Kǝl-Efez 4:31 - Ǝlinjil ǝn Ɣaysa Ǝlmǝsix

³¹ Tǝgmǝdet-kawan i tu-tǝlla tǝssǝmǝmt, d ǝɣǝšǝši, d alham, ǝd tǝhǝrǝššet, d ǝrrǝbdan, d a iqqal aššar.

ⵍⵍ ⵢⵙⴰ ⵍⵎⵙⵈ

³¹ ⵜⴶⵎⴹⵜⴾⵓⵏ ⵢ ⵜⵜⵍⴰ ⵜⵙⵎⵎ⵿ⵜ ⴹⵗⵛⵛⵢ ⴹⵍⵂⵎ ⴹⵜⵂⵔⵛⵜ ⴹⵔⵀⴹⵏ ⴹⵆⵍ ⵛⵔ⵰

Kǝl-Efez 4:31 ပူးပေါင်းရင်းမြစ်များ

Igitan 21:30

Inajarway ǝɣrǝm ketnet, ozalan-du aytedan daɣ tǝsǝdag kul. Ǝbazan Bulǝs, ǝlwayan-tu ǝgmadan dǝr-ǝs Ehan wa Zǝwwǝran n Ǝlɣibada, tǝzzar tawaharan mawan-net dǝffǝr-san tamazayt ten da.

Kǝl-Ǝrrum 3:14

Imawan-nasan ǝdnâyan batuten samomnen ǝd tulɣant,

1 ⴾⵍⴾⵔⵏ⵿ⵜ 14:20

Imǝdrayan-in, ušarat, tammazzayam ǝd tišit ǝn bararan! Tidǝt as, daɣ awa iqqalan igi ǝn tǝllabǝst, ǝqqǝlat šilat ǝn bararan; mišan daɣ awa iqqalan ǝgǝrri n aratan win, ǝqqǝlat aytedan ǝkmâlnen.

1 ⴾⵍⴾⵔⵏ⵿ⵜ 5:8

Daɣ adi nǝssǝɣmǝret amud wa n Akkay, wǝrgeɣ ǝs xamira wa waššaran, a t-imosan iwallan iha ǝššur ǝd talbast; kalar nǝssǝɣmǝret-tu ǝs tǝgǝlla ta wǝr iha xamira, a tat-imosan iwallan zaddognen, tǝha tidǝt.

2 ⴾⵍⴾⵔⵏ⵿ⵜ 12:20

Ǝksudaɣ a kawan-in-asa wǝr oggema taɣara-nawan, kawanay deɣ, wǝr toggemam ta-nin; ǝksudaɣ as mijas ǝllanat-tu tamazaɣen gar-ewwan, ǝd manjaɣ, d aššar, d ǝzgǝn, ǝd tǝnnawen, d ǝdkul ǝn man, ǝd tǝnajarwayat, wǝr tǝgǝmmǝyam ar tǝnfa ǝn man-nawan.

ⴾⵍⴶⵍⵜⵢⴰ 5:20

d igi n ǝmadraw ǝd šaɣawan d ǝzzǝngu d ǝmǝstan, ǝd manjaɣ d aššar ǝd tara ǝn man d ǝzǝmmǝzǝy n aytedan d ǝzǝmmǝzrǝy-nasan

Kǝl-Efez 4:22

Almaɣna n awen ad tammazzayam d alxal-nawan wa irǝwan, a t-imosan alxal n aggadǝm was kala a tu-tǝmosam, tâwayan arak deranan-net s ǝxruk.

Kǝl-Efez 4:25

Awen daɣ a fǝlas mazzayat d igi ǝn bahu. «Akkiyyan daɣ-wan iššiwǝlet tidǝt ɣas y ǝšǝqqaɣ-net», id akkiyyan daɣ-na taslǝt a imos ǝn win hadatnen.

Kǝl-Efez 4:26

«As kawan-iggaz alham, ad wǝr tagim abakkad.» Ad wǝr tudu tǝfuk ih-iwan alham.

ⴾⵍⴾⵍⵙⵢⴰ 3:19

Meddan iriwat šidoden-nawan amaran a kawan-wǝr-ǝtaggazan arak man sǝr-ǝsnat.

ⴾⵍⴾⵍⵙⵢⴰ 3:8

Ǝmǝrǝdda aratan win kul mazzayat dǝr-san a tan-imosan: alham, aššar, ǝzzǝngu, šizmit, ark batuten.

1 ⵜⵎⵜⵢ 3:11

Ǝmmǝk en daɣ as šimadhalen n Ǝlkǝnisat da iwâr-tanat ad ǝlânat ǝzzǝbun, wǝr tizǝmnat, sammodnat, ǝɣdâlnat daɣ ǝkkulluk n arat.

1 ⵜⵎⵜⵢ 3:3

Wǝr t-itǝqqǝl ǝmǝšwi n esmad wala awedan n ǝmǝkkennǝs. Kalar ǝmuzar n Ǝlkǝnisat iwâr-tu ad imos awedan ilân aladab, wǝr imos ǝnadlam, wǝr iwwǝlat azrǝf.

1 ⵜⵎⵜⵢ 5:13

aqqaminat wǝr ǝlenat ǝššǝɣǝl waliyyan ar ilum gǝr nan. Adi ogar-tu âs, a tanat-tǝggǝz šizmit; ǝššiwǝlnat daɣ taɣawšiwen n aytedan, d aratan as wǝr immǝkkan a daɣ-san šawalnat.

2 ⵜⵎⵜⵢ 2:23

Nǝmǝggǝg ǝd tǝmazaɣen wǝr nǝla almaɣna, ǝmosnat ǝljǝhǝl, id tǝssânaɣ as ikǝnnasan a du-tawaynat.

2 ⵜⵎⵜⵢ 3:3

Ikwalan wallan-nasan, wǝr tan-tǝha tǝhanint, jiwanken daɣ šizmit, wǝr ǝlen ǝzzǝbun, ǝknân aššar, ǝgzaran arat kul olaɣan,

Titǝs 1:7

Ǝnta amɣar n Ǝlkǝnisat Mǝššina a t-iflasan izzozar-tu i tamattay-net, daɣ adi ilzâm-tu ad imos awedan as tu-wǝr-illa i ifragan a daɣ-as d-inǝy ark arat: Wǝr idkel iman-net dǝnnǝg aytedan, wǝr ila tuksay n ǝwǝl, wǝr imos ǝmǝšwi n esmad, wǝr imos ǝmǝkkennǝs, wala deɣ itattu alxaram.

Titǝs 2:3

Ǝmmǝk wen daɣ as ilzam ad t-aginat tǝdoden šin waššarnen. Amǝr-tanat s ad ǝttǝfnat ǝzzǝbun-nasnat dat Mǝššina. Ad wǝr taẓamnat wala iqqǝl alxal-nasnat tessay n esmad aggen. Ǝqqǝlnatet šidoden tamarnen s ǝmazal n awa olaɣan.

Yaqub 1:19

Ya imǝdrayan-in ǝkneɣ tara, sǝsǝmat: ǝgmâya daɣ ǝkkulluk n awedan ad issǝrɣǝs ǝsǝsǝm, ayyu tararada n awal, wala irɣas alham-net.

Yaqub 3:14

Mišan kud kawanay iwallan-nawan manjaɣ labasan a tan-ihan, wǝr tǝgǝmmǝyam ar tǝnfa ǝn man-nawan, wǝdi wǝr tǝhoram d igi ǝn baragan fǝl masnat-nawan. Arat wǝdi isǝbbǝhǝw a imos ǝn tidǝt ǝn Mǝššina.

Yaqub 4:11

Ya imǝdrayan-in, ad wǝr tǝmǝl šizmit gar-ewwan. Awedan wa oẓaman amadray-net madeɣ issǝwar-tu lahan, wǝdi ǝššǝriɣa a oẓam, issǝwar-tu lahan. Amaran awedan wa issǝwaran ǝššǝriɣa lahan, wǝdi abʼas ilkam y ǝššǝriɣa, iqqal ǝmašraɣ ǝnta iman-net.

1 ⵀⵜⵔⵙ 2:1

Daɣ adi sǝnnǝmǝggǝgat iman-nawan d a imosan ǝzzǝngu, ǝd tǝkǝrras, ǝd tǝlmǝnufǝqa ǝd manjaɣ, d ǝzgǝn.

1 ⵢⵈⵢⴰ 3:12

Daɣ adi a dana-wǝr-iggǝz i igân awa iga Kayin, ilkaman y Iblis iga iman n amadray-net. Mafel za itagg-en? Iga iman n amadray-net fǝlas alxal-net a wǝr noɣed amaran wa n amadray-net oɣâd.

1 ⵢⵈⵢⴰ 3:15

Awedan wa ikyadan amadray-net daɣ ǝzǝgzan, wǝdi ǝmǝggi ǝn man a imos, amaran tǝssânam as ǝmǝggi ǝn man wǝr das-tu-tǝlla tǝmǝddurt ta tǝɣlalat.

Ǝnǝfilal 12:10

Dǝffǝr awen ǝsleɣ y ǝmǝsli issohen igannu daɣ jǝnnawan: «Ǝmǝrǝdda alwaq wa n efsan osa-du! Ǝmǝrǝdda Ǝmǝli-nana isinafalal tarna-net, ǝd taɣmar-net! Ǝmǝrǝdda taɣmar tǝlla gǝr fassan n Ǝlmǝsix-net, id Aššaytan s ǝnta a isawaran imǝdrayan-nana lahanan dat Mǝššina ehad ezal, a d-itawakkasan daɣ jǝnnawan, itawagar-du s amaḍal.