ⴾⵍⴶⵍⵜⵢⴰ 6:9 - Ǝlinjil ǝn Ɣaysa Ǝlmǝsix

⁹ Ad wǝr nǝḍḍǝz igi n awa olaɣan, as iga adi ad nǝgrǝw arozan daɣ alwaq wa itawaskatan y awen, as wǝr nǝqqel dǝffǝr-na.

ⵍⵍ ⵢⵙⴰ ⵍⵎⵙⵈ

⁹ ⴹ ⵓⵔ ⵏⴹⵤ ⴶⵢ ⵏⵓⴰ ⵍⵗⵏ ⵙ ⴶⴰ ⴹⵢ ⴹ ⵏⴶⵔⵓ ⵔⵤⵏ ⴹⵗ ⵍⵓⵆ ⵓⴰ ⵜⵓⵙⴾⵜⵏ ⵢⵓⵏ ⵙ ⵓⵔ ⵏⵆⵍ ⴹⴼⵔⵏⴰ⵰

ⴾⵍⴶⵍⵜⵢⴰ 6:9 ပူးပေါင်းရင်းမြစ်များ

Matta 10:22

Awedan kul a kawan-igzǝr fǝlas kawan-iwar esǝm-in, mišan wa daɣ-wan izmaran har tǝzǝrǝst, wǝdi ad iɣlǝs.

Matta 24:13

Mišan wa daɣ-wan izmaran har tǝzǝrǝst, wǝdi ad iɣlǝs.

Matta 25:17

Wa issǝɣlaf sanatat deɣ igla, išɣal, igraw-du fall-asnat sanatat šiyyad.

Matta 9:19

Tǝzzar inkar-du Ɣaysa, ilkam-as, ǝddewan dǝr-ǝs nǝttulab-net.

Markus 3:3

Inna Ɣaysa y aləs was immût əfus-net da: «Ǝnkər, əbdəd daɣ ammas n əljəmaɣat.»

Luqa 18:1

Iga Ɣaysa i nǝttulab-net ǝlmital iyyan a daɣ ira a tan-issusǝn as, ihor ad tansayan Mǝššina faw, a daɣ-as wǝr ǝkkǝsan attama.

Kǝl-Ǝrrum 2:7

Win ǝganen tǝzaydart za daɣ ǝmazal n awa olaɣan, gammayan s awen ǝtǝwǝsǝɣmǝr ɣur Mǝššina, d ǝdkul, gammayan tǝmǝddurt ta wǝr nǝɣǝrrǝd, win di ad tan-akfu Mǝššina tǝmǝddurt ta tǝɣlalat.

1 ⴾⵍⴾⵔⵏ⵿ⵜ 15:58

Daɣ adi, imǝdrayan-in ǝkneɣ tara, zǝzzǝwǝtat daɣ ǝzǝgzan-nawan, tazzakkem daɣ-as s assahat, ad tǝtaggim faw s igǝt ǝššǝɣǝl olaɣan wa tǝtaggim y Ǝmǝli, id tǝssânam as, ǝššǝɣǝl issohen wa tǝtaggim y Ǝmǝli wǝr ibbǝnnan.

2 ⴾⵍⴾⵔⵏ⵿ⵜ 4:1

Adi fǝlas, dad zamas as ihanattat-ana Mǝššina ig-ana daɣ ǝššǝɣǝl ǝn tarrayt ta taynayat, wǝdi wǝr za nǝqqǝl dǝffǝr-na;

2 ⴾⵍⴾⵔⵏ⵿ⵜ 4:16

Adi a fǝl wǝr za nǝqqǝl dǝffǝr-na. Kud imos as šiɣǝswen-nana ta n ǝmindi a ǝhanat, da iwallan-nana ǝntanay akk ǝzǝl ǝtiwašašaynayan.

2 ⴾⵍⴾⵔⵏ⵿ⵜ 9:6

Ǝnta da awa ǝssoka ǝs batu tǝdi: Awedan wa inbalan amasa wǝr nǝggǝt, ad d-alǝy tǝnfa wǝr nǝggǝt; awedan deɣ wa inbalan amasa aggen, ad d-alǝy tǝnfa tagget.

Kǝl-Efez 3:13

Daɣ adi ǝgmaya daɣ-wan ad wǝr tǝqqǝlam ǝlǝqqam fǝl ǝddǝlil n alɣazab wa tagga da fǝl ǝddǝlil-nawan. Alɣazab wa ǝnta a kawan-z-akfin tanaya.

2 ⴾⵍ⵿ⵜⵙⵍⵏⴾ 3:13

Amaran kawanay imǝdrayan-nana, ad wǝr tǝddǝzam igi n awa olaɣan.

ⴾⵍⵗⵀⵔⵢ 12:3

Awalla, aktiwat was ǝgan nasbakkadan akyud ogdân d awa, fǝl ad wǝr tayyim iman-nawan tǝgmǝdam tarrayt.

ⴾⵍⵗⵀⵔⵢ 12:5

Tǝttǝwam-in ammar wa dawan-iga Mǝššina, olân d ǝnnǝsixa wa itaggu awedan i bararan-net, inna: Barar-in, ad wǝr tǝsǝttǝlkǝkaɣ attadib n Ǝmǝli, ad wǝr tǝqqǝla dǝffǝr-ǝk as kay-issǝwar Ǝmǝli lahan.

ⴾⵍⵗⵀⵔⵢ 3:14

Nakkanay imidawan n Ǝlmǝsix daɣ ǝššǝɣǝl a nǝmos as imos as nǝzazzawat har tǝzǝrǝst daɣ gǝlleyat ta nǝga harwa daɣ tizarat.

ⴾⵍⵗⵀⵔⵢ 3:6

Ǝlmǝsix amaran barar n ahan ǝn Mǝššina a imos, iɣdâl i tamattay ǝn Mǝššina, imos ǝmuzar-net. Ehan wen amaran nakkanay a t-ǝmosnen as imos as nǝzazzawat daɣ tǝflǝst tǝglayat d attama was nǝsabarag.

Yaqub 5:7

Ya imǝdrayan-in, daɣ adi zǝzzǝydǝrat har d-asu Ǝmǝli. Ǝnǝyat tewaɣlay a itaggu ǝmagyak i tǝnfa ta du-tǝgammadat tawagost-net. Ǝzǝzzǝydǝr a itaggu har tǝgrǝw tawagost-net akonak wa azzaran ǝd wa ilkaman.

1 ⵀⵜⵔⵙ 2:15

Mǝššina a ira ad tǝtaggim awa olaɣan fǝl ad tǝdbǝɣam imawan n ark aytedan n aljahilan.

1 ⵀⵜⵔⵙ 3:17

fǝlas ofa ad aɣɣazzab awedan itamazalan ǝlluɣ, as imos as awen daɣ a ira Mǝššina, y ad aɣɣazzab awedan itamazalan tǝkma.

1 ⵀⵜⵔⵙ 4:19

Daɣ adi win taɣazzabnen daɣ ǝddǝnet fǝl as ǝmmozalan tara ǝn Mǝššina, aginet iman-nasan daɣ tǝɣlift n Ǝmaxlak n ǝkkulluk n arat, s ǝnta a imosan alɣadil, aglin daɣ ǝmazal n awa olaɣan.

Ǝnǝfilal 2:17

Wa isallin aslet y awa inna Infas wa Zǝddigan y Ǝlkǝnisaten! Wa d-ornan, ad t-akfaɣ manna tǝɣbârat, akfaq-qu deɣ tǝhunt mallat a fǝl iktâb esǝm aynayan as tu-wǝr-illa i t-issânan ar wa t-igrawan."»

Ǝnǝfilal 2:3

Tǝmosam Ǝlkǝnisat tǝzmarat y aratan kul. Tǝyyǝwanam alɣazab fǝl ǝddǝlil n esǝm-in, mišan wǝr sǝr-wan d eway awen tewaɣlay dǝffǝr-wan.

Ǝnǝfilal 2:7

Wa isallin aslet y awa inna Infas wa Zǝddigan y Ǝlkǝnisaten: 'Wa d-ornan, ad t-aššatšaɣ ara n ašǝk wa n tǝmǝddurt, ihân aljannat ǝn Mǝššina.'"»