Matta 6:13 - Ǝlinjil ǝn Ɣaysa Ǝlmǝsix

¹³ A dana-wǝr-taga daɣ alɣarar ǝn jarrabatan, kalar agǝz-ana daɣ Iblis, [fǝlas taɣmar, ǝd tarna, ǝd tanaya ši-nak har faw. Amin."»]

ⵍⵍ ⵢⵙⴰ ⵍⵎⵙⵈ

¹³ ⴹⵏⵓⵔ⵿ⵜⴶⴰ ⴹⵗ ⵍⵗⵔⵔ ⵏ⵿ⵌⵔⵀⵜⵏ ⴾⵍⵔ ⴶⵤⵏⴰ ⴹⵗ ⵀⵍⵙ ⴼⵍⵙ ⵜⵗⵎⵔ ⴹⵜⵔⵏⴰ ⴹⵜⵏⵢⴰ ⵛⵏⴾ ⵂⵔ ⴼⵓ⵰ ⵎⵏ⵰"»

Matta 6:13 ပူးပေါင်းရင်းမြစ်များ

Matta 26:41

Akǝyat, tansǝyam Məššina a kawan-oggazan daɣ jarrabatan n Iblis. Tidət as ǝṇṇǝyat n aggadəm tǝsidaran igi n awa olaɣan, mišan igdal-as rǝkkǝm ǝn tǝɣǝssa-net awen.»

Matta 28:20

Sassaɣriwat-tan lǝkkum y aratan kul win as kawan-omara. Nak amaran ǝssǝnat as ǝlle ɣur-wan faw, har ǝɣrud n ǝddǝnet.»

Matta 5:37

Ganniwat ɣas: "Ayew" y awa imosan tidǝt, madeɣ "kala" y awa imosan bahu. Batu a du-tǝššotam fǝl adi kul Aššaytan as du-tǝha.

Matta 6:10

taset-du Taɣmar-nak. Tǝtǝwǝmizǝlet tara-nak fǝl amaḍal s ǝmmǝk was tǝtâwamazal daɣ jǝnnawan.

Yaxya 17:15

Wǝr daɣ-ak ǝgmaya a tan-tǝkkǝsa daɣ ǝddǝnet, mišan ǝgmâya daɣ-ak a tan-tagǝza daɣ Iblis.

1 ⴾⵍⴾⵔⵏ⵿ⵜ 10:13

Ǝtǝwǝjǝrrab tǝgam kul ǝgân-tu dat-wan aytedan; amaran Mǝššina wǝr d itǝqqǝl daɣ allaman wa kawan-iga, wǝr zʼardu itǝwǝgg-awan ǝtǝwǝjǝrrab as wǝr tǝfregam. Amaran as tǝtawajarrabam, a kawan-akfu fǝrregat ǝn zǝmmerat y-as, ar-awan tarrayt n ǝdǝrrǝg y-as.

1 ⴾⵍⴾⵔⵏ⵿ⵜ 14:16

As wǝr iga adi, as iqqal âs tǝtaggaɣ igodan i Mǝššina ǝs man-nak ɣas, daɣ awalan wǝr nǝtawazday, awak awedan wa tu-wǝr-nǝssen, wa dak-issǝsǝman daɣ Ǝlkǝnisat, manǝmmǝk as zʼannu i tǝwatray-nak: «Amin!», ǝnta wǝr issen awa tǝganna?

2 ⴾⵍⴾⵔⵏ⵿ⵜ 1:20

Almaɣna n awen as arkawalan ǝn Mǝššina ketnasan «ayew» a ǝmosan daɣ Ǝlmǝsix, adi da deɣ a fǝl nǝmmâl adkul ǝn Mǝššina ǝs tǝnna ta nǝtaggu «Amin» ǝs tarrayt ǝn Ɣaysa Ǝlmǝsix.

ⴾⵍⴶⵍⵜⵢⴰ 1:4

Ɣaysa Ǝlmǝsix ǝnta a ikfan iman-net fǝl a danaɣ-agǝz daɣ bakkadan-nana, iɣlǝs-ana deɣ daɣ talbast n ǝddǝnet ta n ǝmǝrǝdda, inimannak awen ǝd tara ǝn Mǝššina di n Abba-nana,

1 ⴾⵍ⵿ⵜⵙⵍⵏⴾ 1:10

Tǝqqâlam deɣ y a d-ifǝl Barar-net Ɣaysa ijǝnnawan s ǝnta a d-issǝnkar daɣ tǝmattant, a danaɣ-agǝz daɣ alham ǝn Mǝššina ǝzǝl a ilkaman.

2 ⴾⵍ⵿ⵜⵙⵍⵏⴾ 3:3

Mišan, Ǝmǝli alɣadil a imos, ǝnta a kawan-z-isǝssuhen agǝz-kawan daɣ Iblis.

1 ⵜⵎⵜⵢ 1:17

Ya Ǝmǝnokal n Amaɣlol Wǝr nǝtǝmǝttǝy har faw wǝr itǝwǝnǝy Wǝr ila ǝmidi. Saɣmar d ǝdkul kul kay a dǝr-san ihoran har faw. Amin!

ⴾⵍⵗⵀⵔⵢ 11:36

Wiyyad ǝgrawan-tan jarrabatan labasnen ǝgânen daɣ tǝmakkakkayt, ǝd tǝwit, ǝd tǝzabagawen, ǝd kasaw.

1 ⵀⵜⵔⵙ 5:8

Ǝqqǝlat aytedan ǝnnodanen daɣ man-nasan, tǝnkǝdam. Azangaw-nawan Iblis, itiɣǝlǝyɣǝlǝy-kawan zun ahar ihhirnanan, igammay i ijalaqqat.

2 ⵀⵜⵔⵙ 2:9

Daɣ adi arat wa, issikna as Ǝmǝli issân ǝmmǝk was zʼiɣlǝs daɣ jarrabatan aytedan win t-ǝksudnen, issân deɣ ǝmmǝk was zʼittǝf aytedan win tu-wǝr-nǝksud, har d-awǝd ǝzǝl a ilkaman s ǝnta a daq-qan zʼawwaddab.

1 ⵢⵈⵢⴰ 3:8

Wa itaggan ibakkadan Iblis as ilkam fǝlas Iblis ɣur ǝnǝtti ad iggaz šin igi ǝn bakkadan. Amaran Barar ǝn Mǝššina osâ-du fǝl ad izzǝrǝz ǝššǝɣǝl n Iblis.

Ǝnǝfilal 1:18

Ǝmosa wa iddaran! Kala a di-aba, mišan ǝmǝrǝdda, nak da iddaran da, har faw! Ǝttâfa tanat ǝn tǝmattant d alaxirat.

Ǝnǝfilal 19:1

Dǝffǝr awen ǝsleɣ daɣ jǝnnawan y arat olân d ǝmǝsli issohen n ǝljǝmaɣat tagget tǝgannit: «Alleluya! Efsan, ǝd tanaya, ǝd tarna in Ǝmǝli-nana Mǝššina,

Ǝnǝfilal 19:4

Tǝzzar garaffen ǝmɣaran win sanatat tǝmǝrwen d ǝkkoz, ǝntanay ǝd mudaran win ǝkkoz, ǝɣbadan Mǝššina, iqqiman fǝl tǝxawit ta n taɣmar-net, gannin: «Amin! Alleluya! Tǝmmal i Mǝššina!»

Ǝnǝfilal 2:10

Ad wǝr tiksadam alɣazab wa daɣ-wan ilkaman. Sǝsǝmat, kǝl-Ǝlkǝnisat ta n Ǝsmurna! Iblis a kawan-ajjarrab s ad agu arat daɣ-wan daɣ kasaw. Ad tagim maraw adan tǝtiwadgazam. Ǝɣdǝlat daɣ ǝzǝgzan-nawan iket tǝddaram, ǝddi a kawan-akfaɣ aroz imosan tǝkǝbbut ta n annajax.

Ǝnǝfilal 21:4

A dasan-imǝs id t-ǝllân mǝttawan, ibʼas tu-tǝlla tǝmattant, wala tǝweškent, wala tǝkurayt, wala tisnant, fǝlas aratan win d-azzarnen, abʼas t-ǝllan.»

Ǝnǝfilal 3:10

Dad zamas tǝlkâmam y awal-in omaran ǝs zǝmmerat, wǝdi nak da a kawan-agǝza daɣ tamert ta n jarrabatan win d-ǝzaynen ǝddǝnet ketnet, fǝl ad iqqǝl awen jarraba ǝgeɣ y aytedan n ǝddǝnet kul.

Ǝnǝfilal 3:14

Ǝktǝb y angalos n Ǝlkǝnisat ta n Lawodikǝya, as: «Arat da wa d-inna was itawannu "Amin", s ǝnta a imosan tǝgǝyya ta tǝɣdalat, tǝmos tidǝt, amaran ǝnta ǝlǝsǝl n ǝkkulluk n arat:

Ǝnǝfilal 5:13

Tǝzzar ǝsleɣ daɣ amazay wen da i tǝxǝllak kul daɣ jǝnnawan d amaḍal, ǝd daw amaḍal, ǝd gǝrwan, ganninat: «Tǝmmalen ǝd saɣmar ǝd tanaya ǝd tarna har faw in wa iqqiman fǝl tǝxawit ta n taɣmar d Ǝjemar!»