Luqa 9:30 - Ǝlinjil ǝn Ɣaysa Ǝlmǝsix

^30-31 Ǝhinan-in oggân ǝnnǝbi Musa d ǝnnǝbi Ilyas daɣ tanaya ǝn Mǝššina, mišawalan ǝd Ɣaysa daɣ batu n agamad wa zʼagu ǝddǝnet a zʼattaddin daɣ Yerusalam ǝs tǝmattant-net.

ⵍⵍ ⵢⵙⴰ ⵍⵎⵙⵈ

^30-31 ⵂⵏⵏⵏ ⴶⵏ ⵏⵀⵢ ⵎⵙⴰ ⴹⵏⵀⵢ ⵍⵢⵙ ⴹⵗ ⵜⵏⵢⴰ ⵏⵎⵛⵏⴰ ⵎⵛⵓⵍⵏ ⴹⵗⵢⵙⴰ ⴹⵗ ⵀⵜⵓ ⵏⴶⵎⴹ ⵓⴰ ⵤⴶⵓ ⴹⵏⵜ ⵤⵜⴹⵏ ⴹⵗ ⵢⵔⵙⵍⵎ ⵙ ⵜⵎⵜⵏ⵿ⵜⵏⵜ⵰

Luqa 9:30 ပူးပေါင်းရင်းမြစ်များ

Luqa 1:17

Ǝnta a du-z-izaran y Ǝmǝli imos anammazul-net, igrâw Infas Wa Zǝddigan ǝd tarna šilat ǝn win igraw ǝnnǝbi Ilyas, fǝl a d-awǝy alxer gǝr aytedan ǝd bararan-nasan, awǝy-du inǝmmǝzray s ad ilen tayttay ta ǝlan aytedan win ǝɣdalnen. Tǝmǝwit tǝdi as zʼisǝmmutǝg y Ǝmǝli tamattay tǝsimatagat i lǝkkum y-as.»

Luqa 24:27

Tǝzzar a tan-isasagru Ɣaysa awa sǝr-ǝs ǝnnan Ǝlkǝttaban kul. Ibaz-du ɣur Ǝlkǝttaban win ǝnnǝbi Musa har win ǝnnǝbitan kul win hadatnen.

Luqa 24:44

Dǝffǝr awen inn-asan Ɣaysa: «Ǝntanay da aratan win dawan-ǝnne harwa kawan-ǝheɣ: Aratan kul win fall-i ǝktabnen daɣ Ǝttawret n ǝnnǝbi Musa d Ǝlkǝttaban win hadatnen d Azzabur ǝššil ad andin.»

Luqa 9:19

Ǝnnan-as: «Wiyyad a gannin Yaxya wa isalmaɣan aytedan daɣ aman a tǝmosa, wiyyad a gannin: ǝnnǝbi Ilyas, wiyyad deɣ a gannin iyyan daɣ ǝnnǝbitan win ǝrǝwnen a d-inkâran daɣ tǝmattant.»

Luqa 9:29

Itattar den da as immǝttay udǝm-net, tǝzzar ǝgan sǝlsa-net tǝmǝllay tǝtassamat.

Yaxya 1:17

Fǝlas Mǝššina ikf-anaɣ ǝššǝriɣa daɣ ǝfus ǝn Musa, ǝlxurma ǝd tidǝt amaran osa-du dǝr-san Ɣaysa Ǝlmǝsix.