Kǝl-Ǝrrum 4:6 - Ǝlinjil ǝn Ɣaysa Ǝlmǝsix

⁶ Ǝmmǝk en daɣ as inna ǝnnǝbi Dawǝd daɣ batu n ǝbbǝlǝl n awedan wa ikfa Mǝššina taqqat da wala imazalan-net, inna:

ⵍⵍ ⵢⵙⴰ ⵍⵎⵙⵈ

⁶ ⵎⴾⵏ ⴹⵗ ⵙ ⵏⴰ ⵏⵀⵢ ⴹⵓⴹ ⴹⵗ ⵀⵜⵓ ⵏⵀⵍⵍ ⵏⵓⴹⵏ ⵓⴰ ⴾⴼⴰ ⵎⵛⵏⴰ ⵜⵆⵜ ⴹⴰ ⵓⵍⴰ ⵎⵤⵍⵏⵜ ⵏⴰ

Kǝl-Ǝrrum 4:6 ပူးပေါင်းရင်းမြစ်များ

Matta 25:19

As tǝga tǝrut dǝffǝr awen, osa-du mǝššissan, ad isaɣrad ǝrrǝzǝɣan win tan-issǝɣlaf.

Kǝl-Ǝrrum 1:17

Illikan as taqqat ta n Mǝššina tǝnifalal daɣ Ǝlinjil s ǝzǝgzan, amaran s ǝzǝgzan ɣas, id ǝnnan Ǝlkǝttaban: «Awedan wa oɣadan daɣ tarrayt ta n ǝzǝgzan a igarrawan tǝmǝddurt taynayat.»

Kǝl-Ǝrrum 3:27

Daɣ adi, awak ill-ay ǝddǝlil a fǝl nǝga ibaragan? Kala wǝr t-illa, fǝlas wǝrgeɣ ǝbǝrdǝg y ǝššǝriɣa a išɣalan ǝmǝrǝdda, kalar ǝzǝgzan.

Kǝl-Ǝrrum 4:11

Dǝffǝr awen ad igraw Ibrahim ɣur Mǝššina asannal wa n ǝmǝnkǝd imosan ǝsǝtǝddi ǝn taqqat ta igraw s ǝzǝgzan harwa dat ǝmǝnkǝd-net. Arat wen igâ fǝl ad iqqǝl Ibrahim ǝmâraw n aytedan kul win ǝzzǝgzannen ǝs Mǝššina da wǝr ǝmmǝnkadan, fǝl ad ǝgrǝwan ǝntanay da taqqat ɣur Mǝššina.

Kǝl-Ǝrrum 4:24

kalar nakkanay da itiwaktab fǝl ǝddǝlil-nana, amaran Mǝššina nakkanay da ad ixsǝb taqqat-nana. Nakkanay ǝzǝgzan a sǝr-ǝs nǝga, ǝnta a d-issǝnkaran Ǝmǝli-nana Ɣaysa daɣ tǝmattant

Kǝl-Ǝrrum 4:5

Awedan amaran wa wǝr nǝga imazalan olaɣnen, mišan izzigzan ǝs Mǝššina s ǝnta ihakkin taqqat i nasbakkadan, wǝdi ad igrǝw taqqat s ǝssǝbab n ǝzǝgzan-net.

Kǝl-Ǝrrum 4:7

«Ǝbbilalan win as tawasarafan arak mazalan-nasan, Tawamasan bakkadan-nasan!

Kǝl-Ǝrrum 4:9

Awak ǝbbǝlǝl wa in Kǝl-Ǝlyǝhud ɣas, meɣ ak in aytedan kul harkid win wǝr nǝmos Kǝl-Ǝlyǝhud? Fǝlas nǝgannu: Ǝzǝgzan n Ibrahim igraw sǝr-ǝs taqqat dat Mǝššina.

1 ⴾⵍⴾⵔⵏ⵿ⵜ 1:30

Kawanay amaran Mǝššina a kawan-osaɣan ǝd Ɣaysa Ǝlmǝsix, s ǝnta a danaɣ-iqqalan masnat a du-tǝfâlat Mǝššina – almaɣna ikf-ana sǝr-ǝs taqqat, ǝd tazdak, ǝd tǝdarfit.

2 ⴾⵍⴾⵔⵏ⵿ⵜ 5:21

Ǝlmǝsix wǝr t-iwer abakkad waliyyan, mišan issǝwar-tu Mǝššina fǝl ǝddǝlil-nana ibakkadan-nana, fǝl a sǝr-na du-tawǝy tassaq-nana dǝr-ǝs taqqat dat Mǝššina.

ⴾⵍⴶⵍⵜⵢⴰ 3:14

Arat wen ig-ay Ǝlmǝsix Ɣaysa fǝl ad iqqǝl tarrayt y aytedan win wǝr nǝmos Kǝl-Ǝlyǝhud y ad ǝgrǝwan daɣ albaraka n Ibrahim, nǝgrǝw ketnanaɣ ǝs tarrayt n ǝzǝgzan Infas was iga Mǝššina arkawal-net.

ⴾⵍⴶⵍⵜⵢⴰ 4:15

Daɣ adi ma iga alxer ǝn man was kala tu-tǝgrawam? Fǝlas ǝsilakanaɣ âs ǝnnar immikkan adi, šittawen-nawan da a tanat-du-tǝkǝkkǝrem takfim-i-tanat.

Kǝl-Efez 1:3

Tǝmmal i Mǝššina, imosan Abba n Ǝmǝli-nana Ɣaysa Ǝlmǝsix! Ig-anaɣ albaraka daɣ tassaq-nana d Ǝlmǝsix ǝs tahakkay ta danaɣ-iga ǝkkulluk n albaraka wa d-izazzabbat Infas wa Zǝddigan daɣ jǝnnawan.

Kǝl-Filib 3:9

almaɣna tassaq dǝr-ǝs. Wǝrgeɣ lǝkkum y ǝššǝriɣa wa n Ǝttawret a di-ikfan taqqat dat Mǝššina, kalar ǝzǝgzan-in s Ǝlmǝsix. Mǝššina a ihakkin taqqat, amaran ihakk-et s ǝzǝgzan s Ǝlmǝsix.

2 ⵜⵎⵜⵢ 1:9

s ǝnta danaɣ-issǝfsan, ig-ana teɣaray zǝddigat, wǝrgeɣ fǝl ǝddǝlil ǝn mazalan-nana, kalar fǝl ǝddǝlil n awa issǝbdad Mǝššina ǝs tara-net, d arraxmat ta dana-tǝtawakfat ǝs tarrayt n Ǝlmǝsix Ɣaysa harwa dat axluk-net ǝddǝnet.

Yaqub 2:18

Amaran as inna awedan: «Nak ǝzǝgzan-in a fǝl saffalla.» Inn-as iyyan: «Kay ǝzǝgzan-nak a fǝl tǝsaffalla, nak amaran imazalan olaɣnen win tagga fǝl saffalla. Sakn-i ǝzǝgzan-nak da wala imazalan olaɣnen, nak a kay-assaknaɣ wa-nin ǝs mazalan-in olaɣnen.»

2 ⵀⵜⵔⵙ 1:1

Awa nak Simɣon Butros, wa n ǝkli d anammazul ǝn Ɣaysa Ǝlmǝsix, a din-ihulan aytedan kul win ǝgrawnen ǝzǝgzan ilân almaqam zun wa nǝgraw. Ǝzǝgzan wa, nǝgraw-tu ǝs taqqat n Ǝmǝli-nana, n Ǝnǝssefsi-nana Ɣaysa Ǝlmǝsix.