Titǝs 2:5 - Ǝlinjil ǝn Ɣaysa Ǝlmǝsix

⁵ Ǝqqǝlnat šidoden ǝnnodanen daɣ wallan-nasnat, aginat alxal zǝddigan. Annattafnat d ǝššǝɣǝlan ǝn ɣawnatan-nasnat, alǝɣnat, abbardagnat i meddan-nasnat. As iga adi, wǝr zʼitǝwǝlku Awal ǝn Mǝššina.

ⵍⵍ ⵢⵙⴰ ⵍⵎⵙⵈ

⁵ ⵆⵍⵏⵜ ⵛⴹⴹⵏ ⵏⴹⵏⵏ ⴹⵗ ⵓⵍⵏⵙⵏⵜ ⴶⵏⵜ ⵍⵈⵍ ⵤⴹⴶⵏ⵰ ⵏⵜⴼⵏⵜ ⴹⵛⵗⵍⵏ ⵏ⵿ⵗⵓⵏⵜⵏⵙⵏⵜ ⵍⵗⵏⵜ ⵀⵔⴹⴶⵏⵜ ⵢ ⵎⴹⵏⵙⵏⵜ⵰ ⵙ ⴶⴰ ⴹⵢ ⵓⵔ ⵤⵜⵓⵍⴾⵓ ⵓⵍ ⵏⵎⵛⵏⴰ⵰

Titǝs 2:5 ပူးပေါင်းရင်းမြစ်များ

Igitan 9:36

As itaggu awen aɣrǝm ǝn Yaffa tǝxsâr daɣ-as tǝnalkimt ǝn Ɣaysa tǝgât esǝm Tabita, almaɣna n esǝm wa daɣ tǝlyunant Dorkas, almaɣna «Tenert». Wǝr tǝgmed ar s igi ǝn mazalan olaɣnen ǝd tǝkutawen i maddararan.

Igitan 9:39

Inkar Butros iddew dǝr-san. As din-osa, ewayan-tu ǝs suru wa tǝha tǝɣǝssa ǝn tǝntut, ǝkkanat-idu tǝdoden šin as wǝr ǝdderan meddan-nasnat hallinat, sakninat-tu šikadkaden ǝd sǝlsa wiyyad a dasnat-tǝga Dorkas harwa tǝddâr.

Kǝl-Ǝrrum 14:16

Daɣ adi ad wǝr itǝwǝnnu ark arat s aratan win as tǝgam iduf n âs olâɣan.

Kǝl-Ǝrrum 2:24

«Fǝlas esǝm ǝn Mǝššina sammadrayan-tu aytedan win wǝr nǝmos Kǝl-Ǝlyǝhud amaran imazalan-nawan a d-ewaynen awen», s ǝmmǝk was t-ǝmalan Ǝlkǝttaban.

1 ⴾⵍⴾⵔⵏ⵿ⵜ 11:3

Mišan areɣ ad tǝssǝnam as, alǝs kul, Ǝlmǝsix a imosan eɣaf-net; tantut, alǝs a imosan eɣaf-net; Ǝlmǝsix, Mǝššina a imosan eɣaf-net.

1 ⴾⵍⴾⵔⵏ⵿ⵜ 14:34

Ad wǝr šawalnat tǝdoden daɣ mǝnnǝyan win Ǝlkǝnisat, fǝlas wǝr ǝlenat turagat n awen. Kalar abbardagnatet, id adi da as inna Ǝttawret ad t-aginat.

Kǝl-Efez 5:33

Xasil ǝkkulluk n iyyan daɣ-wan agiwet i taɣurǝs tara ta iga i man-net, tantut deɣ tǝssǝɣmǝret alǝs-net.

ⴾⵍⴾⵍⵙⵢⴰ 3:18

Šidoden ǝlkǝmmat i tǝnna ǝn meddan-nakmat ǝmmǝk as ihor a t-ǝtagginat tǝdoden šin ǝhanen tarrayt n Ǝlmǝsix.

1 ⵜⵎⵜⵢ 5:10

Ǝggǝyyen deɣ aytedan as tǝtag imazalan olaɣnen, ǝmosnen ǝsǝdwǝl olâɣan ǝn bararan-net, d amagaru, wǝr tǝsassagar iman-net igi n ǝššǝɣǝl a iqqal i mǝzzǝgzan, ǝd tilalt y aytedan win maɣatarnen, d ǝmazal n arat kul wa olaɣan s ǝwǝl iyyanda.

1 ⵜⵎⵜⵢ 6:1

Ǝlmǝsixitan kul win ǝmosnen eklan, iwâr-tan saɣmar ǝn mǝssawsan wǝllen fǝl ad wǝr ǝkkesan aytedan tarna i Mǝššina, wala deɣ alkin tǝssunt ta nǝsassaɣru.

Titǝs 2:4

Ǝdgǝznatet daɣ ammar ǝn tǝdoden šin madrornen s ad irenat meddan-nasnat, ǝd bararan-nasnat.