⵙ 2:12

Ad wǝr tammazzayam d alxal wa olaɣan dat aytedan win wǝr nǝksud Mǝššina. Ǝddi as imos as sawaran-kawan bahutan ǝn tišit ǝn nǝsgufa, iman-nasan as zʼǝnǝyan igitan olaɣnen win tǝtaggim daɣ anamod wen, awǝy-du sǝr-san awen saɣmar n Ǝmǝli ǝzǝl wa du-z-asu.

1 ⵀⵜⵔⵙ 2:9

Kawanay amaran: «Tawšet tǝnnifranat a tǝmosam, tiddawat ǝn limaman ǝn Mǝššina di n Ǝmǝnokal, tǝmosam harwa da aɣrǝf iskatan ǝs Mǝššina, tǝmosam deɣ tamattay-net. Ikkas-kawan-du fǝl ad tǝmmalam igitan simaklalnen,» win iga id ǝnta a kawan-d-iɣran daɣ šiyyay, ig-iwan daɣ ǝnnur-net isinahalan ǝmǝlǝwlǝw.

1 ⵀⵜⵔⵙ 3:4

Kalar ǝgmǝymat šihussay šin ǝɣbarnen daɣ ǝwǝl, s ǝntanatay a wǝr nǝgǝmmǝd, ǝmosnen talmat d ǝsǝnsi ǝn tayttay. Šihussay den da šin ǝknanen tǝla n almaqam ɣur Mǝššina.