Kǝl-Ǝrrum 10:9 - Ǝlinjil ǝn Ɣaysa Ǝlmǝsix

⁹ As tǝššewala tǝqbalaɣ as Ɣaysa imos Ǝmǝli, tǝzzǝgzana daɣ ǝwǝl-nak as issinkar-t-idu Mǝššina daɣ tǝmattant, wǝdi kay tǝgrâwaɣ efsan.

ⵍⵍ ⵢⵙⴰ ⵍⵎⵙⵈ

⁹ ⵙ ⵜⵛⵓⵍⴰ ⵜⵆⵀⵍⵗ ⵙ ⵗⵢⵙⴰ ⵎⵙ ⵎⵍⵢ ⵜⵤⴶⵤⵏⴰ ⴹⵗ ⵓⵍⵏⴾ ⵙ ⵙⵏ⵿ⴾⵔ⵿ⵜⴹⵓ ⵎⵛⵏⴰ ⴹⵗ ⵜⵎⵜⵏ⵿ⵜ ⵓⴹⵢ ⴾⵢ ⵜⴶⵔⵓⵗ ⴼⵙⵏ⵰

Kǝl-Ǝrrum 10:9 ပူးပေါင်းရင်းမြစ်များ

Luqa 12:8

Ǝnneɣ-awan, awedan kul wa iggǝyyen dat aytedan as nak Ag Aggadǝm a t-ilan, nak da, ad ǝggǝyyeɣ dat angalosan ǝn Mǝššina as nak a t-ilan.

Yaxya 9:22

Batu ta wǝr tat-ǝgen marwan-net ar fǝl tǝksǝda ǝn muzaran ǝn Kǝl-Ǝlyǝhud fǝlas tǝnna a gan awedan kul wa iggǝyyen as Ɣaysa a imosan Ǝlmǝsix, wǝdi ad t-ǝkkǝsan daɣ ǝljǝmaɣat n ahan n ǝlɣibada ǝn Kǝl-Ǝlyǝhud.

Igitan 16:31

Ǝnnan-as: «Zǝgzǝn s Ǝmǝli Ɣaysa ad tǝɣlǝsa kay d aɣaywan-nak.»

Igitan 2:24

Mišan isǝnkar-t-idu Mǝššina, ikkas-t-idu daɣ tarna ǝn tamattant fǝlas wǝr t-illa ǝmmǝk as t-in-tǝttǝf tamattant.

Igitan 2:32

Ɣaysa za wa, issǝnkar-t-idu Mǝššina gǝr nǝmmǝttan, nakkanay nǝggǝyat adi.

Igitan 8:36

Ǝglân za, as d-osan edag ǝhân aman, tǝzzar inna alǝs wa n Etǝyofǝya: «Aman da, ma di-z-igdǝlan ad tǝwǝsǝlmǝɣ?»

Kǝl-Ǝrrum 10:10

Fǝlas awedan wa izzǝgzanan daɣ ǝwǝl-net, wǝdi ad t-akfu Mǝššina taqqat. Amaran wa iššewalan imal ǝzǝgzan-net, wǝdi ad t-akfu Mǝššina efsan.

Kǝl-Ǝrrum 14:11

Fǝlas ǝnnan Ǝlkǝttaban: «Inna Mǝššina: "Nak ǝddâra, i d-ixlâkan kul kundaba issǝjad dat-i, ilǝs deɣ kul kundaba iga tǝmmalen i Mǝššina."»

Kǝl-Ǝrrum 14:9

Fǝlas Ǝlmǝsix aba-tu, iqqal-du tǝmǝddurt fǝl ad iqqǝl Ǝmǝli ǝn win aba ǝd win ǝddarnen.

Kǝl-Ǝrrum 4:24

kalar nakkanay da itiwaktab fǝl ǝddǝlil-nana, amaran Mǝššina nakkanay da ad ixsǝb taqqat-nana. Nakkanay ǝzǝgzan a sǝr-ǝs nǝga, ǝnta a d-issǝnkaran Ǝmǝli-nana Ɣaysa daɣ tǝmattant

Kǝl-Ǝrrum 8:34

Ma imos za wa tan-z-abǝzan s ǝššǝriɣa? Ǝlmǝsix [Ɣaysa] iman-net as t-aba, amaran wǝrgeɣ awen ɣas, kalar itawasankar-du daɣ tǝmattant. Iha ǝmǝrǝdda aɣil ǝn Mǝššina imos almawakkil-nanaɣ a danaɣ-itaggin šiwatriwen.

1 ⴾⵍⴾⵔⵏ⵿ⵜ 12:3

Awen da fǝl areɣ ad tǝssǝnam as, wǝr t-illa awedan a daɣ innoda Infas ǝn Mǝššina a du-z-inkǝran ad igannu: «Mǝššina tǝlɣâna Ɣaysa!» wala deɣ ill-ay awedan ifrâgan ad annu: «Ɣaysa imos Ǝmǝli!» ar s a daɣ-as innoda Infas wa Zǝddigan.

Kǝl-Filib 2:11

aggayyat deɣ i t-illan kul as Ɣaysa Ǝlmǝsix a imosan Ǝmǝli. Imos awen arat izzizwaran Mǝššina di n Abba.

1 ⵀⵜⵔⵙ 1:21

Ǝddǝlil-net a fǝl tǝzzǝgzanam ǝs Mǝššina s ǝnta t-id-issǝnkaran daɣ tǝmattant ikf-ay tanaya. Adi a d-ewayan as tǝzzǝgzanam ǝs Mǝššina tǝgam daɣ-as attama-nawan.

1 ⵢⵈⵢⴰ 4:15

I innan s ǝwǝl iyyanda Ɣaysa Barar ǝn Mǝššina a imos, wǝdi Mǝššina iha iman-net, amaran irtây ǝd Mǝššina.

2 ⵢⵈⵢⴰ 1:7

Imǝssǝxrak aggotnen ǝwizawazan daɣ ǝddǝnet. Ma imosan za ǝmǝssexrǝk n aytedan imos deɣ azangaw n Ǝlmǝsix? Adi za wa inkuran as Ɣaysa Ǝlmǝsix osâ-du ǝddǝnet imos aggadǝm.