ⴾⵍⵗⵀⵔⵢ 4:12 - Ǝlinjil ǝn Ɣaysa Ǝlmǝsix

¹² Fǝlas awal ǝn Mǝššina iddâr, ila tarna, amaran tăwala-net togar ta n takoba. Itaggaz iman n aytedan ǝd wallan-nasan, igallu har isǝmmǝɣras, d ǝkǝlkǝl ǝn ɣasan. Amaran awal ǝn Mǝššina ǝnta a ixakkaman y awas ifarray awedan daɣ man-net d awa isamadran daɣ ǝwǝl-net.

ⵍⵍ ⵢⵙⴰ ⵍⵎⵙⵈ

¹² ⴼⵍⵙ ⵓⵍ ⵏⵎⵛⵏⴰ ⴹⵔ ⵍⴰ ⵜⵔⵏⴰ ⵎⵔⵏ ⵜⵓⵍⵏⵜ ⵜⴶⵔ ⵜⵏ ⵜⴾⵀⴰ⵰ ⵜⴶⵤ ⵎⵏ ⵏⵢⵜⴹⵏ ⴹⵓⵍⵏⵙⵏ ⴶⵍⵓ ⵂⵔ ⵙⵎⵗⵔⵙ ⴹⴾⵍⴾⵍ ⵏ⵿ⵗⵙⵏ⵰ ⵎⵔⵏ ⵓⵍ ⵏⵎⵛⵏⴰ ⵏ⵿ⵜⴰ ⵈⴾⵎⵏ ⵢⵓⵙ ⴼⵔⵢ ⵓⴹⵏ ⴹⵗ ⵎⵏⵜ ⴹⵓⴰ ⵙⵎⴹⵔⵏ ⴹⵗ ⵓⵍⵏⵜ⵰

ⴾⵍⵗⵀⵔⵢ 4:12 ပူးပေါင်းရင်းမြစ်များ

Luqa 8:11

Igla Ɣaysa iššewal, inn-asan: «Ǝlmital wǝdi almaɣna-net da: amasa ǝlmital a imos n Awal ǝn Mǝššina.

Yaxya 12:48

Daɣ adi awedan kul wa di-olkan, iqqim wǝr iga tenbay daɣ batuten-in, wǝdi ill-ay wa tu-z-awwaddaban. Awal iman-net wa da ǝge da, a das-z-išrǝɣan ǝzǝl wa ilkaman.

Yaxya 6:51

Nak a imosan amensay wa d-igmadan jǝnnawan ihakku tǝmǝddurt. Awedan kul wa itšan amensay wa ad iddǝr har faw. Amaran taɣǝssa-nin a tǝmosat imensewan win zʼakfa fǝl ad tǝgrǝw ǝddǝnet tǝmǝddurt.»

Igitan 2:37

Idas awal wa iga Butros den iwallan n aytedan wǝllen, ǝnnan-as ǝnta ǝd nǝmmuzal win hadatnen: «Imǝdrayan-nana mas danaɣ-ilzam igi-net?»

Igitan 4:31

As ǝɣradan tǝwatray-nasan inagaynagay adag wa daɣ ǝddewan, idnay-tan Infas wa Zǝddigan ketnasan, tǝzzar ad ǝmmâlan awal ǝn Mǝššina ši wala tasa.

Igitan 5:33

As ǝslan muzaran n Asaggawar wen i batu ten, iggaz-tan alham labasan, ǝran a daɣ-san ǝkkasan iman.

Igitan 7:38

As tǝddew tamattay n Israyil daɣ taneray ǝn Sinay, ǝnta en da a ibdadan gǝr marawan-nana win den d angalos wa das-iššewalan fǝl ǝdɣaɣ wa n Sinay, tǝzzar ikf-ay Mǝššina awalan hakkinen tǝmǝddurt y a dana-tan-imǝl.

Kǝl-Ǝrrum 1:16

Fǝlas wǝr di-imos Ǝlinjil tǝkarakit id tarna ǝn Mǝššina a imos, itaway-du efsan s aytedan kul win ǝzzǝgzannen a obazan ɣur Kǝl-Ǝlyǝhud ikka aytedan win tan-wǝr-nǝmos.

1 ⴾⵍⴾⵔⵏ⵿ⵜ 1:24

Mišan ɣur aytedan win iɣra Mǝššina, gǝr za Kǝl-Ǝlyǝhud wala deɣ Kǝl-Ǝlyunan, Ǝlmǝsix tarna ǝd masnat ǝn Mǝššina a imos.

2 ⴾⵍⴾⵔⵏ⵿ⵜ 2:17

Nakkanay, wǝr nola d aytedan aggotnen, ǝganen jola daɣ awal ǝn Mǝššina. Kalar daɣ tassaq ta nǝga d Ǝlmǝsix nǝmmâl dat Mǝššina awal-net s ǝwǝl iyyanda, amaran nǝssân as Mǝššina a dana-izammazalan.

2 ⴾⵍⴾⵔⵏ⵿ⵜ 4:2

nakkanay nǝmmizzay d ark mazalan sikǝrukidnen win tamazalan aytedan daɣ ǝssir, wǝr nǝgǝmmǝy ǝd tǝkǝrras n awedan waliyyan, wala nǝsafraɣ awal ǝn Mǝššina. Kalar emel wa nǝtaggu tidǝt ǝs tǝmǝwit tǝzdarat, nǝgammay sǝr-ǝs ǝsǝflǝs ǝn man-nana y ǝkkulluk n awedan dat Mǝššina.

Kǝl-Efez 5:13

Mišan as ǝffǝggan aratan win, ǝwaran azzahir, ad nǝfilǝlan mazalan-nasan ezal a mallan.

Kǝl-Efez 5:26

fǝl a tat-iskǝt ǝs man-net dǝffǝr as tat-izzizdag s aman, almaɣna Awal ǝn Mǝššina.

Kǝl-Efez 6:17

Sǝwǝrat tǝkǝbbut ta n ǝlɣillas, tǝzlǝgam takoba ta n Infas wa Zǝddigan a tat-imosan Awal ǝn Mǝššina.

1 ⴾⵍ⵿ⵜⵙⵍⵏⴾ 2:13

Faw da nǝtigudǝy i Mǝššina fǝl ǝddǝlil n as tǝslam y awal-net wa dawan-nǝmal, tǝqbalam-tu, wǝr das-tǝgem iduf n as awal n aytedan, kalar tǝgam-as iduf n awa imos, a t-imosan awal ǝn Mǝššina a išɣalan daɣ wallan-nawan kawanay a sǝr-ǝs ǝzzǝgzannen.

1 ⴾⵍ⵿ⵜⵙⵍⵏⴾ 5:23

Nǝgmay daɣ Mǝššina a ihakkin alxer, a dawan-agu ǝzǝzdǝg ikmâlan ǝnta iman-net, agǝz-kawan ǝmmǝk wa tǝmosam, gǝr iman-nawan wala iwallan-nawan, wala taɣǝssa-nawan, tǝqqǝlam aytedan as tu-wǝr-illa i ifragan a sǝr-san annu ark arat, har d-asu Ǝmǝli Ɣaysa, Ǝlmǝsix!

ⴾⵍⵗⵀⵔⵢ 13:7

Aktiwat imuzaran-nawan win ɣur tǝslam y awal ǝn Mǝššina. Ǝttǝfat awa dawan-d-oyyan, tattalalam ǝzǝgzan-nasan.

Yaqub 1:18

Arat irâ a tǝmos tahakkay ta danaɣ-iga tǝmǝddurt ta taynayat s awal-net imosan tidǝt, a t-imosan Ǝlinjil, fǝl ad nǝqqǝl šilat ǝn ɣǝfǝdda daɣ tǝxǝllak-net šin ikfa tǝmǝddurt ta taynayat.

1 ⵀⵜⵔⵙ 1:23

Ǝssǝnat as tǝhǝwt taynayat a tǝgam tǝlât ǝlǝsǝl iɣlâlan, wǝrgeɣ tǝhǝwt ta n aggadǝm tǝmosat arat wǝr nǝɣlel. Kalar awal ǝn Mǝššina iɣlâlan ihakku tǝmǝddurt a imosan ǝlǝsǝl ǝn tǝhǝwt ta tǝgam da.

Ǝnǝfilal 1:16

Ǝfus-net wa n ǝɣil ǝhan-tu ǝssa etran, imi-net tǝgammad-t-idu takoba tǝknât tawala fǝl ǝššin fayyan-net. Udǝm-net iga ǝmǝlǝwlǝw wa n tǝfuk a du-tǝknât ǝẓǝrǝyyi.

Ǝnǝfilal 19:15

Tǝgmad-du takoba tǝknât tawala imi ǝn wa iwanan ays en, fǝl ad tanɣu šimattiwen n ǝddǝnet. Amaran wa iwanan ays en ad ixkǝm fǝl tǝmattiwen n ǝddǝnet ǝs taɣmar tǝknât assahat. Ad aẓmu alɣanab daɣ tǝgdayt zǝwwǝrat y a sǝr-ǝs agu esmad immittalan alham labasan wǝllen ǝn Mǝššina di ǝn Mǝššis ǝn tarna.

Ǝnǝfilal 19:21

Awa d-iqqiman daɣ agan wen ketnet tǝnɣ-ay takoba ta du-tǝgmadat imi ǝn wa iwanan ays. Tǝzzar ǝyyǝwanan gǝḍad wǝllen daɣ tǝmǝxsa-nasan.

Ǝnǝfilal 2:16

Utabat daɣ adi. As wǝr iga adi, a kawan-in-asa tarmad, ammagara d aytedan win di, ǝs takoba, a tat-imosan awal-in.

Ǝnǝfilal 2:23

Ad ǝhlǝkaɣ inalkiman ǝn tǝntut ten. Ǝlkǝnisaten kul ad ǝssǝnnat as nak ǝmosa wa itamayyazan iwallan, amaran akkiyyan daɣ-wan ad t-akfaɣ awa tu-šaššawadan mazalan-net.

Ǝnǝfilal 20:4

Oggeɣ šixiwa ǝn taɣmar. Win fall-asnat ǝqqimnen ǝgrâwan tarna n ad ǝqqǝlan imašraɣan. Oggeɣ iman n aytedan win as tawasaben rawan-nasan fǝl ǝddǝlil ǝn tǝgǝyya tolâɣat ta taggin daɣ batu ǝn Ɣaysa d awal ǝn Mǝššina. Oggeɣ deɣ aytedan win wǝr nǝɣbed ǝmudar wa sǝksǝdan za wǝr ǝssǝjadan i šaššelan-net, wǝr tawajajwalnat tǝkannaren-nasan wala ifassan-nasan. Aytedan win den ǝqqalan-tan-du man-nasan, namaggazan taɣmar d Ǝlmǝsix, amaran awen ad agu agim n awatay.