Kǝl-Efez 5:8 - Ǝlinjil ǝn Ɣaysa Ǝlmǝsix

⁸ Fǝlas illikan âs dat awa kala ad tǝham šiyyay, mišan ǝmǝrǝdda tǝhâm ǝnnur daɣ tǝrtǝyt d Ǝmǝli. Agiwat alxal wa taggin aytedan ǝhanen ǝnnur,

ⵍⵍ ⵢⵙⴰ ⵍⵎⵙⵈ

⁸ ⴼⵍⵙ ⵍⴾⵏ ⵙ ⴹⵜ ⵓⴰ ⴾⵍⴰ ⴹ ⵜⵂⵎ ⵛⵢⵢ ⵎⵛⵏ ⵎⵔⴹⴰ ⵜⵂⵎ ⵏⵔ ⴹⵗ ⵜⵔ⵿ⵜⵢⵜ ⴹⵎⵍⵢ⵰ ⴶⵓⵜ ⵍⵈⵍ ⵓⴰ ⵜⴶⵏ ⵢⵜⴹⵏ ⵂⵏⵏ ⵏⵔ

Kǝl-Efez 5:8 ပူးပေါင်းရင်းမြစ်များ

Matta 3:8

Daɣ adi taggiwat imazalan olaɣnen tǝsǝttǝddim sǝr-san tǝtubt-nawan!

Matta 4:16

Tamattay ta tǝhat šiyyay, tǝnay ǝnnur zǝwwǝran as imalawlaw, aytedan deɣ win ǝhanen akal wa tǝlsa telay ǝn tǝmattant, ǝntanay da ibalazlaz fall-asan ǝnnur.»

Luqa 1:79

fǝl ad imǝlǝwlǝw ǝnnur-net fǝl aytedan win ǝqqimnen daɣ šiyyay, ǝhân telay ǝn tǝmattant, izǝzzǝlulǝɣ takkolen-nana daɣ tarrayt ta n alxer.»

Luqa 16:8

Tǝmǝrkest ten, isl-et alǝs wa iššǝšɣalan ark amaššaɣal wen, tǝzzar ad t-immâl fǝl tǝla-net tayttay. Tidǝt a imos as aytedan win wǝr nǝksud Mǝššina, ogaran win t-ǝksudnen tǝla ǝn tayttay daɣ taɣawšiwen šin ǝllanen gar-essan.

Yaxya 1:9

Awal wa ǝnta a imosan ǝnnur wa n tidǝt, wa d-ikkan ǝddǝnet isimǝlǝwlǝw aytedan kul.

Yaxya 12:35

Tǝzzar inn-asan Ɣaysa: «Ǝnnur harwa da illa ɣur-wan, har agin arat n azzaman. Jǝwǝnkǝtat iket di ad t-illa fǝl a kawan-wǝr-ǝɣdǝrnat šiyyay, fǝlas wa ijawanken daɣ šiyyay, adi wǝr issen sas idag.

Yaxya 12:36

Zǝgzǝnat s ǝnnur harwa togazam, fǝl ad tǝqqǝlam kǝl ǝnnur.» As iɣrad Ɣaysa igi ǝn batu ta igguk-kan, ikka edag wǝr ǝssenan.

Yaxya 12:46

Nak zun ǝnnur a mosa, ǝkke-du ǝddǝnet y âs i sǝr-i izzǝgzanan wǝr zʼaqqam daɣ šiyyay.

Yaxya 8:12

Ilas Ɣaysa awal i tamattay inna: «Nak a imosan ǝnnur n ǝddǝnet. Daɣ adi wa di-ilkaman ad igrǝw ǝnnur wa isiduran, amaran iɣrâd d ad ijiwankat daɣ šiyyay.»

Igitan 17:30

Ǝljǝhǝl wa ǝgan aytedan daɣ aratan win di, wǝr fall-asan t-ixseb Mǝššina daɣ elan win tǝljuhǝla, mišan ǝmǝrǝdda omar aytedan kul, edag ǝhan, ǝs tǝtubt,

Igitan 26:18

fǝl ad tara šittawen-nasan, tǝkkǝsaq-qan-du daɣ šiyyay s ǝnnur, ǝgmǝdan-du tarna ta n Iblis ǝlkǝman i Mǝššina, fǝl ad ǝgrǝwan tǝsureft ǝn bakkadan-nasan, ǝgrǝwan deɣ tadagart daɣ mizdagan ǝs tarrayt n ǝzǝgzan sǝr-i."

Kǝl-Ǝrrum 1:21

id ǝssânan Mǝššina mišan wǝr das-ǝgen saɣmar wa dǝr ihor za wǝr das-ǝgen igodan. Kalar oyyan iman-nasan ǝssǝxrakan-tan medranan wǝr nǝnfa wala, ǝjawanken deɣ daɣ šiyyay id iwallan-nasan a ǝɣfalnen.

Kǝl-Ǝrrum 13:12

Ehad iglâ, ezal ihoz-du. Mazzayatana daɣ adi ǝd mazalan win šiyyay. Ǝttǝfatana tǝzoli ta n ǝnnur.

Kǝl-Ǝrrum 2:19

Kay wa ikkasan aššak as tǝmosaɣ ǝmalway ǝn win ǝddǝrɣalnen, tǝmosaɣ ǝnnur i win ǝhanen šiyyay,

1 ⴾⵍⴾⵔⵏ⵿ⵜ 1:30

Kawanay amaran Mǝššina a kawan-osaɣan ǝd Ɣaysa Ǝlmǝsix, s ǝnta a danaɣ-iqqalan masnat a du-tǝfâlat Mǝššina – almaɣna ikf-ana sǝr-ǝs taqqat, ǝd tazdak, ǝd tǝdarfit.

2 ⴾⵍⴾⵔⵏ⵿ⵜ 3:18

Nakkanay ketnana win as itawakkas ǝfǝr wen fǝl udmawan-nana, nǝswâd daɣ tanaya n Ǝmǝli šilan n as iswad awedan daɣ šišet. Isamattay-ana Ǝmǝli, s ǝnta Infas a imos, s ǝššǝɣǝl wa itaggu daɣ wallan-nana, išašal-ana ǝd man-net, tǝtittǝy daɣ-na tanaya-net.

2 ⴾⵍⴾⵔⵏ⵿ⵜ 4:6

Id Mǝššina a innan: «Imǝlǝwlǝwet ǝnnur daɣ šiyyay», ǝnta iman-net a imalawlawan daɣ wallan-nana, ikf-anaɣ ǝnnur, a t-imosan masnat ǝn tanaya ǝn Mǝššina ta tǝmǝlawlawat daɣ udǝm ǝn [Ɣaysa] Ǝlmǝsix.

2 ⴾⵍⴾⵔⵏ⵿ⵜ 6:14

Ad wǝr tǝtasaɣam d aytedan win wǝr nǝzzǝgzan s Ǝlmǝsix. Manǝmmǝk as zʼasǝɣ ǝlluɣ d ǝššur, wala asǝɣ ǝnnur ǝd šiyyay?

ⴾⵍⴶⵍⵜⵢⴰ 5:25

Dad zamas Infas wa Zǝddigan a ɣur du-tǝfal tǝmǝddurt-nana, nayyiwet-tu a daɣ-na ixkǝm.

Kǝl-Efez 2:2

Dat awa tǝššokalam daɣ arak mazalan win, tǝlkâmam y alxal wa n ǝddǝnet, tǝlkâmam y awa ira ǝmuzar ǝn kǝl ǝtǝnkul win alhawa, a t-imosan infas wa ixkaman daɣ nǝmmǝzray ǝn Mǝššina daɣ ǝddǝnet.

Kǝl-Efez 4:18

Tayttay-nasan wǝr tat-iha ǝnnur, ǝmosan inaftaɣan i tǝmǝddurt ta tǝssǝɣmarat Mǝššina s ǝssǝbab n ǝljǝhǝl-nasan a sǝr-san du-tewây taɣart ǝn wallan-nasan.

Kǝl-Efez 5:2

Ǝqqǝlat aytedan ǝššokalnen daɣ tara, zund ǝmmǝk was danaɣ-ira Ǝlmǝsix har as ikfa iman-net i Mǝššina, imos tǝhǝkkut ǝd tǝkutay tǝlât ɣur-ǝs aḍu izodan.

Kǝl-Efez 6:12

id tǝbǝllant ta nǝga, wǝrgeɣ aytedan a dǝr tat-nǝga ǝmosnen taɣǝssa d ǝzni, kalar taɣmaren, d ǝlxǝkuman, ǝd muzaran ǝlanen tarna ǝd fǝrregat a tan-imosan taɣmaren šin ǝxkamnen daɣ šiyyay ǝd kǝl ǝtǝnkul win ǝhanen ijǝnnawan tawayan-du tǝkma a dǝr nǝmmǝgar.

ⴾⵍⴾⵍⵙⵢⴰ 1:13

Ǝnta a dana-d-ikkasan daɣ ǝlxǝkum n Iblis di imosân šiyyay ig-anaɣ daɣ wa n Barar-net Ɣaysa Ǝlmǝsix a ikna tara.

Titǝs 3:3

Fǝlas nakkanay iman-nana da ǝstizarat wǝr nǝla almaɣna, nǝmos inǝmmǝzray ǝxrâknen. Nǝha ǝkkǝlu fǝlas nǝlkâm y ark ǝnnǝyaten d arak deranan, ǝmosnen ǝzzǝnǝfan. Nǝmos aytedan as kawalan wallan-nasan, ǝranen ǝddǝnet, nǝla alxal isinaglafan, nǝnimaksan gar-ena.

1 ⵢⵈⵢⴰ 1:7

Mišan as nǝjiwankat daɣ ǝnnur s ǝnta a iha Mǝššina iman-net, wǝdi nǝrtây, amaran azni ǝn barar-net Ɣaysa izzizdag-ana daɣ id t-illa abakkad.