Kǝl-Efez 2:5 - Ǝlinjil ǝn Ɣaysa Ǝlmǝsix

⁵ nakkanay as zun danaɣ-aba s ǝssǝbab n ark mazalan-nana, ǝnta a fǝl danaɣ-ikfa tǝmǝddurt ǝs tarrayt n Ǝlmǝsix. Arraxmat ǝn Mǝššina as tǝgrawam efsan.

ⵍⵍ ⵢⵙⴰ ⵍⵎⵙⵈ

⁵ ⵏⴾⵏⵢ ⵙ ⵤⵏ ⴹⵏⵗⵀⴰ ⵙⵙⵀⵀ ⵏⵔⴾ ⵎⵤⵍⵏⵏⴰ ⵏ⵿ⵜⴰ ⴼⵍ ⴹⵏⵗⴾⴼⴰ ⵜⵎⴹⵔ⵿ⵜ ⵙ ⵜⵔⵢⵜ ⵏⵍⵎⵙⵈ⵰ ⵔⵈⵎⵜ ⵏⵎⵛⵏⴰ ⵙ ⵜⴶⵔⵓⵎ ⴼⵙⵏ⵰

Kǝl-Efez 2:5 ပူးပေါင်းရင်းမြစ်များ

Luqa 15:24

fǝlas barar-in wa, šilat n as t-aba, amaran ǝmǝrǝdda idar-du; kala ixrak, amaran ǝmǝrǝdda igraw-du." Amaran ǝssǝntan daɣ saksas.

Yaxya 5:21

Ǝmmǝk wa daɣ-as d-isankar Abba inǝmmǝttan itaggu daɣ-san iman, ǝmmǝk wǝdi da as ihakku Barar ǝnta da tǝmǝddurt i was tat-ira.

Yaxya 6:63

Infas wa Zǝddigan a ihakkin tǝmǝddurt. Awedan ǝs tǝɣǝssa-net, wǝr imos wala. Awalan win dawan-ǝgeɣ, Infas a mosan, hakkin deɣ tǝmǝddurt.

Igitan 15:11

Wǝrgeɣ arraxmat n Ǝmǝli Ɣaysa as nǝzzǝgzan, tǝssǝfs-ana? Ǝntanay da za, ǝntanay win wǝr nǝmos Kǝl-Ǝlyǝhud, tǝmǝwit ta da as ǝfsan!»

Kǝl-Ǝrrum 16:20

Mǝššina s ǝnta a d-iffal alxer kul, tarmad as zʼaddagdag Aššaytan daw daran-nawan. Tidawet dǝr-wan arraxmat n Ǝmǝli-nana Ɣaysa.

Kǝl-Ǝrrum 3:24

Amaran ǝgrâwan taqqat tǝmosat tǝhǝkkut n arraxmat ǝn Mǝššina ǝs tarrayt ǝn tǝdarfit ta du-teway tassaq d Ǝlmǝsix Ɣaysa.

Kǝl-Ǝrrum 4:16

Ǝnta den daɣ ǝddǝlil wa fǝlas arkawal wen ad itǝwǝgrǝw ǝs tarrayt n ǝzǝgzan, fǝl ad iqqǝl tǝhǝkkut tǝmosat arraxmat. Ǝmmǝk en daɣ as arkawal wen ittidda y ǝzzurrǝyya n Ibrahim ketnet, almaɣna wǝrgeɣ win ǝlkamnen y ǝššǝriɣa ɣas, kalar harkid win obaznen tarrayt n ǝzǝgzan ta n Ibrahim imosan abba-nana ketnana.

Kǝl-Ǝrrum 5:10

Fǝlas, dad zamas harwa nǝmos izǝnga ǝn Mǝššina da nǝga dǝr-ǝs alxer ǝs tarrayt ǝn tǝmattant ǝn Barar-net, manǝmmǝk as wǝr za nǝgrǝw efsan s ǝssǝbab ǝn tǝmǝddurt ǝn Barar-net ǝmǝrǝdda a dǝr-ǝs nǝga alxer.

Kǝl-Ǝrrum 5:6

Fǝlas harwa danaɣ-wǝr-tǝqqel alfaydat waliyyat ad immut Ǝlmǝsix fǝl ǝddǝlil n aytedan wǝr nǝzǝgzan ǝs Mǝššina daɣ alwaq wa iskat Mǝššina y awen.

Kǝl-Ǝrrum 5:8

Mišan ǝmmǝk da was danaɣ-issǝkna Mǝššina tara ta danaɣ-iga: Harwada nǝmos inasbakkadan ad aba Ǝlmǝsix fǝl ǝddǝlil-nana.

Kǝl-Ǝrrum 8:2

Fǝlas tarna ta n Infas wa ihakkin tǝmǝddurt ihân Ɣaysa Ǝlmǝsix tǝsiddarfat-kay daɣ tarna ta n abakkad ǝd tǝmattant.

Kǝl-Efez 2:1

Amaran kawanay aba-kawan fǝl aganna wa iqqalan tassaq ǝd Mǝššina s ǝssǝbab n arak mazalan-nawan ǝd bakkadan-nawan.

Kǝl-Efez 2:8

Fǝlas illikan âs arraxmat as tǝgrawam efsan, ǝs tarrayt n ǝzǝgzan-nawan. Amaran wǝrgeɣ kawanay a ɣur d-ifal awen, kalar tǝhǝkkut ǝn Mǝššina a imos.

Kǝl-Efez 5:14

Amaran arat kul wa daɣ innǝflay ǝnnur, wǝdi ǝnnur a imos. Awen daɣ a fǝl itawanna: «Ǝnkǝr-in kay wa insan, Ǝnkǝr-in daɣ nǝmmǝttan, Ǝddi a fall-ak isǝmmǝlǝwlǝw Ǝlmǝsix ǝnnur-net.»

ⴾⵍⴾⵍⵙⵢⴰ 2:13

Kala tǝmosam aytedan abâ daɣ wallan-nawan fǝl ǝddǝlil ǝn bakkadan-nawan d ǝddǝlil n as wǝr tǝmosam arat daɣ Kǝl-Ǝlyǝhud, wǝr tǝmmǝnkadam, mišan ǝmǝrǝdda Mǝššina ilas-kawan d ǝsudǝr tǝddêwam d Ǝlmǝsix, sas dawan-issoraf ibakkadan-nawan kul s arraxmat-net.

Titǝs 2:11

Ǝnta arraxmat ǝn Mǝššina tǝnifalal, tewây-du efsan y aytedan kul.

Titǝs 3:5

issǝfs-ana ǝs tǝhanint-net. Wǝrgeɣ imazalan olaɣnen win nǝtaggu a fǝl nǝgraw efsan win. Kalar nǝgraw-tan s ǝširǝd wa danaɣ-iga Infas wa Zǝddigan. Ǝširǝd wa, ǝnta a danaɣ-ewayan ǝs tǝhǝwt ta taynayat, isammattay-ana nǝssǝnta tǝmǝddurt iyyat taynayat.

Ǝnǝfilal 22:21

Ya Ǝmǝli Ɣaysa tǝkfeq-qawan arraxmat ketnawan.