ⴾⵍⵗⵀⵔⵢ 2:4 - Ǝlinjil ǝn Ɣaysa Ǝlmǝsix

⁴ Mǝššina a isattaddan tǝgǝyya-nasan s alɣalamaten, d aratan simaklalnen, ǝd tǝlmǝɣjujaten ǝmosnen ǝzzǝnǝfan, ǝd tǝhǝkkuten a d-ǝfalnen Infas wa Zǝddigan. Aratan win kul ig-en ǝs tǝmǝwit tǝnimannakat ǝd tara-net.

ⵍⵍ ⵢⵙⴰ ⵍⵎⵙⵈ

⁴ ⵎⵛⵏⴰ ⵙⵜⴹⵏ ⵜⴶⵢⵏⵙⵏ ⵙⵍⵗⵍⵎⵜⵏ ⴹⵔⵜⵏ ⵙⵎⴾⵍⵍⵏⵏ ⴹⵜⵍⵎⵗⵌⵌⵜⵏ ⵎⵙⵏⵏ ⵤⵏⴼⵏ ⴹⵜⵂⴾⵜⵏ ⴹⴼⵍⵏⵏ ⵏ⵿ⴼⵙ ⵓⴰ ⵤⴹⴶⵏ⵰ ⵔⵜⵏ ⵓⵏ ⴾⵍ ⴶⵏ ⵙ ⵜⵎⵓⵜ ⵜⵏⵎⵏⴾⵜ ⴹⵜⵔⵏⵜ⵰

ⴾⵍⵗⵀⵔⵢ 2:4 ပူးပေါင်းရင်းမြစ်များ

Markus 16:20

Ǝntanay amaran, əglan ad əmmalan isalan n Ǝlinjil daɣ adag kul. Illil-asan Ǝməli s əššəɣəl wen, isataddu awa gannin s alɣalamaten ǝmosnen təlmǝɣjujaten šin taggin.

Markus 6:14

Isla əmənokal Herod isalan ən Ɣaysa, fəlas sallat-net a tewadat edag kul, amaran gannin sər-əs aytedan: «Awen Yaxya wa isalmaɣan daɣ aman a d-inkaran daɣ tǝmattant! Adi a fəl ila tarna n igi ən tǝlmǝɣjujaten.»

Yaxya 15:26

As d-osa ǝmadhal wa dawan-du-z-assagla ɣur Abba, imosan Infas wa isinǝfililan tidǝt a sǝr-wan du-z-igmǝdan Abba, a fall-i aggayyat.

Yaxya 4:48

Inn-as Ɣaysa: «As wǝrgeɣ ad tǝnâyam alɣalamaten ǝmmittaynen ǝd tǝlmǝɣjujaten, wǝr za tǝzzǝgzǝnam fadda.»

Igitan 14:3

Harkid awen iga Bulǝs ǝd Barnabas tamert tagget daɣ Ikonǝyum. Taggin awal a daq-qan wǝr tǝha tasa, tagayyen fǝl Ǝmǝli. Ikf-en Ǝmǝli fǝrregat n igi ǝn tǝlmǝɣjujaten ǝmosnen alɣalamaten d aratan simaklalnen sataddinen tidǝt a mosan salan win ǝqqalnen arraxmat-net.

Igitan 4:10

Ǝssǝnat za ketnawan, kawanay d aytedan n Israyil kul as, alǝs wa ibdadan dat-wan da wǝr ila malad waliyyan, tarna n esǝm ǝn Ɣaysa Ǝlmǝsix wa n Nazaret a t-izzozayan, wa tǝttǝytayam fǝl tǝgǝttawt, issǝnkar-t-idu Mǝššina daɣ tǝmattant.

Igitan 5:32

Nǝmos šigǝyyawen n awen, nakkanay d Infas wa Zǝddigan ihakku Mǝššina y aytedan win ǝlkamnen i tara-net.»

Kǝl-Efez 1:5

Mǝššina ǝnta a danaɣ-isannafran harwa daɣ tizarat y a danaɣ-agu bararan-net ǝs tarrayt ǝn Ɣaysa Ǝlmǝsix. Awen daɣ a igrazan i Mǝššina,

Kǝl-Efez 1:9

Awen ig-ay s ǝsusǝn wa daɣ-na iga ǝssir ǝn tara-net. Ǝssir wen imos ǝšidǝw n aratan kul win ǝhanen ijǝnnawan ǝd win ǝwarnen amaḍal fǝl ad ittǝf Ǝlmǝsix tanat-nasan. Tarrayt ten ig-et-du harwa a irǝwan s ǝssǝbab n Ǝlmǝsix, amaran awen da das-igrazan. Igâ awen fǝl ad assandu tarrayt ten daɣ alwaq wa das-iskat.

Kǝl-Efez 4:7

Dǝr iga awen da ya, akkiyyan daɣ-na igrâw arraxmat ǝn Mǝššina, ewâl awen s adagar wa t-ikfa Ǝlmǝsix daɣ ǝššǝɣǝl-net.

ⴾⵍⵗⵀⵔⵢ 6:4

Aytedan win ǝjwarnen ǝgrawan ǝnnur ǝn Mǝššina, ǝsammatammen tǝhǝkkut ǝn Mǝššina, ǝgrawan Infas wa Zǝddigan, ǝnayan as awal ǝn Mǝššina ihôssay, ǝnayan deɣ tarna ta tǝsaknit ǝddǝnet ta du-tǝzayat, amaran ǝmmǝzrayan tarrayt ta tolaɣat, win di, wǝr t-illa ǝmmǝk as ǝlasan tǝtubt; fǝlas agamay ǝn tǝnfa ǝn man-nasan a fǝl ǝlasan ǝtǝytǝy ǝn Barar ǝn Mǝššina fǝl tǝgǝttawt, sammadrayan-tu dat awedan kul.