Kǝl-Ǝrrum 9:11 - Ǝlinjil ǝn Ɣaysa Ǝlmǝsix

^11-12 Mǝššina ila tarrayt-net tas isanafran aytedan. Ǝsǝnnǝfrǝn-net aytedan ilkâm i taɣaray ta tan-iga ǝs tarrayt-net, wǝrgeɣ imazalan-nasan. Fǝl ad isattaddu tarrayt ta d-iga den, tǝmosat arat isinafran, inna i Raqqiyetu harwa da wǝr ǝhǝwan bararan-net, wǝr ǝknen wala za wǝr t-ǝɣšedan: «Wa waššaran ad iqqǝl akli ǝn wa ǝndarran.»

ⵍⵍ ⵢⵙⴰ ⵍⵎⵙⵈ

^11-12 ⵎⵛⵏⴰ ⵍⴰ ⵜⵔⵢⵜⵏⵜ ⵜⵙ ⵙⵏⴼⵔⵏ ⵢⵜⴹⵏ⵰ ⵙⵏⴼⵔⵏⵜ ⵢⵜⴹⵏ ⵍⴾⵎ ⵢ ⵜⵗⵔⵢ ⵜⴰ ⵜⵏⴶⴰ ⵙ ⵜⵔⵢⵜⵏⵜ ⵓⵔⴶⵗ ⵎⵤⵍⵏⵙⵏ⵰ ⴼⵍ ⴹ ⵙⵜⴹⵓ ⵜⵔⵢⵜ ⵜⴰ ⴹⴶⴰ ⴹⵏ ⵜⵎⵙⵜ ⵔⵜ ⵙⵏⴼⵔⵏ ⵏⴰ ⵢ ⵔⵆⵢⵜⵓ ⵂⵔⵓⴰ ⴹⴰ ⵓⵔ ⵂⵓⵏ ⵀⵔⵔⵏⵜ ⵓⵔ ⴾⵏⵏ ⵓⵍⴰ ⵤⴰ ⵓⵔ ⵜⵗⵛⴹⵏ «ⵓⴰ ⵓⵛⵔⵏ ⴹ ⵆⵍ ⴾⵍⵢ ⵏⵓⴰ ⵏ⵿ⴹⵔⵏ⵰»

Kǝl-Ǝrrum 9:11 ပူးပေါင်းရင်းမြစ်များ

Kǝl-Ǝrrum 4:17

Awen da a ihan Ǝlkǝttaban id ǝnnan: «Ǝgeq-qay ǝmaraw ǝn tǝmattiwen ǝknânen igǝt.» Imos abba-nana ketnana dat Mǝššina s ǝnta as izzǝgzan, Mǝššina s ǝnta a ihakkin tǝmǝddurt i win aba, ixallak-du awa tu-wǝr-nǝlla.

Kǝl-Efez 2:3

Ketnana as tizarat nǝmos arat daɣ-san. Dat awa nǝlkâm y arak deranan ǝn tǝɣǝswen-nana, nǝtamazal awa ǝranat tǝɣǝswen-nana ǝd medranan-nana. Daɣ adi tǝsǝlkamt-nana ǝstizarat, âs nakkanay da, a danaɣ-iwǝr attadib ǝn Mǝššina wa iwaran aytedan kul.

Kǝl-Efez 2:9

Wǝrgeɣ imazalan win olaɣnen a hakkinen efsan, ǝnnar adi a igan ǝzzǝzwǝran aytedan iman-nasan.

Kǝl-Efez 3:11

Amaran awen ad agu s ǝmmǝk was t-innǝzzam Mǝššina imos arat iɣlalan, ikmal-du deɣ daɣ Ǝlmǝsix Ɣaysa Ǝmǝli-nana.

1 ⴾⵍ⵿ⵜⵙⵍⵏⴾ 1:4

Nǝssân, imǝdrayan-nana as, isinafran-kawan Mǝššina, kawanay a ira, y ad tǝqqǝlam tamattay-net.

1 ⴾⵍ⵿ⵜⵙⵍⵏⴾ 2:12

Nǝsimatar-kawan, nolam-awan fǝl man, nǝzzidgaz-kawan deɣ y ad tagim alxal wa ira Mǝššina s ǝnta a kawan-iɣran fǝl ad tǝggǝzam taɣmar-net ǝd tanaya-net.

2 ⵜⵎⵜⵢ 1:9

s ǝnta danaɣ-issǝfsan, ig-ana teɣaray zǝddigat, wǝrgeɣ fǝl ǝddǝlil ǝn mazalan-nana, kalar fǝl ǝddǝlil n awa issǝbdad Mǝššina ǝs tara-net, d arraxmat ta dana-tǝtawakfat ǝs tarrayt n Ǝlmǝsix Ɣaysa harwa dat axluk-net ǝddǝnet.

Titǝs 3:5

issǝfs-ana ǝs tǝhanint-net. Wǝrgeɣ imazalan olaɣnen win nǝtaggu a fǝl nǝgraw efsan win. Kalar nǝgraw-tan s ǝširǝd wa danaɣ-iga Infas wa Zǝddigan. Ǝširǝd wa, ǝnta a danaɣ-ewayan ǝs tǝhǝwt ta taynayat, isammattay-ana nǝssǝnta tǝmǝddurt iyyat taynayat.

1 ⵀⵜⵔⵙ 5:10

Mǝššina di n Ǝmǝggi n arraxmat, s ǝnta a kawan-d-iɣran ǝs tanaya-net tǝɣlalat daɣ tassaq d Ǝlmǝsix, ǝnta iman-net as dawan-italam fǝl man, isisuhit-kawan, ihakk-iwan fǝrregat n ad tǝzǝzzǝwem daɣ ǝzǝgzan, dǝffǝr as tǝgâm arat ǝn tamert n alɣazab.

2 ⵀⵜⵔⵙ 1:10

Awen daɣ a fǝlas ǝgmâya daɣ-wan imǝdrayan-in, ad taknim ǝddǝguz wǝllen, tǝsǝssuhem teɣaray ta kawan-iga Mǝššina, d ǝsǝnnǝfrǝn wa kawan-iga. Fǝlas arat wǝdi as tu-tǝgam, wǝr dawan-ilkem ad tudâm daɣ a imosan tǝkma.

Ǝnǝfilal 17:14

Ad ammagaran d Ǝjemar, mišan a tan-arnu arz-en, id ǝnta a imosan Ǝmǝli ǝn malan, imos ǝmǝnokal ǝn mǝnokalan. Aytedan win du-tawaɣranen, tawasanafranan ǝmosan alɣadilan, ad idawan d Ǝjemar daɣ tarna ta du-z-agu den.»