Matta 20:11 - Ǝlinjil ǝn Ɣaysa Ǝlmǝsix

¹¹ As ǝgrawan ǝrruzmatan-nasan, ǝssoɣalan tǝgna mǝššis n afarag wen.

ⵍⵍ ⵢⵙⴰ ⵍⵎⵙⵈ

¹¹ ⵙ ⴶⵔⵓⵏ ⵔⵤⵎⵜⵏⵙⵏ ⵙⵗⵍⵏ ⵜⴶⵏⴰ ⵎⵛⵙ ⵏⴼⵔⴶ ⵓⵏ⵰

Matta 20:11 ပူးပေါင်းရင်းမြစ်များ

Matta 20:10

Dǝffǝr awen tǝssǝɣlay-du ǝs win ǝšɣalnen ǝstizarat, ǝgân iduf n as ad ǝgrǝwan a ogaran awa ǝgrawan meddan win. Mišan ǝntanay da akkiyyan daɣ-san igraw tefelt.

Matta 20:12

Ǝnnan: "Aytedan win tǝtkalaɣ ǝs tilkamat, alwaq iyyanda ɣas a ǝšɣalan, amaran tǝšaššagdaq-qan dǝr-na nakkanay a ǝklanen nǝšɣâl, tǝkaggay-ana tǝfuk."

Markus 14:5

Wərgeɣ ifrâg a din-anzu ǝlqimat ǝn karadat tǝmad n ǝzǝl n ǝššǝɣǝl, itəwəkfu awen i tələqqawen?» Ad suɣulan təntut ten təgna.

Luqa 15:2

Ǝggazan Farisaytan ǝd musanan n Ǝttawret šin ǝgǝtǝntǝn, gannin ǝs Ɣaysa: «Awedan wa iqbâl inasbakkadan, idarraw deɣ dǝr-san imensewan.»

Luqa 19:7

As ǝnayan aytedan awen, gatantanan ketnasan, gannin: «Izzǝbbat ɣur alǝs n anasbakkad.»

Luqa 5:30

Ǝnayan Farisaytan ǝd musanan-nasan win Ǝttawret awen ɣas gatantanan, ad gannin i nǝttulab ǝn Ɣaysa: «Mafel tǝdrâwam ǝd nǝzzǝrzam ǝn takǝsen ǝd nasbakkadan?»

Yaxya 6:41

Tǝzzar ad tigǝtǝntinan Kǝl-Ǝlyǝhud ǝhân batu-net fǝl as inna: «Nak a imosan amensay wa d-igmadan jǝnnawan.»

Yaxya 6:61

Issan Ɣaysa daɣ man-net as gitantanan nǝttulab-net gar-essan daɣ talɣa ten, inn-asan: «Ǝngǝm ǝzǝgzan-nawan a tǝdas batu di?

Igitan 13:45

As ǝnayan Kǝl-Ǝlyǝhud igǝt ǝn tamattay, ǝggaznat-tan tǝsmiten labasnen, ad sabahawan Bulǝs, rabbadan-tu.

1 ⴾⵍ⵿ⵜⵙⵍⵏⴾ 2:16

Gaddalan-anaɣ ad nǝtamagrad i tǝmattiwen šin wǝr nǝmos Kǝl-Ǝlyǝhud nǝtagg-asnat isalan n efsan win ihakku Mǝššina. Ǝmmǝk en daɣ as faw sandin ibakkadan-nasan. Mišan illikan âs, ilkâm a fall-asan d-izǝzzǝbbǝt Mǝššina alham-net.

Yuday 1:16

Aytedan win, wǝr ǝlen igda, faw ǝššakan awa tan-igrawan, ǝlkâman y arak deranan-nasan. Taggin batuten ǝmosnen ibaragan, ǝmmalan aytedan imos awen agamay n a ǝgrawan.