Kǝl-Ǝrrum 5:10 - Ǝlinjil ǝn Ɣaysa Ǝlmǝsix

¹⁰ Fǝlas, dad zamas harwa nǝmos izǝnga ǝn Mǝššina da nǝga dǝr-ǝs alxer ǝs tarrayt ǝn tǝmattant ǝn Barar-net, manǝmmǝk as wǝr za nǝgrǝw efsan s ǝssǝbab ǝn tǝmǝddurt ǝn Barar-net ǝmǝrǝdda a dǝr-ǝs nǝga alxer.

ⵍⵍ ⵢⵙⴰ ⵍⵎⵙⵈ

¹⁰ ⴼⵍⵙ ⴹⴹ ⵤⵎⵙ ⵂⵔⵓⴰ ⵏⵎⵙ ⵤⵏ⵿ⴶⴰ ⵏⵎⵛⵏⴰ ⴹⴰ ⵏⴶⴰ ⴹⵔⵙ ⵍⵈⵔ ⵙ ⵜⵔⵢⵜ ⵏ⵿ⵜⵎⵜⵏ⵿ⵜ ⵏⵀⵔⵔⵏⵜ ⵎⵏⵎⴾ ⵙ ⵓⵔ ⵤⴰ ⵏⴶⵔⵓ ⴼⵙⵏ ⵙⵙⵀⵀ ⵏ⵿ⵜⵎⴹⵔ⵿ⵜ ⵏⵀⵔⵔⵏⵜ ⵎⵔⴹⴰ ⴹⵔⵙ ⵏⴶⴰ ⵍⵈⵔ⵰

Kǝl-Ǝrrum 5:10 ပူးပေါင်းရင်းမြစ်များ

Yaxya 14:19

Dǝffǝr alwaq wǝr nǝggǝt, ǝddǝnet wǝr di-za-tǝlǝs anay; eges kawanay a di-tǝlǝsam anay fǝlas ǝddâra, kawanay da ad tǝddǝram.

Yaxya 5:26

Fǝlas ǝmmǝk wa daɣ as ihakku Abba tǝmǝddurt, ǝmmǝk wǝdi daɣ as ikfa Barar fǝrregat n a tat-ihakku ǝnta da.

Yaxya 6:40

Awalla, ǝnta da awa ira Abba-nin: Aytedan kul win di-ǝnaynen nak Barar-net, ǝzzǝgzanan sǝr-i, ǝntanay a zʼǝgrǝwnen tǝmǝddurt ta tǝɣlalat, ǝssǝnkǝraq-qan-du daɣ tǝmattant, ǝzǝl wa ilkaman.»

Yaxya 6:57

Abba wa di-d-izammazalan ǝnta ɣur tǝlla tǝmǝddurt, amaran ǝnta a di-tat-ikfan, daɣ adi wa itšan taɣǝssa-nin ad t-ǝssudǝra nak da.

Kǝl-Ǝrrum 11:28

Daɣ batu ta tǝqqalat tugǝyt-nasan s Ǝlinjil, wǝdi Kǝl-Ǝlyǝhud ǝntanay a mosnen izǝnga ǝn Mǝššina fǝl ad tǝgrǝwam tǝnfa n awen. Mišan daɣ batu ta tǝqqalat anafran wa n Mǝššina, wǝdi ǝntanay a mosnen aytedan win ikna Mǝššina tara fǝl ǝddǝlil ǝn marawan-nasan.

Kǝl-Ǝrrum 5:11

Amaran iyyan arat as Mǝššina a fǝl nǝsaffalla ǝs tarrayt n Ǝmǝli-nana Ɣaysa Ǝlmǝsix s ǝnta a danaɣ-igan ǝmǝrǝdda alxer ǝd Mǝššina. Ǝnta den daɣ abarag-nana.

Kǝl-Ǝrrum 5:6

Fǝlas harwa danaɣ-wǝr-tǝqqel alfaydat waliyyat ad immut Ǝlmǝsix fǝl ǝddǝlil n aytedan wǝr nǝzǝgzan ǝs Mǝššina daɣ alwaq wa iskat Mǝššina y awen.

Kǝl-Ǝrrum 8:32

Mǝššina as Barar-net an iyyanda da wǝr t-oyya, kalar ikf-ay fǝl ǝddǝlil-nana ketnana, manǝmmǝk as dana-wǝr-z-akfu arat kul s arraxmat-net, nǝdrâw awen ǝd Barar-net?

Kǝl-Ǝrrum 8:34

Ma imos za wa tan-z-abǝzan s ǝššǝriɣa? Ǝlmǝsix [Ɣaysa] iman-net as t-aba, amaran wǝrgeɣ awen ɣas, kalar itawasankar-du daɣ tǝmattant. Iha ǝmǝrǝdda aɣil ǝn Mǝššina imos almawakkil-nanaɣ a danaɣ-itaggin šiwatriwen.

Kǝl-Ǝrrum 8:7

Fǝlas imedranan ǝd deranan win aggadǝm ǝzzingen Mǝššina id aggadǝm wǝr ibbǝrdag y ǝššǝriɣa wa n Mǝššina, amaran wǝr t-ifreg.

2 ⴾⵍⴾⵔⵏ⵿ⵜ 5:20

Daɣ adi nakkanay almawakkilan n Ǝlmǝsix a nǝmos, id Mǝššina iman-net as kawan-iɣarru ǝs tarrayt-nana. Nonsay-kawan fǝl udǝm n Ǝlmǝsix ad tǝknâm ǝd Mǝššina!

2 ⴾⵍⴾⵔⵏ⵿ⵜ 5:21

Ǝlmǝsix wǝr t-iwer abakkad waliyyan, mišan issǝwar-tu Mǝššina fǝl ǝddǝlil-nana ibakkadan-nana, fǝl a sǝr-na du-tawǝy tassaq-nana dǝr-ǝs taqqat dat Mǝššina.

Kǝl-Efez 2:16

Tǝmattant ta iga Ǝlmǝsix fǝl tǝgǝttawt, ǝnta as issǝrtay Kǝl-Ǝlyǝhud ǝd win tan-wǝr-nǝmos, ig-en taɣǝssa iyyadda. Ig-asan alxer ǝd Mǝššina, ikkas ǝnǝmǝzǝnga gar-essan s ǝtǝwǝtǝytǝy wa iga fǝl tǝgǝttawt.

Kǝl-Efez 2:3

Ketnana as tizarat nǝmos arat daɣ-san. Dat awa nǝlkâm y arak deranan ǝn tǝɣǝswen-nana, nǝtamazal awa ǝranat tǝɣǝswen-nana ǝd medranan-nana. Daɣ adi tǝsǝlkamt-nana ǝstizarat, âs nakkanay da, a danaɣ-iwǝr attadib ǝn Mǝššina wa iwaran aytedan kul.

ⴾⵍⵗⵀⵔⵢ 2:17

Awen daɣ a fǝlas ilzâm ad alu ǝd mǝdrayan-net daɣ arat kul, fǝl ad iqqǝl ǝlimam wa zǝwwǝran, imosan ǝmǝhhenǝn n alɣadil daɣ ǝlɣibada ǝn Mǝššina. Ǝmmǝk en da as zʼigrǝw tǝsureft ǝn bakkadan ǝn tamattay.

ⴾⵍⵗⵀⵔⵢ 7:25

Daɣ adi ifrâg tehakkay n ǝlɣillas ikmâlan y aytedan win din-ǝzzǝhaznen iman-nasan Mǝššina ǝs tarrayt-net, id iddâr har faw, y ad iššâwal i Mǝššina s esǝm-nasan.

1 ⵢⵈⵢⴰ 2:1

Bararan-in arat wa ǝkattabaɣ-awan-t-in fǝl ad wǝr tǝtaggim ibakkadan. As iqqal as iga iyyan daɣ-wan abakkad wǝdi nǝla almawakkil ɣur Abba a t-imosan Ɣaysa Ǝlmǝsix s ǝnta a oɣadan,

1 ⵢⵈⵢⴰ 4:10

Ǝnta da awa tǝmos tara: Wǝrgeɣ nakkanay a issǝknan Mǝššina tara, kalar ǝnta a danaq-qat-issǝknan issoka-du Barar-net ǝddǝnet fǝl ad iqqǝl takutay tǝmmasat ibakkadan-nana.

Ǝnǝfilal 1:18

Ǝmosa wa iddaran! Kala a di-aba, mišan ǝmǝrǝdda, nak da iddaran da, har faw! Ǝttâfa tanat ǝn tǝmattant d alaxirat.