Kǝl-Efez 3:9 - Ǝlinjil ǝn Ɣaysa Ǝlmǝsix

⁹ Sǝnnǝfilǝla deɣ y aytedan [kul], ǝmmǝk was innǝzzam Mǝššina tarrayt ta, har tat-iɣrad ǝsǝkmǝl. Tarrayt ten, harwa daɣ tizarat a tat-iga Mǝššina a d-ixlakan arat kul, tǝmos ǝssir.

ⵍⵍ ⵢⵙⴰ ⵍⵎⵙⵈ

⁹ ⵙⵏⴼⵍⵍⴰ ⴹⵗ ⵢⵢⵜⴹⵏ ⴾⵍ ⵎⴾ ⵓⵙ ⵏⵤⵎ ⵎⵛⵏⴰ ⵜⵔⵢⵜ ⵜⴰ ⵂⵔ ⵜⵜⵗⵔⴹ ⵙⴾⵎⵍ⵰ ⵜⵔⵢⵜ ⵜⵏ ⵂⵔⵓⴰ ⴹⵗ ⵜⵤⵔⵜ ⵜⵜⴶⴰ ⵎⵛⵏⴰ ⴹⵈⵍⴾⵏ ⵔⵜ ⴾⵍ ⵜⵎⵙ ⵙⵔ⵰

Kǝl-Efez 3:9 ပူးပေါင်းရင်းမြစ်များ

Matta 10:27

Arat wa dawan-ǝnne daɣ šiyyay, anniwat-tu ezal a mallan. Amaran arat kul wa dawan-itawasataktakan anniwat-tu s afalla.

Matta 13:35

fǝl ad andu awal ǝn Mǝššina wa imal ǝnnǝbi assaɣa wad inna: «Ad araɣ imi-nin, ǝššiwǝla s ǝlmitalan, ǝmǝlaɣ aratan win ǝɣbarnen harwa ɣur ǝnǝtti n ǝddǝnet.»

Matta 25:34

Den daɣ ad zʼanna nak an ǝmǝnokal i win ǝhanen aɣil-in: "Ayewat kawanay win as iga Abba-nin arraxmat, ad tǝgrǝwam taɣmar ta dawan-tǝtawasamatagat harwa ɣur ǝnǝtti n ǝddǝnet.

Matta 28:19

Daɣ adi agliwat, takkim šimattiwen kul n ǝddǝnet tagim-tanat inalkiman-in. Salmaɣat-tan daɣ aman s esǝm n Abba, ǝd Barar, d Infas wa Zǝddigan.

Luqa 24:47

tǝzzar tǝwǝggin salan ǝn tǝtubt s esǝm-net i tǝmattiwen kul fǝl ad ǝgrǝwnat tǝsureft ǝn bakkadan, antu awen daɣ Yerusalam.

Yaxya 10:30

Nak d Abba arat iyyanda a nǝmos.»

Yaxya 5:17

Mišan inn-asan Ɣaysa: «Abba-nin faw da išɣâl, daɣ adi nak da ǝšɣâla.»

Yaxya 5:19

Inn-asan Ɣaysa: «Ǝggǝyyeɣ ǝsilakanaɣ-awan as Barar wǝr ifreg igi n arat waliyyan gar-es ǝd man-net. Wǝr itǝggu ar arat was ihannay Abba-net itagg-ay. Amaran arat kul wa itaggu Abba, Barar da itagg-ay s asaway wen da.

Igitan 15:18

fǝl tǝga masnat harwa irǝw.

Kǝl-Ǝrrum 11:25

Imǝdrayan-in, wǝr areɣ a dawan-ijhâl ǝssir wa, fǝl ad wǝr tǝɣilam tǝlâm masnat iyyat zǝwwǝrat. Edes ǝn Kǝl-Israyil wǝr zʼammazzayan ad ǝffillagan iket wǝr d-ǝxselan aytedan kul win wǝr nǝmos Kǝl-Ǝlyǝhud ǝs Taɣmar ǝn Mǝššina.

1 ⴾⵍⴾⵔⵏ⵿ⵜ 2:7

Kalar masnat ta du-tǝfalat Mǝššina a nǝsassaɣru, tǝmosat ǝssir irǝwan iɣbâr y aytedan. Masnat ta, harwa dat ǝxluk n ǝddǝnet ad otas Mǝššina a dana-sǝr-ǝs-akfu adkul.

Kǝl-Efez 1:4

Daɣ adi, ǝssǝnatanaɣ as harwa dat ǝxluk n ǝddǝnet a danaɣ-isannafran Mǝššina y ad nǝqqǝl i-net ǝs tarrayt n Ǝlmǝsix fǝl a dat-ǝs nǝqqǝl aytedan zaddognen wǝr iwer a imosan lahan, fǝl ad nagu tǝmǝddurt tǝha tara.

Kǝl-Efez 3:2

A igan da tǝgrâwam isalan n ǝzuk wa di-issǝwar Mǝššina daɣ batu n arraxmat-net ta di-tǝtawakfat fǝl tǝnfa-nawan.

Kǝl-Efez 6:19

a di-tanat-tǝtaggim nak da fǝl ad ǝgrǝwaɣ masnat n awal, ǝššiwǝlaɣ s ikus n aššak, agaɣ isalan n ǝssir n Ǝlinjil ǝs tanaya.

ⴾⵍⴾⵍⵙⵢⴰ 1:23

kud imos as tǝglam tǝttâfam ǝzǝgzan-nawan, tǝzizawem daɣ-as iman-nawan, tǝzzikkem daɣ-as s assahat, wǝr tǝkkǝsem attama wa tǝgam as tǝslam y Ǝlinjil. Ǝlinjil wa, ittimalan y aytedan kul n ǝddǝnet, ǝnta as ǝqqala nak Bulǝs ǝmǝggi ǝn salan-net.

ⴾⵍⴾⵍⵙⵢⴰ 1:26

s a dawan-ǝsaffaggaɣ ǝssir wa iɣbar elan s elan. Mišan ǝmǝrǝdda ǝssir wa itawasanafalal i win das-ǝlkamnen,

ⴾⵍⴾⵍⵙⵢⴰ 3:3

Fǝlas šilat n aytedan aba a tǝmosam abʼas tǝtamazalam aratan win tǝtamazalam ǝstizarat, amaran tǝmǝddurt-nawan tǝstâr s Ǝlmǝsix ɣur Mǝššina.

ⴾⵍⴾⵍⵙⵢⴰ 4:3

A dana-tǝtaggim šiwatriwen nakkanay da fǝl a danaɣ-alǝm Mǝššina tarrayt n ǝzǝwwǝziwǝz ǝn salan n ǝssir-net a imos Ǝlmǝsix. Ǝssir wa ǝnta a imosan ǝddǝlil n ǝtǝwǝttaf-in daɣ kasaw ǝmǝrǝdda.

2 ⴾⵍ⵿ⵜⵙⵍⵏⴾ 2:13

Nakkanay amaran imǝdrayan-nana ǝn maran n Ǝmǝli, iwâr-anaɣ ad nǝtigudǝy faw i Mǝššina daɣ talɣa-nawan fǝlas kawanay tǝzzar a isannafran Mǝššina y ad tǝgrǝwam efsan s ǝzǝzdǝg wa itaggu Infas ǝn Mǝššina d ǝzǝgzan ǝs tidǝt.

1 ⵜⵎⵜⵢ 3:16

Igmâd aššak as ǝssir wa danaɣ-isannafalal Mǝššina a t-imosan Ǝlmǝsix, i zǝwwǝran: Inafalal imos awedan. Iggǝyyat Infas ǝn Mǝššina as oɣâd. Ǝnâyan-tu angalosan. Tiwaggan salan-net y aytedan win wǝr nǝmos Kǝl-Ǝlyǝhud. Ǝzzigzanan sǝr-ǝs aytedan daɣ ǝddǝnet ketnet. Immǝdkal ǝs jǝnnawan ǝs tanaya.

2 ⵜⵎⵜⵢ 1:9

s ǝnta danaɣ-issǝfsan, ig-ana teɣaray zǝddigat, wǝrgeɣ fǝl ǝddǝlil ǝn mazalan-nana, kalar fǝl ǝddǝlil n awa issǝbdad Mǝššina ǝs tara-net, d arraxmat ta dana-tǝtawakfat ǝs tarrayt n Ǝlmǝsix Ɣaysa harwa dat axluk-net ǝddǝnet.

2 ⵜⵎⵜⵢ 4:17

Ǝmǝli a iwaran aganna-nin, isassahat-i, fǝl ad aslin aytedan kul win wǝr nǝmos Kǝl-Ǝlyǝhud y ǝmazal-net, šišawadaɣ ǝs tǝmǝwit tǝkmâlat, ikkas-i-du daɣ ǝmi n ahar.

Titǝs 1:2

Ǝmmǝk en daɣ as zʼagin attama ǝn tǝmǝddurt ta tǝɣlalat. Tǝmǝddurt ten, Mǝššina di wǝr nǝtǝggu bahu a igan arkawal-net dat ǝxluk n ǝddǝnet.

1 ⵀⵜⵔⵙ 1:20

Ǝlmǝsix tǝga fall-as masnat dat ǝxluk n ǝddǝnet, amaran itawasanafalal daɣ azzaman win ǝlkamnen a fǝl ǝddǝlil-nawan.

Ǝnǝfilal 13:8

Aytedan n ǝddǝnet kul ad t-ǝɣbǝdan ar win as ǝktaban esmawan-nasan daɣ ǝlkǝttab wa n tǝmǝddurt harwa ɣur ǝxluk n ǝddǝnet. Ǝlkǝttab en in Ǝjemar wa igzaman iqqal takutay.

Ǝnǝfilal 14:6

Tǝzzar oggeɣ angalos iyyan as iggad daɣ tǝsǝggǝrigǝrǝyt ǝn jǝnnawan. Angalos wen eway Ǝlinjil di iɣlalan a zʼimǝl y aytedan n ǝddǝnet, daɣ kallan kul ǝd tawšeten kul d awalan kul ǝd tǝmattiwen kul.

Ǝnǝfilal 17:8

Ǝmudar sǝksǝdan wa toggeɣ ǝddi, kala ad t-illa, mišan ǝmǝrǝdda ab-as t-illa. Daɣ alwaq wǝr nǝggug, a d-igmǝd ǝɣǝɣi wa wǝr nǝla eder, akku edag n ǝhluk. Amaran aytedan n ǝddǝnet kul win as wǝr ǝkteban esmawan-nasan daɣ ǝlkǝttab wa n tǝmǝddurt harwa ɣur ǝnǝtti n ǝddǝnet, ad ǝqqǝnan ɣafawan-nasan as ǝnayan ǝmudar id kala ad t-illa, dǝffǝr adi ab-as t-illa, amaran ijwâr a d-osa.

Ǝnǝfilal 4:11

Ya Ǝmǝli-nana Mǝššina, kay a ihoran ǝd tanaya d ǝtǝwǝsǝɣmar, ǝd tarna, id kay a d-ixlakan ǝkkulluk n arat. Aratan kul ǝllan-tu ǝs tarrayt ǝn tara-nak, amaran kay a tan-d-ixlakan.