Luqa 10:40 - Ǝlinjil ǝn Ɣaysa Ǝlmǝsix

⁴⁰ Marta amaran, išimašan-tat ǝššǝɣǝl n ǝsǝmmǝguri ǝn Ɣaysa. Wala ihogan tǝhoz-du Ɣaysa, tǝnn-as: «Ǝmǝli, awak zǝlǝyat a wǝr tǝgeɣ daɣ as di-toyya tamadrayt-in d ǝššǝɣǝl ketnet ɣas-in? Ann-as a di-tilal.»

ⵍⵍ ⵢⵙⴰ ⵍⵎⵙⵈ

⁴⁰ ⵎⵔ⵿ⵜⴰ ⵎⵔⵏ ⵛⵎⵛⵏ⵿ⵜⵜ ⵛⵗⵍ ⵏⵙⵎⴶⵔⵢ ⵏ⵿ⵗⵢⵙⴰ⵰ ⵓⵍⴰ ⵂⴶⵏ ⵜⵂⵤⴹⵓ ⵗⵢⵙⴰ ⵜⵏⵙ «ⵎⵍⵢ ⵓⴾ ⵤⵍⵢⵜ ⵓⵔ ⵜⴶⵗ ⴹⵗ ⵙ ⴹⵜⵢⴰ ⵜⵎⴹⵔⵢⵜⵏ ⴹⵛⵗⵍ ⴾⵜⵏⵜ ⵗⵙⵏ⵰ ⵏⵙ ⴹⵜⵍⵍ⵰»

Luqa 10:40 ပူးပေါင်းရင်းမြစ်များ

Matta 14:15

As tǝga takǝst, ǝhozan-t-idu nǝttulab-net ǝnnan-as: «Edag issufan awa, amaran ǝzǝl igla, daɣ adi suɣǝl tamattay a, ad tǝgmǝy id tǝzzǝnza a tǝtša daɣ tǝɣarmaten.»

Matta 16:22

Tǝzzar iwat-tu Butros s ahal, iššewal fall-as, inn-as: «Ǝmǝli, ihǝnǝttǝtet-ak Mǝššina daɣ arat wa tǝmalaɣ ǝddi! Kala wǝr kay-z-igrǝw adi!»

Markus 3:21

Ǝslan marwan-net awen, əkkan-t-idu y ad t-əbəzan, aglin dər-əs fəlas gannin: «Awa arat a t-immaran.»

Luqa 10:38

Igla Ɣaysa daɣ ǝšikǝl-net ǝnta ǝd nǝttulab-net har iggaz taɣrǝmt iyyat innǝftaɣ i tǝntut tǝgât esǝm Marta.

Luqa 10:41

Inn-as Ɣaysa: «Marta, Marta! Ǝššiwašan-kam aratan aggotnen, ǝssiggadan tayttay-nam.

Luqa 12:29

Daɣ adi a kawan-wǝr-ǝdgǝzan medranan n awa za tatšim, wala awa za tašwim, wala deɣ iššǝwǝšan-kawan.

Luqa 9:55

Imalallay-tan-in Ɣaysa, isannarɣam-asan,

Yaxya 11:1

Ill-ay alǝs irinan igan esǝm Lazarǝs, ihan tǝɣrǝmt ǝn Betanǝy s ǝnta a daɣ tǝɣsar Maryama ǝd Marta ǝmosnen šimǝdrayen.

Yaxya 11:5

Ɣaysa ira Marta wǝllen, ǝnta ǝd tǝmadrayt-net, ǝd Lazarǝs.

Yaxya 12:2

As din-osa Ɣaysa tawaggan-as mǝgura olaɣnen. A du-tǝtaway Marta imensewan, Lazarǝs amaran iha aytedan win naɣamanen ǝd Ɣaysa ǝdrâwan dǝr-ǝs.

Yaxya 6:27

Ayyat ǝššǝɣǝl daɣ agamay ǝn mensewan win ɣaššadnen, gammayat imensewan win wǝr nǝɣǝššǝd, hakkin tǝmǝddurt ta tǝɣlalat. Imensewan win nak Ag Aggadǝm a dawan-tan-z-akfin fǝlas nak a issǝwar Mǝššina di n Abba ejwal wa n taɣmar-net.»