Kǝl-Efez 3:8 - Ǝlinjil ǝn Ɣaysa Ǝlmǝsix

⁸ Nak a ogaran tǝmmǝdrǝyt daɣ mǝzzǝgzan di ǝn mizdagan ǝn Mǝššina ketnasan, mišan ǝgrâwaɣ arraxmat ta, a tat-imosan: Igi y aytedan win wǝr nǝmos Kǝl-Ǝlyǝhud isalan n Ǝlinjil, imosan isalan n arraxmaten n Ǝlmǝsix as tu-wǝr-illa i ifrâgan ǝgǝrri-nasnat.

ⵍⵍ ⵢⵙⴰ ⵍⵎⵙⵈ

⁸ ⵏⴾ ⴶⵔⵏ ⵜⵎⴹⵔⵢⵜ ⴹⵗ ⵎⵤⴶⵤⵏ ⴹⵢ ⵏⵎⵤⴹⴶⵏ ⵏⵎⵛⵏⴰ ⴾⵜⵏⵙⵏ ⵎⵛⵏ ⴶⵔⵓⵗ ⵔⵈⵎⵜ ⵜⴰ ⵜⵜⵎⵙⵏ ⴶⵢ ⵢⵢⵜⴹⵏ ⵓⵏ ⵓⵔ ⵏⵎⵙ ⴾⵍⵍⵢⵂⴹ ⵙⵍⵏ ⵏⵍⵏ⵿ⵌⵍ ⵎⵙⵏ ⵙⵍⵏ ⵏⵔⵈⵎⵜⵏ ⵏⵍⵎⵙⵈ ⵙ ⵜⵓⵔⵍⴰ ⵢ ⴼⵔⴶⵏ ⴶⵔⵏⵙⵏⵜ⵰

Kǝl-Efez 3:8 ပူးပေါင်းရင်းမြစ်များ

Luqa 14:22

«As d-iqqal ǝkli, inna i mǝššis: "Mǝšši, ǝgeɣ awa di-tǝnneɣ, mišan ehan harwa da ih-ay adag."

Yaxya 1:16

Awalla ketnana nǝgraw albaraka wǝr nǝla ǝddukad s ǝlxurma-net ikmâlan.

Igitan 5:41

Ǝfalan nǝmmuzal ehan wa daɣ itamanay Asaggawar wa Zǝwwǝran, ǝknân tǝdǝwit id Mǝššina a tan-issǝharan d ad tawasaknin mǝlka fǝl ǝddǝlil ǝn Ɣaysa.

Igitan 9:15

Mišan inn-as Ǝmǝli: «Aglu, alǝs di nak a t-isannafran fǝl a di-imǝl y aytedan wǝr nǝmos Kǝl-Ǝlyǝhud ǝd mǝnokalan-nasan, imǝl-i deɣ i Kǝl-Israyil.

Kǝl-Ǝrrum 11:33

Ya Mǝššina! Tǝgǝrgist-nak, ǝd tayttay-nak ǝd masnat-nak wǝr ǝlenat ǝddukad. Ǝlxǝkuman-nak wǝr t-illa i ifragan ǝšǝggǝr-nasan, tarrayen-nak wǝr t-illa i ifragan ǝgǝrri-nasnat.

Kǝl-Ǝrrum 12:10

Daɣ batu ta tǝqqalat tara ta gǝr mǝdrayan, akkiyyan daɣ-wan akniwet tara ǝn win hadatnen. Daɣ batu ta tǝqqalat saɣmar, zuzǝrat tǝnfa ta n mǝdrayan-nawan i ta-nawan.

Kǝl-Ǝrrum 2:4

Meɣ ak ǝsǝttǝlkǝk a tǝgeɣ ǝlluɣ ǝn Mǝššina, d ǝllǝllu-net, ǝd tǝzaydart-net, tǝqqima wǝr din-tǝgreɣ as ira a kay-isǝmmǝttǝy s ǝlluɣ-net tutaba?

1 ⴾⵍⴾⵔⵏ⵿ⵜ 1:30

Kawanay amaran Mǝššina a kawan-osaɣan ǝd Ɣaysa Ǝlmǝsix, s ǝnta a danaɣ-iqqalan masnat a du-tǝfâlat Mǝššina – almaɣna ikf-ana sǝr-ǝs taqqat, ǝd tazdak, ǝd tǝdarfit.

1 ⴾⵍⴾⵔⵏ⵿ⵜ 15:9

Fǝlas nak inǝmmuzal kul ogaran-i, wǝr ǝweda fadda a di-itǝwǝnnu anammazul, id kala ad ǝssǝknaɣ aytedan win Ǝlkǝnisat ǝn Mǝššina arkanay.

1 ⴾⵍⴾⵔⵏ⵿ⵜ 2:9

Dǝr iga awen da ya ǝnnan Ǝlkǝttaban: «Awa issǝnsa Mǝššina i win t-ǝranen, wǝr kala tu-tǝnay šat, wǝr kala tu-tǝsla tǝmǝzzuk, wǝr kala deɣ ad t-isammadran awedan.»

ⴾⵍⴶⵍⵜⵢⴰ 2:8

– Mǝššina ikfa Butros fǝrregat n ad iqqǝl anammazul-net ǝs Kǝl-Ǝlyǝhud, nak amaran ikf-i fǝrregat ǝn tišit n anammazul-net s aytedan win wǝr nǝmos Kǝl-Ǝlyǝhud. –

Kǝl-Efez 2:7

Awen ig-ay fǝl ad assaknu daɣ azzaman win d-ǝzaynen igǝt wǝr nǝla ǝddukad a tǝga arraxmat-net ǝs tarrayt n ǝlluɣ-net y-anaɣ fǝl ǝddǝlil ǝn tassaq ta nǝga d Ǝlmǝsix Ɣaysa.

Kǝl-Efez 3:1

Awen daɣ a fǝl ǝmosa nak Bulǝs, amaskasaw n Ǝlmǝsix [Ɣaysa] fǝl ǝddǝlil-nawan, kawanay a wǝr nǝmos Kǝl-Ǝlyǝhud.

Kǝl-Efez 3:16

Awalla! Ǝgmâyaɣ daɣ-as ad aknu ǝssǝsuhi ǝn wallan-nawan ǝs tarrayt n Infas-net wa Zǝddigan s ǝssǝbab ǝn tanaya-net tǝkmâlat.

Kǝl-Efez 3:19

tǝzdǝyam deɣ tara ten tǝllât dǝnnǝg masnat kul. Ǝddi a kawan-za-tǝdkǝr tanaya ǝn Mǝššina s ǝmmǝk ikmâlan.

Kǝl-Efez 3:2

A igan da tǝgrâwam isalan n ǝzuk wa di-issǝwar Mǝššina daɣ batu n arraxmat-net ta di-tǝtawakfat fǝl tǝnfa-nawan.

Kǝl-Filib 2:3

Ad wǝr tagim arat waliyyan a daɣ wǝr tǝgǝmmǝyam ar tǝnfa ǝn man-nawan ɣas, wala tǝzzǝzwǝram iman-nawan id wǝr infa awen wala. Kalar akkiyyan daɣ-wan isǝmmǝdrǝyet iman-net i win hadatnen, tagim fawda i midawan-nawan iduf n as ogaran-kawan.

Kǝl-Filib 4:19

Amaran ǝgmâya daɣ Ǝmǝli-nin, ilân tanaya wǝr nǝla ǝddukad, a kawan-ikfan awas tǝddǝraram kul fǝl udǝm n Ǝlmǝsix Ɣaysa.

ⴾⵍⴾⵍⵙⵢⴰ 1:27

ǝntanay as ira Mǝššina a tan-issusǝn daɣ igǝt wa dǝr ogda ǝdkul n ǝssir wa iqqalan šimattiwen n ǝddǝnet kul. Ǝssir wa imos-tu as: Ǝlmǝsix iɣsâr daɣ wallan-nawan adi da fǝlas illikan as ad tilem tadagart daɣ ǝlxurma ǝn Mǝššina.

1 ⵜⵎⵜⵢ 1:13

nak was harwa das-wǝr-ǝlkema tibuduraq-qu, sakna inalkiman-net arkanay, rabbadaq-qan, mišan ihanattat-i fǝlas ǝljǝhǝl d iba n ǝzǝgzan sǝr-ǝs a daɣ ǝgeɣ awen.

1 ⵜⵎⵜⵢ 1:15

Batu ta, igmâd-tat aššak, tǝhor deɣ d i tat-izzǝgzanan ketnet tǝmosat as: Ǝlmǝsix Ɣaysa osâ-du ǝddǝnet fǝl ad assafsu inasbakkadan as nak eɣaf-nasan.

1 ⵜⵎⵜⵢ 2:7

Tǝgǝyya ten da as di-isannafran Mǝššina y a tat-aga. Ig-i ǝmǝggi ǝn salan n Ǝlinjil, d anammazul. Issok-i aytedan win wǝr nǝmos Kǝl Ǝlyǝhud y a tan-sassaɣra awa iqqalan ǝzǝgzan ǝd tidǝt. Awa ǝnne da, tidǝt a imos, wǝrge bahu.

2 ⵜⵎⵜⵢ 1:11

Ǝddǝlil n Ǝlinjil en da a fǝl di-isannafran Mǝššina ig-i ǝmǝggi ǝn salan, n anammazul n ǝmǝsǝsseɣri.

Ǝnǝfilal 3:18

Ǝgeɣ-awan ǝnnǝsixa n a ɣur-i tazzanzim urǝɣ wa itawajarraban ǝs tǝmsay, fǝl a sǝr-ǝs taggargasam, tazzanzim ɣur-i deɣ tabdoq mallat, fǝl ad talsim, ib-as kawan-tǝtabaz tǝkarakit n as tǝzzafam, tazzanzim ɣur-i deɣ amagal a za tǝzwǝyam i šittawen-nawan, iqqǝl-kawan-du asawad-nawan.