Igitan 6:9 - Ǝlinjil ǝn Ɣaysa Ǝlmǝsix

⁹ Tǝzzar ǝnkaran-du aytedan wiyyad n ahan n ǝlɣibada ǝn Kǝl-Ǝlyǝhud was itawannu «wa n Dǝrfan» âs wiyyad daɣ-san Kǝl-Ǝlyǝhud ǝn Qǝrwan, wiyyad in ǝɣrǝm n Alaskandrǝya, wiyyad in akal wa n Kilikǝya ǝd wa n Asǝya, ad tamazaɣan d Ǝstefanos.

ⵍⵍ ⵢⵙⴰ ⵍⵎⵙⵈ

⁹ ⵜⵤⵔ ⵏ⵿ⴾⵔⵏ⵿ⴹⵓ ⵢⵜⴹⵏ ⵓⵢⴹ ⵏⵂⵏ ⵏⵍⵗⵀⴹⴰ ⵏ⵿ⴾⵍⵍⵢⵂⴹ ⵓⵙ ⵜⵓⵏⵓ «ⵓⴰ ⵏ⵿ⴹⵔⴼⵏ» ⵙ ⵓⵢⴹ ⴹⵗⵙⵏ ⴾⵍⵍⵢⵂⴹ ⵏⵆⵔⵓⵏ ⵓⵢⴹ ⵏ ⵗⵔⵎ ⵏⵍⵙⴾⵏ⵿ⴹⵔⵢⴰ ⵓⵢⴹ ⵏ ⴾⵍ ⵓⵏ ⴾⵍⴾⵢⴰ ⴹ ⵓⵏ ⵙⵢⴰ ⴹ ⵜⵎⵤⵗⵏ ⴹⵙ⵿ⵜⴼⵏⵙ⵰

Igitan 6:9 ပူးပေါင်းရင်းမြစ်များ

Matta 10:17

Ǝnkǝdat y aytedan, fǝlas a kawan-ǝssǝbdǝdan dat saggawaran n ǝššǝriɣa, a kawan-ǝggatan ǝs lǝkkad daɣ nan n ǝlɣibada ǝn Kǝl-Ǝlyǝhud.

Matta 23:34

Awen daɣ a fǝl kawan-d-ǝssokaɣ ǝnnǝbitan, ǝd malan-ǝn-tayttay, ǝd musanan n Ǝttawret. Ad tagim iman ǝn wiyyad tattaytayam-tan fǝl tǝgǝttawen, tagim šiwwit n ǝlǝkkud i wiyyad daɣ nan-nawan win ǝlɣibada, tǝllǝmam gǝr ɣǝrman tǝdgǝzam-tan,

Matta 27:32

Ǝhân tarrayt as ǝmmǝnayan ǝd Simɣon, imosan alǝs n aɣrǝm ǝn Qǝrwan, šahhaššalan-tu aggay ǝn tǝgǝttawt ta fǝl zʼitǝwǝtǝytǝy Ɣaysa.

Markus 13:9

«Kawanay amaran ənkədat əd man-nawan. Ad tattarmasam, tətəwəsəbdədam dat saggawaran n əššəriɣa, təwəgginat-awan təwit daɣ nan n əlɣibada ən Kǝl-Ǝlyǝhud. Ad tətəwəsəbdədam dat naxkiman əd mǝnokalan fǝlas kawan-iwar esǝm-in, akf-iwan adi tarrayt n a fall-i taggayyem,

Luqa 21:12

Mišan dat adi kul, ad tattarmasam, tǝtǝwǝzǝɣǝzzǝbam, tammawayam ǝs nan win ǝlɣibada ǝn Kǝl-Ǝlyǝhud, tǝtǝwǝggim da kasaw, tǝtǝwǝsǝbdǝdam dat mǝnokalan ǝd naxkiman, tǝtǝwǝsǝstǝnam fǝlas kawan-iwar esǝm-in.

Igitan 11:20

Dǝr iga awen da ya, wiyyad daɣ-san n akal wa n Qibrus ǝd wa n Qǝrwan, as din-osan aɣrǝm wa n Antǝyoxǝya ǝššewalan y aytedan win wǝr nǝmos Kǝl-Ǝlyǝhud win ǝššewalnen tǝlyunant, ǝmmâlan-asan isalan n Ǝlinjil n Ǝmǝli Ɣaysa.

Igitan 13:1

Ǝlkǝnisat ta tǝhat aɣrǝm n Antǝyoxǝya ǝhân-tat ǝnnǝbitan ǝd mǝsǝssǝɣra ǝmosnen Barnabas ǝd Simɣon was itawannu "Akawel" ǝd Luqǝyus wa n akal ǝn Qǝrwan ǝd Manahin wa inamadwalan d ǝmǝnokal Herod daɣ ahan iyyanda amaran ǝd Talut.

Igitan 13:45

As ǝnayan Kǝl-Ǝlyǝhud igǝt ǝn tamattay, ǝggaznat-tan tǝsmiten labasnen, ad sabahawan Bulǝs, rabbadan-tu.

Igitan 15:23

Ǝssǝwaran-tan ad awǝyan širawt s ǝnta da awa daɣ-as ǝktaban: «Awa nakkanay inǝmmuzal ǝd muzaran ǝn nalkiman ǝn Ɣaysa win mǝdrayan-nawan. Nǝhul-in imǝdrayan-nana win wǝr nǝmos Kǝl-Ǝlyǝhud, win ǝhanen aɣrǝm n Antǝyoxǝya ǝd win ǝhanen akal ǝn Surǝya ǝd wa n Kilikǝya.

Igitan 15:41

Illil Bulǝs akal wa n Surǝya ǝd wa n Kilikǝya isisuhit ǝzǝgzan n Ǝlkǝnisaten.

Igitan 16:6

Irzag Bulǝs ǝd Silas akal wa n Frijǝya ǝd wa n Galatǝya ǝglan okâyan, fǝlas Infas wa Zǝddigan a dasan-igdalan emel n awal ǝn Mǝššina daɣ akal wa Asǝya.

Igitan 18:24

As itaggu awen, aɣrǝm n Efez os-ay-du alǝs ǝn Kǝl-Ǝlyǝhud igân esǝm Abbolos n ǝɣrǝm n Alaskandrǝya, imosan alǝs issânan awal wǝllen, igân masnat tagget y Ǝlkǝttaban.

Igitan 19:10

har iga ǝššin elan; har as aytedan win akal n Asǝya, gǝr za win Kǝl-Ǝlyǝhud wala win Kǝl-Ǝlyunan, ketnasan ǝslan y awal n Ǝmǝli.

Igitan 19:26

Mišan tǝhannayam kawanay iman-nawan, tǝslâm deɣ awa itaggu alǝs wǝdi as itawannu ǝddi Bulǝs. A igannu: "Imalan win ǝgan fassan n aytedan, wǝr ǝmosan fadda imalan." Izazzagzan awen y aytedan aggotnen, wǝrge da da daɣ Efez ɣas ad issǝxrak aytedan, kalar harkid taššam n aytedan win akal n Asǝya kul.

Igitan 21:27

As zama daɣ-san ǝkmâlan ǝssa adan, tandu tazdak-nasan, ǝnayan Kǝl-Ǝlyǝhud wiyyad n akal n Asǝya Bulǝs daɣ Ahan wa Zǝwwǝran n Ǝlɣibada; tǝzzar jannajarwayan tamattay, ǝgan daɣ-as arak man ǝs Bulǝs, ǝbazan-tu.

Igitan 21:39

Inn-as Bulǝs: «Nak, Ag-Ǝlyǝhud a ǝmosaɣ, ihǝwan daɣ ǝɣrǝm ǝn Tarsa daɣ akal ǝn Kilikǝya imosan aɣrǝm fǝl tǝga masnat. Onsayaq-qay a di-takfa turagat n ad ǝššiwǝla i tamattay ta.»

Igitan 22:19

Tǝzzar ǝnneɣ-as: "Ya Ǝmǝli, wǝrgeɣ ǝntanay iman-nasan ǝssânan daɣ ǝmmǝk was kala ad tilala inan n ǝlɣibada s iyyan iyyan, saɣfalaɣ aytedan win sǝr-ǝk ǝzzǝgzannen, ǝggataq-qan?

Igitan 22:3

«Nak Ag-Ǝlyǝhud a ǝmosa, ihǝwan daɣ ǝɣrǝm ǝn Tarsa ihân akal ǝn Kilikǝya, mišan aɣrǝm wa daɣ a daɣ ǝdwala, ǝɣreɣ daw Gamalǝyel. Isassaɣr-i s ǝlluɣ lǝkkum y ǝlqanun n aljad-nana. Ǝgeɣ gǝlleyat daɣ lǝkkum i Mǝššina šilat ǝn ta tǝgam azalada.

Igitan 23:34

Iɣr-et, amaran issǝstan Bulǝs d akal wa t-ilan. As issan as akal ǝn Kilikǝya a t-ilan,

Igitan 24:18

Awa da a ǝheɣ as di-d-osan Kǝl-Ǝlyǝhud win Asǝya daɣ Ahan wa Zǝwwǝran n Ǝlɣibada, ǝssindaɣ arat wa di-issǝwar ǝššǝriɣa daɣ salan n ǝzǝzdǝg-in; wǝrmad ɣur-i tǝlla tamattay za wala ǝssinkara ajeqqaɣ n aytedan. Ǝntanay as ihor a dat-ǝk ǝbdǝdan, ǝɣtǝsan-i ɣur-ǝk, kud ǝnta ǝlân ǝddǝlil waliyyan,

Igitan 26:11

Ǝyyǝwanaɣ ilum gǝr nan ǝn Kǝl-Ǝlyǝhud win ǝlɣibada tawaddabaq-qan, šahaššalaq-qan ǝbudǝr ǝn Ɣaysa. Awa dasan-ǝge daɣ gezzar, lakkamaɣ-asan ǝs ɣǝrman ǝn kallan win tamawen.

Igitan 6:10

Mišan wǝr t-illa a dǝr din-ǝkkân masnat ta t-ikfa Infas wa Zǝddigan.

1 ⴾⵍⴾⵔⵏ⵿ⵜ 1:20

Daɣ adi ma din-igan daɣ musanan? Ma din-igan za daɣ musanan n Ǝttawret? Imusanan n awal n azzaman win den, ǝntanay ma daɣ-san in-igan? Wǝrgeɣ Mǝššina issǝkna as, masnat ta ǝlan aytedan n ǝddǝnet ta, ǝmmǝskǝl a tǝmos?

ⴾⵍⴶⵍⵜⵢⴰ 1:21

Ǝgmada Yerusalam ǝkkeɣ amaḍal wa n Surǝya ǝd wa n Kilikǝya.