Kǝl-Efez 5:5 - Ǝlinjil ǝn Ɣaysa Ǝlmǝsix

⁵ Fǝlas ǝssǝnat wǝllen as, awedan kul wa itaggin ǝzzǝna, wǝdi immidas, iga attama-net daɣ ǝrrǝzǝɣan n aytedan, almaɣna iɣbâd ǝssǝnǝman, wǝdi wǝr zʼigrǝw adagar waliyyan daɣ taɣmar ta n Ǝlmǝsix ǝd Mǝššina.

ⵍⵍ ⵢⵙⴰ ⵍⵎⵙⵈ

⁵ ⴼⵍⵙ ⵙⵏⵜ ⵓⵍⵏ ⵙ ⵓⴹⵏ ⴾⵍ ⵓⴰ ⵜⴶⵏ ⵤⵏⴰ ⵓⴹⵢ ⵎⴹⵙ ⴶⴰ ⵜⵎⵏⵜ ⴹⵗ ⵔⵤⵗⵏ ⵏⵢⵜⴹⵏ ⵍⵎⵗⵏⴰ ⵗⵀⴹ ⵙⵏⵎⵏ ⵓⴹⵢ ⵓⵔ ⵤⴶⵔⵓ ⴹⴶⵔ ⵓⵍⵢⵏ ⴹⵗ ⵜⵗⵎⵔ ⵜⵏ ⵍⵎⵙⵈ ⴹⵎⵛⵏⴰ⵰

Kǝl-Efez 5:5 ပူးပေါင်းရင်းမြစ်များ

Igitan 20:32

Amaran ǝmǝrǝdda ǝssiɣlafaq-qawan i Mǝššina ǝd salan win ǝmmalnen arraxmat-net. Mǝššina ifrâg ǝsǝssuhi n ǝzǝgzan-nawan d ǝsǝttǝddi n agaraw wa za tagim daɣ tǝkasit ta issǝnsa y aytedan kul win zaddognen.

Igitan 8:21

Batu ta, wǝrmad tat-tǝheɣ za wala tǝleɣ daɣ-as tanat fǝlas ǝwǝl-nak wǝr oɣed dat Mǝššina.

ⴾⵍⴶⵍⵜⵢⴰ 5:19

Imazalan win aggadǝm iman-net ǝmmunan. Ǝmosan: Ǝzzǝna d ammadas d igi n aratan win ogarnen taxxaramt,

ⴾⵍⴶⵍⵜⵢⴰ 5:21

d iba ǝn tǝla n igda, d ǝmǝswǝd, d ǝsǝssikǝy daɣ tattay d aratan wiyyad olanen ǝd win. Ad dawan-ǝlǝsaɣ emel harwa ǝmǝrǝdda âs: Aytedan win tagginen aratan win di wǝr zʼǝggǝzan Taɣmar ta n Mǝššina.

Kǝl-Efez 5:3

Nǝmǝggǝgat d ǝzzǝna, ǝd mazalan samadasnen a ǝqqalan, ǝd tara n ǝddǝnet. Aratan win di a du-wǝr-tammadkel batu-nasan fadda ɣur-wan. Awen daɣ as ihor ad t-agin mizdagan ǝn Mǝššina.

ⴾⵍⴾⵍⵙⵢⴰ 1:13

Ǝnta a dana-d-ikkasan daɣ ǝlxǝkum n Iblis di imosân šiyyay ig-anaɣ daɣ wa n Barar-net Ɣaysa Ǝlmǝsix a ikna tara.

ⴾⵍⴾⵍⵙⵢⴰ 3:5

Daɣ adi anɣat daɣ man-nawan ǝnnǝyaten kul šin ǝddǝnet a tanat-imosan: ǝzzǝna, ammadas, tara ǝn man, arak deranan, tara n ǝddǝnet tǝmosat ǝmadraw.

1 ⵜⵎⵜⵢ 6:10

Tara n ǝzrǝf a tǝmosat ǝlǝsǝl n ǝššur kul. Ǝllan-tu aytedan s awa das-ǝgan daɣ tara, ǝxrakan, igmad-tan ǝzǝgzan-nasan, ewayan-du ǝs man-nasan šimǝgraz aggotnen.

1 ⵜⵎⵜⵢ 6:17

Amǝr win ǝggǝrgasnen daɣ ǝddǝnet s ad wǝr ǝdkelan iman-nasan dǝnnǝg aytedan wala agin attama-nasan daɣ tǝgǝrgist wǝr za nahag. Amǝr-tan s ad t-agin daɣ Mǝššina a danaɣ-ihakkin arat kul s igǝt fǝl ad nagu tǝmǝddurt a daɣ nǝddǝwat.

ⴾⵍⵗⵀⵔⵢ 13:4

Sǝɣmǝrat azalaf ketnawan. Alǝs ǝd tǝntut win ǝnnǝzlafnen, ǝɣdǝlanet gar-essan fǝlas Mǝššina ad awwaddab imaggan n ǝzzǝna.

Ǝnǝfilal 21:8

Mišan awedan wa imosan ǝddǝyyus, d aytedan win wǝr nǝɣdel ǝd win tamazalnen awa labasan ǝd maggan ǝn man ǝd win tagginen ǝzzǝna ǝd maššaɣawan ǝd naɣbidan n ǝssǝnǝman ǝd nǝsbuha kul, ǝntanay tǝdagart-nasan iguz ǝn Jahannama tǝmosat aɣazar ǝn tǝmsay tǝrɣât s adaɣas-ǝn-tahart.»

Ǝnǝfilal 22:15

Iḍan ǝd maššaɣawan ǝdǝganet sǝdi, ǝntanay ǝd maggan n ǝzzǝna ǝd maggan ǝn man ǝd naɣbidan n ǝssǝnǝman d awedan kul wa iran bahu itagg-ay!