Kǝl-Efez 2:10 - Ǝlinjil ǝn Ɣaysa Ǝlmǝsix

¹⁰ Šixǝllak ǝn Mǝššina a nǝmos, a d-ixlâk ǝs tarrayt n Ǝlmǝsix Ɣaysa fǝl ad nagu tǝmǝddurt daɣ nǝtamazal awa olaɣan âs Mǝššina a t-isammatagan harwa daɣ tizarat y a tu-nammazal.

ⵍⵍ ⵢⵙⴰ ⵍⵎⵙⵈ

¹⁰ ⵛⵈⵍⴾ ⵏⵎⵛⵏⴰ ⵏⵎⵙ ⴹⵈⵍⴾ ⵙ ⵜⵔⵢⵜ ⵏⵍⵎⵙⵈ ⵗⵢⵙⴰ ⴼⵍ ⴹ ⵏⴶⵓ ⵜⵎⴹⵔ⵿ⵜ ⴹⵗ ⵏⵜⵎⵤⵍ ⵓⴰ ⵍⵗⵏ ⵙ ⵎⵛⵏⴰ ⵜⵙⵎⵜⴶⵏ ⵂⵔⵓⴰ ⴹⵗ ⵜⵤⵔⵜ ⵢⵜⵏⵎⵤⵍ⵰

Kǝl-Efez 2:10 ပူးပေါင်းရင်းမြစ်များ

Matta 5:16

Ǝmmǝk di daɣ as imǝlǝwlǝwet ǝnnur-nawan, dat aytedan kul, fǝl ad ǝnǝyan aratan olaɣnen win tǝtaggim, awǝy-du sǝr-san awen ad ǝmmâlan tanaya n Abba-nawan di ihan ijǝnnawan.»

Yaxya 3:21

Mišan wa itaggan arat wa imosan tidǝt, wǝdi itakka-du ǝnnur, fǝl ad itǝwǝnǝy as ǝmazal-net issind-ay daɣ lǝkkum i Mǝššina.»

Igitan 9:31

Azzaman en, ǝgrâwan daɣ-san nalkiman ǝn Ɣaysa d Ǝlkǝnisaten alxer daɣ akal kul wa n Yahudǝyya ǝd wa n Galilaya ǝd wa n Samarǝya. Itasahat ǝzǝgzan n Ǝlkǝnisaten, tagginat imazalan ǝssiɣmarnen Ǝmǝli, tittǝynat deɣ ǝs tilalt n Infas wa Zǝddigan.

Igitan 9:36

As itaggu awen aɣrǝm ǝn Yaffa tǝxsâr daɣ-as tǝnalkimt ǝn Ɣaysa tǝgât esǝm Tabita, almaɣna n esǝm wa daɣ tǝlyunant Dorkas, almaɣna «Tenert». Wǝr tǝgmed ar s igi ǝn mazalan olaɣnen ǝd tǝkutawen i maddararan.

Kǝl-Ǝrrum 8:1

Adi a fǝlas ǝmǝrǝdda abʼas t-illa attadib i win ǝrtaynen d Ǝlmǝsix Ɣaysa.

Kǝl-Ǝrrum 8:29

Fǝlas win isannafran harwa daɣ tizarat win di otâs-asan ad ǝqqǝlan ǝlmital ǝn Barar-net, fǝl ad iqqǝl Barar-net en aɣafadday daɣ bararan aggotnen.

1 ⴾⵍⴾⵔⵏ⵿ⵜ 3:9

Nak d Abbolos nǝdrâw ǝššǝɣǝl wa danaɣ-ikfa Mǝššina, amaran kawanay a mosnen šilat ǝn tawagost-net, tǝmosam deɣ ǝkǝrrus-net.

2 ⴾⵍⴾⵔⵏ⵿ⵜ 5:17

Daɣ adi awedan wa ilan tassaq d Ǝlmǝsix, iqqal taxlǝk taynayat. Abʼas imos awedan was kala a t-imos, fǝlas tǝmǝddurt tas kala tat-iga iɣrad dǝr-ǝs; tǝggaz iyyat taynâyat edag-net.

2 ⴾⵍⴾⵔⵏ⵿ⵜ 5:5

Amaran Mǝššina iman-net a danaɣ-isammatagan awen, isattadd-anaɣ ǝs tǝhakkay ta danaɣ-iga Infas-net as, ad agu awen.

2 ⴾⵍⴾⵔⵏ⵿ⵜ 9:8

Amaran Mǝššina ifrâg a fall-awan d-izǝzzǝbbǝt ǝzzǝnǝfan n arraxmaten aggotnen, fǝl a tu-wǝr-imǝl arat a iqqal daɣ alwaq a iqqal as tǝddiraram, har tawadam igi ǝn mazalan kul win olaɣnen.

ⴾⵍⴶⵍⵜⵢⴰ 6:15

Fǝlas wǝrgeɣ ǝmǝnkǝd wala iban-net a imosan ǝlmǝxsud, kalar axluk aynayan ǝs tarrayt n Ǝlmǝsix a imosan ǝlmǝxsud.

Kǝl-Efez 1:1

Awa nak Bulǝs, imosan anammazul n Ǝlmǝsix Ɣaysa ǝs tǝrǝddawt ǝn Mǝššina. Širawt ta tǝkkâ aytedan win ǝmosnen tamattay ǝn Mǝššina ǝhanen aɣrǝm n Efez, almaɣna aytedan win ǝɣdalnen daɣ tassaq d Ǝlmǝsix Ɣaysa.

Kǝl-Efez 1:4

Daɣ adi, ǝssǝnatanaɣ as harwa dat ǝxluk n ǝddǝnet a danaɣ-isannafran Mǝššina y ad nǝqqǝl i-net ǝs tarrayt n Ǝlmǝsix fǝl a dat-ǝs nǝqqǝl aytedan zaddognen wǝr iwer a imosan lahan, fǝl ad nagu tǝmǝddurt tǝha tara.

Kǝl-Efez 2:13

Mišan ǝmǝrǝdda ǝs tarrayt ǝn tǝrtǝyt-nawan d Ǝlmǝsix Ɣaysa, kawanay win as kala ad tǝggugam Mǝššina, tǝhozam-du ǝs tarrayt n ǝzni n Ǝlmǝsix.

Kǝl-Efez 2:15

Arat wen ig-ay s ikus wa din-iga Ǝttawret d ǝlwajiban-net d ǝššǝrǝdan-net. Iga alxer gǝr Kǝl-Ǝlyǝhud ǝd win tan-wǝr-nǝmos ǝs tarrayt ǝn tassaq ta dǝr-san iga, ig-en tamattay iyyadda taynayat.

Kǝl-Efez 2:2

Dat awa tǝššokalam daɣ arak mazalan win, tǝlkâmam y alxal wa n ǝddǝnet, tǝlkâmam y awa ira ǝmuzar ǝn kǝl ǝtǝnkul win alhawa, a t-imosan infas wa ixkaman daɣ nǝmmǝzray ǝn Mǝššina daɣ ǝddǝnet.

Kǝl-Efez 2:6

Issǝnkar-ana-du nǝddew d Ǝlmǝsix Ɣaysa, isaɣɣam-ana daɣ jǝnnawan nǝddew dǝr-ǝs fǝl ǝddǝlil ǝn tassaq ta dǝr-ǝs nǝga.

Kǝl-Efez 4:1

Daɣ adi arat da wa daɣ-wan gammaya, nak imosan amaskasaw fǝl as ǝɣbadaɣ Ǝmǝli: Kawanay a iɣra Mǝššina, agiwat alxal inihaggan d ǝtǝwǝɣra wa tǝtǝwaggam den.

Kǝl-Efez 4:24

Zund ǝmmǝk as ilassu awedan tabdoq, tǝqqǝlet tǝbdoq-nawan alxal aynayan wa d-iga Mǝššina. Alxal wen, itinǝfilil daɣ taqqat ǝd tazdak šin tǝhakku tidǝt.

Kǝl-Filib 1:6

Fadda ǝkkasaɣ aššak as, ǝššǝɣǝl olaɣan wa daɣ-wan issǝnta Mǝššina ǝddi, wǝr tu-z-izzǝrǝz iket wǝr t-issǝnda ǝzǝl wa daɣ du-z-azzabbat Ǝlmǝsix Ɣaysa.

Kǝl-Filib 2:13

Tǝfrâgam igi n adi fǝlas Mǝššina iman-net a išɣâlan daɣ wallan-nawan, ihakk-iwan ǝnnǝyat ǝd fǝrregat n igi n arat kul, ilkâm awen i tara-net.

ⴾⵍⴾⵍⵙⵢⴰ 1:10

Šiwatriwen šin nǝtagg-enat fǝl ad tilem alxal ǝn mǝzzǝgzan, isǝnnǝhǝl-tu Ǝmǝli tǝggǝma, ad tǝtaggim imazalan olâɣnen, tǝtittǝy daɣ-wan masnat ǝn Mǝššina,

ⴾⵍⴾⵍⵙⵢⴰ 3:10

tǝzzar tǝgam daɣ-san ǝmǝrǝdda iyyat tǝzrâyat. Iman-nawan win ǝntanay a ǝtawašašaynaynen faw ǝs šašelan n Ǝmaxlak-nasan fǝl ad tilem masnat tǝndât ǝn Mǝššina.

2 ⴾⵍ⵿ⵜⵙⵍⵏⴾ 2:17

a kawan-akfin tǝsasmit n ǝwǝl, sǝssuhen-kawan fǝl ad tǝfrǝgam ǝmazal ǝd tǝnna n awa olaɣan.

1 ⵜⵎⵜⵢ 2:10

Kalar ǝdlǝgnatet iman-nasnat ǝs mazalan olaɣnen win tagginat tǝdoden šin ǝksudnen Mǝššina.

1 ⵜⵎⵜⵢ 5:10

Ǝggǝyyen deɣ aytedan as tǝtag imazalan olaɣnen, ǝmosnen ǝsǝdwǝl olâɣan ǝn bararan-net, d amagaru, wǝr tǝsassagar iman-net igi n ǝššǝɣǝl a iqqal i mǝzzǝgzan, ǝd tilalt y aytedan win maɣatarnen, d ǝmazal n arat kul wa olaɣan s ǝwǝl iyyanda.

1 ⵜⵎⵜⵢ 5:25

Ǝmmǝk en daɣ as, imazalan win olaɣnen wǝr tan-iqqǝrat arat, amaran wala win iqqǝrat arat da wǝr tǝhigin ǝɣbâran.

1 ⵜⵎⵜⵢ 6:18

Amǝr-tan s ǝmazal n awa olaɣan, aggargasanet daɣ mazalan olaɣnen, tǝggǝzet-tan tahakkay, ardinet ǝs tǝdrǝwt d aytedan.

2 ⵜⵎⵜⵢ 2:21

Daɣ adi as izzǝzdag awedan iman-net daɣ ark aratan win ǝmala da, ad immutǝg y ǝššǝɣǝlan a sǝr-ǝs ǝskâtnen, iqqǝl awedan zǝddigan tǝha tǝnfa i mǝššis, amaran igâr iri y igi ǝn mazalan kul win olaɣnen.

2 ⵜⵎⵜⵢ 3:17

Ǝmmǝk di as awedan wa imosan ǝmaray ǝs Mǝššina ad ifrǝg, aknu deɣ ǝmutǝg y igi n ǝššǝɣǝl kul wa olaɣan.

Titǝs 2:14

Ǝnta a ikfan iman-net, fǝl a danaɣ-isǝddǝrfu daɣ id t-illa ǝššur, izzǝzdǝg-ana, nǝqqǝl tamattay-net a sǝr-ǝs tǝskâtat, tǝsigatakkat daɣ igi ǝn mazalan win olaɣnen.

Titǝs 2:7

Kay iman-nak da ilzâm-kay ad tǝtaggaɣ imazalan olaɣnen daɣ ǝkkulluk n anamod fǝl ad tǝqqǝlaɣ almasal y aytedan. Taggu ǝsǝssǝɣri igân s ǝwǝl iyyanda, ilân almaɣna.

Titǝs 3:1

Sakt-en-du as ilzâm-tan ad ǝbbirdagan y ǝlxǝkumat d almawakkilan-net, ǝkkiwanan-asan, ǝgǝran iri y id t-illa ǝmazal olaɣan.

Titǝs 3:14

Amaran aytedan win-nana dă iwar-tan ad ǝlmǝdan ǝsǝggǝtǝkki daɣ igi ǝn mazalan win olaɣnen, fǝl a d-ǝssǝxsǝlan aratan win as tǝkna addararat igi, wǝrgeɣ ad ǝgân tǝmǝddurt a daɣ wǝr ǝnfen wala.

Titǝs 3:8

Arat wa imos awal illikanan, amaran areɣ a daɣ-as tǝdgǝza fǝl ad awǝy adi s aytedan win ǝzzǝgzannen ǝs Mǝššina ad sǝggǝtǝkken daɣ igi ǝn mazalan win olaɣnen. Arat da da wa olaɣan, tǝh-ay tǝnfa y aytedan.

ⴾⵍⵗⵀⵔⵢ 10:24

Akkiyyan daɣ-na issǝnet daɣ win hadatnen, fǝl ad nǝtinǝmǝggu aholan ǝn tara ǝd mazalan win olaɣnen, nǝga awen ǝs gǝlleyat.

ⴾⵍⵗⵀⵔⵢ 13:21

ǝgmâya daɣ-as a kawan-issǝfrǝg igi n arat kul wa olaɣan y ad tammazalam tara-net. Agiwet sǝr-na Mǝššina arat kul wa das-igrazan ǝs tarrayt ǝn Ɣaysa Ǝlmǝsix s ǝnta a ilan tanaya har faw! Amin!

1 ⵀⵜⵔⵙ 2:12

Ad wǝr tammazzayam d alxal wa olaɣan dat aytedan win wǝr nǝksud Mǝššina. Ǝddi as imos as sawaran-kawan bahutan ǝn tišit ǝn nǝsgufa, iman-nasan as zʼǝnǝyan igitan olaɣnen win tǝtaggim daɣ anamod wen, awǝy-du sǝr-san awen saɣmar n Ǝmǝli ǝzǝl wa du-z-asu.

1 ⵢⵈⵢⴰ 1:7

Mišan as nǝjiwankat daɣ ǝnnur s ǝnta a iha Mǝššina iman-net, wǝdi nǝrtây, amaran azni ǝn barar-net Ɣaysa izzizdag-ana daɣ id t-illa abakkad.

1 ⵢⵈⵢⴰ 2:6

Wa innan iha Ǝlmǝsix iman-net iwâr-tu igi ǝn tǝmǝddurt ta iga Ǝlmǝsix.