ⴾⵍⴶⵍⵜⵢⴰ 6:12 - Ǝlinjil ǝn Ɣaysa Ǝlmǝsix

¹² Aytedan win gammaynen a kawan-šǝhhǝššǝlan âs iwar-kawan ǝmǝnkǝd, win di agamay a taggin a tan-ǝssǝɣmǝran aytedan. Amaran arat wa gammayan wǝllen, a tan-wǝr-ǝdgezan aytedan fǝl ǝddǝlil n ǝzǝgzan-nasan ǝs tamattant n Ǝlmǝsix fǝl tǝgǝttawt.

ⵍⵍ ⵢⵙⴰ ⵍⵎⵙⵈ

¹² ⵢⵜⴹⵏ ⵓⵏ ⴶⵎⵢⵏⵏ ⴾⵓⵏⵛⵂⵛⵍⵏ ⵙ ⵓⵔⴾⵓⵏ ⵎⵏ⵿ⴾⴹ ⵓⵏ ⴹⵢ ⴶⵎⵢ ⵜⴶⵏ ⵜⵏⵙⵗⵎⵔⵏ ⵢⵜⴹⵏ⵰ ⵎⵔⵏ ⵔⵜ ⵓⴰ ⴶⵎⵢⵏ ⵓⵍⵏ ⵜⵏⵓⵔⴹⴶⵤⵏ ⵢⵜⴹⵏ ⴼⵍ ⴹⵍⵍ ⵏⵤⴶⵤⵏⵙⵏ ⵙ ⵜⵎⵜⵏ⵿ⵜ ⵏⵍⵎⵙⵈ ⴼⵍ ⵜⴶⵜⵓⵜ⵰

ⴾⵍⴶⵍⵜⵢⴰ 6:12 ပူးပေါင်းရင်းမြစ်များ

Matta 23:27

«Iket alɣazab iqqâl-awan ya imusanan n Ǝttawret ǝd Farisaytan win ǝlmunafiqan! Tolâm ǝd zǝkwan a fǝl tiwasalsanen arat mallan, hossayan daɣ azzahir, amaran ammas-nasan ǝdnayan-tu ɣasan ǝn nǝmmǝttan, d ǝzzǝnǝfan kul ǝn tajjarganen ǝmmîdasnen.

Matta 23:28

Ǝmmǝk en daɣ a tǝgam kawanay da. Daɣ azzahir za, toɣâdam, mišan iwallan-nawan, wǝr ǝdkeran ar tǝlmǝnufǝqa ǝd talbast.»

Matta 23:5

Imazalan-nasan kul wǝr ǝmosan ar soknit. Awen daɣ a fǝlas šira šin tǝkannaren-nasan, ǝgan-tanat ši zawwarnen wǝllen, ǝzzǝzwaran deɣ šin taqqanan daɣ tǝgǝltam-nasan, fǝl ad ilenat anay wǝllen. Šibǝnak ǝn tǝkadkaden-nasan deɣ ǝbâlan-asnat bašakšakan zagrotnen, ǝlânen anay wǝllen.

Matta 5:10

Ǝbbilalan win tawadgaznen fǝl igi n awa oɣadan, fǝlas Taɣmar ta n jǝnnawan šin-nasan.

Matta 6:16

«As tǝzumam ad wǝr tǝsǝnnǝfilǝlam tǝkenzert zun awa taggin ǝlmunafiqan, ǝntanay a samattaynen udmawan-nasan fǝl ad ǝssusǝnan aytedan kul as ǝzuman. Ǝggǝyyeɣ ǝsilakanaɣ-awan as aytedan win di, arozan-nasan ǝgrâwan-tan harwa ǝmǝrǝdda.

Matta 6:2

«As tǝtagga takutay y amaddarar, ad wǝr iqqǝl adi arat tǝsinafalala, zun awa taggin ǝlmunafiqan daɣ nan n ǝlɣibada ǝn Kǝl-Ǝlyǝhud, ǝd tarrayen, fǝl tara n ad ǝgrǝwan adkul ɣur aytedan. Ǝggǝyyeɣ ǝsilakanaɣ-awan as ǝlmunafiqan win di arozan-nasan ǝgrâwan-tan.

Matta 6:5

«As tǝtattaram, ad wǝr tǝtaggim awa taggin ǝlmunafiqan ǝrânen ad tattaran ǝbdadan daɣ nan n ǝlɣibada, ǝd sammanayan, ǝgmâyan s awen a tan-ǝnǝyan aytedan. Ǝggǝyyeɣ ǝsilakanaɣ-awan as arozan-nasan ǝgrâwan-tan.

Luqa 16:15

Inn-asan Ɣaysa: «Kawanay tǝsaknim dat aytedan as alɣadilan a tǝmosam, Mǝššina amaran issân awa ihan iwallan-nawan; fǝlas arat wa ǝzzǝzwaran aytedan, Mǝššina ǝnta tagǝlfat a t-iga.»

Luqa 20:47

Tattan eharay ǝn tǝdoden šin as aba meddan-nasnat, as iga awen, taggin imaddan tahaginen wǝr nǝmos ar sokni. Ilkâm a dasan-itǝwǝxkǝm attadib labasan.»

Yaxya 7:18

Awedan wa iššewalan s aratan a d-inzâm gar-es ǝd man-net, wǝdi iman-net as igammay tanaya. Mišan awedan wa išɣalan daɣ ǝsǝnnǝfilǝl ǝn tanaya ǝn wa t-id-izammazalan, wǝdi tidǝt a immal, wǝr daɣ-as t-illa a imosan lahan.

Igitan 15:1

Osan-du meddan wiyyad a d-ǝgmadnen akal ǝn Yahudǝyya aɣrǝm n Antǝyoxǝya ad sasaɣrin inalkiman ǝn Ɣaysa, gannin-asan: «As wǝr tǝlkemam y alɣadat n ǝmǝnkǝd ta d-oyya ǝnnǝbi Musa, wǝr za tǝgrǝwam ǝlɣillas.»

Igitan 15:5

Mišan ǝggadan-du meddan wiyyad ǝn nalkiman ǝn Ɣaysa ǝhanen taggayt ta n Farisaytan ǝnnan: «Ǝmǝnkǝd ǝd lǝkkum y ǝlqanun wa n ǝnnǝbi Musa fǝrǝḍ a imos fǝl aytedan win wǝr nǝmos Kǝl-Ǝlyǝhud.»

2 ⴾⵍⴾⵔⵏ⵿ⵜ 10:12

Tidǝt âs, wǝr za nǝhǝl ad nǝšišagda iman-nana wala nǝšišalen d aytedan win di a dawan-ǝmmalnen iman-nasan; wǝr nǝdǝkkǝd iman-nasan ar ǝs man-nasan, šašagdin deɣ iman-nasan ǝd man-nasan. Wǝr ǝlen ǝgǝrri.

2 ⴾⵍⴾⵔⵏ⵿ⵜ 11:13

Fǝlas meddan win di, inǝmmuzal ǝn bahu a ǝmosan, ǝmosan deɣ imaššaɣalan ǝn mǝkkǝddal, sakninen as inǝmmuzal n Ǝlmǝsix a ǝmosan.

ⴾⵍⴶⵍⵜⵢⴰ 2:14

Mišan assaɣa wad ǝnayaɣ as wǝr zalalaɣan daɣ lǝkkum i tarrayt ǝn tidǝt ta n Ǝlinjil, ǝnneɣ i Qayfas dat mǝdrayan-nana kul: «Kay was imos ǝlǝsǝl-nak ag Ǝlyǝhud, tǝgeɣ tǝmǝddurt tolat ǝd ta n awedan wǝr nǝmos iyyan daɣ Kǝl-Ǝlyǝhud, toyyeɣ tarrayt ta n Ǝttawret. Daɣ adi manǝmmǝk as za tǝšǝhhǝššǝlaɣ aytedan win wǝr nǝmos Kǝl-Ǝlyǝhud lǝkkum y alɣadaten n Ǝttawret?»

ⴾⵍⴶⵍⵜⵢⴰ 2:3

Ǝqbalan-i nak ǝd Titǝs a dǝr ǝddewa, imosan iyyan daɣ Kǝl-Ǝlyunan, s ǝmǝnkǝd da wǝr immǝnkad.

ⴾⵍⴶⵍⵜⵢⴰ 5:11

Nak amaran imǝdrayan-in, ǝnnar emel a taggaɣ âs tǝga addararat s ǝmǝnkǝd, wǝdi mǝni ǝddǝlil wa fǝl tawadgaza harwa da? Kud arat wǝdi a sasaɣra, adi za ǝtǝwǝtǝytay ǝn Ɣaysa fǝl tǝgǝttawt abʼas imos tǝsǝnkǝft y aytedan!

ⴾⵍⴶⵍⵜⵢⴰ 6:13

Aytedan win tamankadnen da, wǝr ǝlkeman y ǝššǝriɣa fadda. Tara ɣas a ǝgan a kawan-sǝmmǝnkǝdan fǝl ad agin ibaragan s awen.

Kǝl-Filib 1:15

Tidǝt a imos as wiyyad daɣ-san manjaɣ ǝd tara n ǝmǝzrǝy a fǝl taggin isalan n Ǝlmǝsix. Mišan win hadatnen taggin-tan s ǝnnǝyat tolaɣat,

Kǝl-Filib 2:4

Akkiyyan daɣ-wan igmǝyet tǝnfa ǝn midawan-net, wǝrgeɣ ta-net ɣas.

Kǝl-Filib 3:18

Ǝmmalaɣ-awan as ǝllan-tu aytedan aggotnen safraɣnen s alxalan-nasan almaɣna ǝn tǝmattant n Ǝlmǝsix fǝl tǝgǝttawt. Iyyǝwanaɣ-awan igi ǝn batu ta, amaran ǝmǝrǝdda hâllaɣ as dawan-tat-ǝlasaɣ igi.

ⴾⵍⴾⵍⵙⵢⴰ 2:23

Tidǝt as daɣ anay-nasan aratan win oɣâdan fǝlas ǝkfân ǝs tayttay daɣ mazalan-nasan ǝmosnen: ǝlɣibada ǝs gǝlleyat, ǝsǝlǝqqu ǝn man, ǝsǝkni ǝn tǝɣǝssa arkanay. Mišan ya mǝssawsan wǝr ǝlen a imosan fǝrregat n iduf daɣ tara ǝn man.