Matta 3:14 - Ǝlinjil ǝn Ɣaysa Ǝlmǝsix

¹⁴ Mišan igmay Yaxya d a daɣ-as ikkǝs awen. Inn-as Yaxya: «Nak a iddǝraran s a di-tǝssǝlmǝɣa daɣ aman, amaran kay iman-nak a di-d-ikkan?»

ⵍⵍ ⵢⵙⴰ ⵍⵎⵙⵈ

¹⁴ ⵎⵛⵏ ⴶⵎⵢ ⵢⵈⵢⴰ ⴹⵗⵙ ⴾⵙ ⵓⵏ⵰ ⵏⵙ ⵢⵈⵢⴰ «ⵏⴾ ⴹⵔⵔⵏ ⵙⴹⵜⵙⵍⵎⵗⴰ ⴹⵗ ⵎⵏ ⵎⵔⵏ ⴾⵢ ⵎⵏⴾ ⴹⴹⴾⵏ⵰»

Matta 3:14 ပူးပေါင်းရင်းမြစ်များ

Matta 3:13

Adan en da daɣ d-osa Ɣaysa, igmâd-du akal ǝn Galilaya, ikka-du agarew wa n Yordan, y ad t-issǝlmǝɣ Yaxya daɣ aman.

Matta 3:15

Ijjǝwwab-as Ɣaysa inn-as: «Ǝmǝrǝdda ardu s arat wǝdi da, fǝlas ilzam-anaɣ ad nassandu arat kul wa ira Mǝššina.» Tǝzzar irda Yaxya s ǝsǝlmǝɣ ǝn Ɣaysa.

Luqa 1:43

Awak nak ma ǝmosa as di-du-tǝtasu anna n Ǝmǝli-nin?

Yaxya 1:16

Awalla ketnana nǝgraw albaraka wǝr nǝla ǝddukad s ǝlxurma-net ikmâlan.

Kǝl-Ǝrrum 1:13

Ya imǝdrayan-in, areɣ ad tǝssǝnam as ǝyyǝwanaɣ tara n a kawan-in-asa fǝl ad ǝgrǝwa ɣur-wan tǝnfa n ǝššǝɣǝl-in wa n anammazul zun ta ǝgrawa ɣur tǝmattiwen šin hadatnen wǝr nǝmos Kǝl-Ǝlyǝhud. Mišan indar-i awen har harwa.

Kǝl-Ǝrrum 3:23

Ketnasan ǝgân ibakkadan aba fall-asan tanaya ǝn Mǝššina.

Kǝl-Ǝrrum 3:25

Ǝnta a d-issǝgla Mǝššina ixkâm-as ad iqqǝl takutay ta tǝmmasat ibakkadan n aytedan ǝs tarrayt n ǝzǝgzan s ǝzni-net. Ǝmmǝk en daɣ as issǝkna Mǝššina taqqat-net. Fǝlas Mǝššina oyya ibakkadan da wǝr tan-iwwǝddab daɣ azzaman win ǝrǝwnen,

ⴾⵍⴶⵍⵜⵢⴰ 3:22

Kalar Ǝlkǝttaban ǝmâlan âs arat ketnet ila fall-as abakkad tarna fǝl ad iqqǝl âs: Arat was iga Mǝššina arkawal-net kundaba inda fǝl mǝzzǝgzan, fǝl ǝddǝlil ǝn tǝlɣudǝla ǝn Ɣaysa Ǝlmǝsix.

ⴾⵍⴶⵍⵜⵢⴰ 4:6

Amaran tišit-nana bararan ǝn Mǝššina, ǝnta a fǝl d-iga Mǝššina daɣ wallan-nana Infas ǝn Barar-net. Infas en da a idkalan ǝmǝsli igannu: «Abba! Abba!»

ⴾⵍⵗⵀⵔⵢ 7:23

Ilimaman ǝknânen igǝt a t-ǝmalnen s ǝnǝmǝkusa, fǝlâs wǝr tan-toyya tǝmattant s ad t-ǝmǝlan har faw.