Kǝl-Efez 1:9 - Ǝlinjil ǝn Ɣaysa Ǝlmǝsix

^9-10 Awen ig-ay s ǝsusǝn wa daɣ-na iga ǝssir ǝn tara-net. Ǝssir wen imos ǝšidǝw n aratan kul win ǝhanen ijǝnnawan ǝd win ǝwarnen amaḍal fǝl ad ittǝf Ǝlmǝsix tanat-nasan. Tarrayt ten ig-et-du harwa a irǝwan s ǝssǝbab n Ǝlmǝsix, amaran awen da das-igrazan. Igâ awen fǝl ad assandu tarrayt ten daɣ alwaq wa das-iskat.

ⵍⵍ ⵢⵙⴰ ⵍⵎⵙⵈ

^9-10 ⵓⵏ ⴶⵢ ⵙⵙⵙⵏ ⵓⴰ ⴹⵗⵏⴰ ⴶⴰ ⵙⵔ ⵏ⵿ⵜⵔⵏⵜ⵰ ⵙⵔ ⵓⵏ ⵎⵙ ⵛⴹⵓ ⵏⵔⵜⵏ ⴾⵍ ⵓⵏ ⵂⵏⵏ ⵌⵏⵓⵏ ⴹⵓⵏ ⵓⵔⵏⵏ ⵎⴹⵍ ⴼⵍ ⴹ ⵜⴼ ⵍⵎⵙⵈ ⵜⵏⵜⵏⵙⵏ⵰ ⵜⵔⵢⵜ ⵜⵏ ⴶⵜⴹⵓ ⵂⵔⵓⴰ ⵔⵓⵏ ⵙⵙⵀⵀ ⵏⵍⵎⵙⵈ ⵎⵔⵏ ⵓⵏ ⴹⴰ ⴹⵙⴶⵔⵤⵏ⵰ ⴶⴰ ⵓⵏ ⴼⵍ ⴹ ⵙⵏ⵿ⴹⵓ ⵜⵔⵢⵜ ⵜⵏ ⴹⵗ ⵍⵓⵆ ⵓⴰ ⴹⵙⵙⴾⵜ⵰

Kǝl-Efez 1:9 ပူးပေါင်းရင်းမြစ်များ

Matta 13:11

Ijjawwab-asan Ɣaysa inn-asan: «Taggaɣ-asan ǝlmitalan win, id kawanay tǝgrâwam masnat daɣ ǝssiran ǝn Taɣmar ta n jǝnnawan, ǝntanay amaran wǝr tat-ǝgrewan.

Luqa 12:32

Tǝsǝgǝrt n ayfad-in a kamat-wǝr-tǝggǝz tasa, fǝlas Abba-nakmat igrâz-as wǝllen a kamat-akfu taɣmar-net.

Luqa 2:14

«Tǝmmal i Mǝššina daɣ jǝnnawan, alxer daɣ ǝddǝnet y aytedan win ǝhanen agna-net.»

Igitan 13:48

As ǝslan aytedan win wǝr nǝmos Kǝl-Ǝlyǝhud y awen, ǝddǝwen, ǝzzǝzwǝran awal n Ǝmǝli Mǝššina, ǝzzǝgzanan aytedan kul win as itawatas ad ǝgrǝwan tǝmǝddurt ta tǝɣlalat.

Igitan 2:23

Alǝs di, Mǝššina di as tu-wǝr-illa a das-idrâgan a t-igan daɣ fassan-nawan, imos awen arat ixtâs irǝw, tǝgam iman-net s ǝtǝwǝsǝtǝytǝy wa tu-tǝsassagam i nǝzzulam fǝl tǝgǝttawt.

Igitan 4:28

Imos awen igi n arat ketnet was tǝxtasa fǝl igi-net dat alwaq ǝs tarna-nak ǝd tara-nak.

Kǝl-Ǝrrum 11:25

Imǝdrayan-in, wǝr areɣ a dawan-ijhâl ǝssir wa, fǝl ad wǝr tǝɣilam tǝlâm masnat iyyat zǝwwǝrat. Edes ǝn Kǝl-Israyil wǝr zʼammazzayan ad ǝffillagan iket wǝr d-ǝxselan aytedan kul win wǝr nǝmos Kǝl-Ǝlyǝhud ǝs Taɣmar ǝn Mǝššina.

Kǝl-Ǝrrum 8:28

Amaran nǝssân âs aratan kul ǝmosan tǝnfa n aytedan win ǝranen Mǝššina tiwaɣran-du deɣ ǝs tarrayt-net.

1 ⴾⵍⴾⵔⵏ⵿ⵜ 1:21

Fǝlas Mǝššina a igan ǝs masnat-net as aytedan wǝr ǝfregan a t-ǝssǝnan ǝs masnat ta-nasan iman-nasan, adi a fǝl igraz i Mǝššina ad iɣlǝs aytedan win sǝr-ǝs ǝzzǝgzannen ǝs tarrayt ǝn salan n Ǝlinjil ǝmosnen ǝmmǝskǝl s aytedan win sǝr-ǝs wǝr nǝzzǝgzan.

ⴾⵍⴶⵍⵜⵢⴰ 1:12

Fǝlas nak iman-in da wǝrgeɣ aggadǝm a di-t-ikfan wala deɣ isisaɣr-i-tu. Kalar Ɣaysa Ǝlmǝsix iman-net as di-t-isannafalal.

ⴾⵍⴶⵍⵜⵢⴰ 1:15

Mǝššina a di-isannafranan, harwa da aheɣ tadist n anna-nin, iɣr-i deɣ s arraxmat-net y ad t-ǝɣbada. Amaran assaɣa wa das-igraz a di-isǝnnǝfilǝl Barar-net fǝl ad ǝmǝlaɣ isalan-net a tan-imosan Ǝlinjil y aytedan win wǝr nǝmos Kǝl-Ǝlyǝhud, assaɣa wǝdi daɣ ad ǝkkeɣ Arabǝya, dǝffǝr adi ǝqqala-du Damas, da wǝr ǝššǝwwaraɣ awedan waliyyan, za wǝr ǝggǝzzaya ǝs Yerusalam y ad ǝssumǝra tanat meddan win di-azzarnen tišit ǝn nǝmmuzal.

Kǝl-Efez 1:11

Isinafran-ana deɣ Mǝššina harwa daɣ tizarat, ǝs tarrayt n Ǝlmǝsix y ad nǝqqǝl i-net inimannak awen ǝd tarrayt ta d-iktab Mǝššina s ǝnta a itaggin aratan kul s ǝmmǝk was tan-d-ikta ǝd was iga tanat-nasan.

Kǝl-Efez 1:8

a fall-ana d-izizzabbat s igǝt, ikf-anaɣ ǝzzǝnǝfan kul ǝn masnaten d ǝgǝrri.

Kǝl-Efez 3:11

Amaran awen ad agu s ǝmmǝk was t-innǝzzam Mǝššina imos arat iɣlalan, ikmal-du deɣ daɣ Ǝlmǝsix Ɣaysa Ǝmǝli-nana.

1 ⵜⵎⵜⵢ 3:16

Igmâd aššak as ǝssir wa danaɣ-isannafalal Mǝššina a t-imosan Ǝlmǝsix, i zǝwwǝran: Inafalal imos awedan. Iggǝyyat Infas ǝn Mǝššina as oɣâd. Ǝnâyan-tu angalosan. Tiwaggan salan-net y aytedan win wǝr nǝmos Kǝl-Ǝlyǝhud. Ǝzzigzanan sǝr-ǝs aytedan daɣ ǝddǝnet ketnet. Immǝdkal ǝs jǝnnawan ǝs tanaya.

2 ⵜⵎⵜⵢ 1:9

s ǝnta danaɣ-issǝfsan, ig-ana teɣaray zǝddigat, wǝrgeɣ fǝl ǝddǝlil ǝn mazalan-nana, kalar fǝl ǝddǝlil n awa issǝbdad Mǝššina ǝs tara-net, d arraxmat ta dana-tǝtawakfat ǝs tarrayt n Ǝlmǝsix Ɣaysa harwa dat axluk-net ǝddǝnet.