Titǝs 2:3 - Ǝlinjil ǝn Ɣaysa Ǝlmǝsix

³ Ǝmmǝk wen daɣ as ilzam ad t-aginat tǝdoden šin waššarnen. Amǝr-tanat s ad ǝttǝfnat ǝzzǝbun-nasnat dat Mǝššina. Ad wǝr taẓamnat wala iqqǝl alxal-nasnat tessay n esmad aggen. Ǝqqǝlnatet šidoden tamarnen s ǝmazal n awa olaɣan.

ⵍⵍ ⵢⵙⴰ ⵍⵎⵙⵈ

³ ⵎⴾ ⵓⵏ ⴹⵗ ⵙ ⵍⵤⵎ ⴹ ⵜⴶⵏⵜ ⵜⴹⴹⵏ ⵛⵏ ⵓⵛⵔⵏⵏ⵰ ⵎⵔ⵿ⵜⵏⵜ ⵙⴹ ⵜⴼⵏⵜ ⵤⵀⵏⵙⵏⵜ ⴹⵜ ⵎⵛⵏⴰ⵰ ⴹ ⵓⵔ ⵜⵤⵎⵏⵜ ⵓⵍⴰ ⵆⵍ ⵍⵈⵍⵏⵙⵏⵜ ⵜⵙⵢ ⵏⵙⵎⴹ ⴶⵏ⵰ ⵆⵍⵏⵜⵜ ⵛⴹⴹⵏ ⵜⵎⵔⵏⵏ ⵙⵎⵤⵍ ⵏⵓⴰ ⵍⵗⵏ⵰

Titǝs 2:3 ပူးပေါင်းရင်းမြစ်များ

Kǝl-Ǝrrum 1:29

Taggin ǝzzǝnǝfan kul ǝn mazalan wǝr noɣed, d aššar, d attama daɣ a wǝr ǝlen, d ǝzzǝngu ǝd manzaɣ, d igi ǝn man, ǝd kǝnnasan, ǝd tǝkǝrras, ǝd tišit ǝn maksanan. Sawaran aytedan bahu,

Kǝl-Ǝrrum 16:2

fǝl a tat-tǝqbǝlam s esǝm n Ǝmǝli, igâ awen s ǝmmǝk wa dǝr ǝhoran mizdagan. Ilalat-as daɣ arat kul wa daɣ tǝddǝrar tilalt-nawan fǝlas ǝnta da tǝllil y aytedan aggotnen as nak iman-in aheq-qan.

Kǝl-Efez 5:3

Nǝmǝggǝgat d ǝzzǝna, ǝd mazalan samadasnen a ǝqqalan, ǝd tara n ǝddǝnet. Aratan win di a du-wǝr-tammadkel batu-nasan fadda ɣur-wan. Awen daɣ as ihor ad t-agin mizdagan ǝn Mǝššina.

1 ⵜⵎⵜⵢ 3:11

Ǝmmǝk en daɣ as šimadhalen n Ǝlkǝnisat da iwâr-tanat ad ǝlânat ǝzzǝbun, wǝr tizǝmnat, sammodnat, ǝɣdâlnat daɣ ǝkkulluk n arat.

1 ⵜⵎⵜⵢ 3:8

Imadhalan n Ǝlkǝnisat, ǝntanay da iwâr-tan ad ǝttafan ǝzzǝbun-nasan, tǝssiflas deɣ batu-nasan. Ad wǝr iqqǝl alxal-nasan tessay n esmad wala tattan alxaram.

1 ⵜⵎⵜⵢ 5:23

Mazzay ǝd tassay n aman ɣas, kalar sassu arat n esmad n alɣanab ad anfu adi tadist-nak, anf-ik daɣ tǝfrǝyt ta sǝr-ǝk du-tǝsaɣlayat.

Titǝs 1:7

Ǝnta amɣar n Ǝlkǝnisat Mǝššina a t-iflasan izzozar-tu i tamattay-net, daɣ adi ilzâm-tu ad imos awedan as tu-wǝr-illa i ifragan a daɣ-as d-inǝy ark arat: Wǝr idkel iman-net dǝnnǝg aytedan, wǝr ila tuksay n ǝwǝl, wǝr imos ǝmǝšwi n esmad, wǝr imos ǝmǝkkennǝs, wala deɣ itattu alxaram.

Titǝs 2:4

Ǝdgǝznatet daɣ ammar ǝn tǝdoden šin madrornen s ad irenat meddan-nasnat, ǝd bararan-nasnat.

ⴾⵍⵗⵀⵔⵢ 5:12

Edag an âs tǝrǝwam as tǝqqalam imǝssǝsǝɣra, kalar har harwada tǝddiraram s ad tǝtawasasaɣrim aratan win tǝsǝntit n awal ǝn Mǝššina. Tǝhâm edag was wǝrgeɣ imensewan win ǝqqurnen as tǝddǝraram, kalar harwada tǝddiraram s ǝx.

Ǝnǝfilal 2:20

Mišan ya ill-ay arat a daɣ-wan ǝššâkaɣ a t-imosan as toyyam tantut ta tǝgat Yezabel, tǝgannu tǝnnǝbit a tǝmos. Tǝsasaɣru inaɣbidan-in tǝsaxrak-kan, tǝsisug-en arak mazalan ǝmosnen ǝzzǝna, ǝd tattay ǝn ṣan ǝn tǝkutawen tiwagganen y ǝssǝnǝman.