Ǝnǝfilal 7:9 - Ǝlinjil ǝn Ɣaysa Ǝlmǝsix

⁹ Dǝffǝr awen ǝlasaɣ asawad, oggeɣ tiddawat zǝwwǝrat wǝllen, as wǝr t-illa i ifragan ǝšidǝn-net. Tiddawat ten tǝga daɣ ɣǝrfan n ǝddǝnet kul, ǝd tawšeten kul, ǝd tǝmattiwen kul, d awalan kul win tawašawalnen. Ǝbdâdan dat tǝxawit ta n taɣmar, dat Ǝjemar, ǝzlâgan šikadkaden zagrotnen mallolnen, ǝttâfan ilǝdlad ǝn tagayt.

ⵍⵍ ⵢⵙⴰ ⵍⵎⵙⵈ

⁹ ⴹⴼⵔ ⵓⵏ ⵍⵙⵗ ⵙⵓⴹ ⴶⵗ ⵜⴹⵓⵜ ⵤⵓⵔⵜ ⵓⵍⵏ ⵙ ⵓⵔ ⵜⵍⴰ ⵢ ⴼⵔⴶⵏ ⵛⴹⵏⵜ⵰ ⵜⴹⵓⵜ ⵜⵏ ⵜⴶⴰ ⴹⵗ ⵗⵔⴼⵏ ⵏⴹⵏⵜ ⴾⵍ ⴹⵜⵓⵛⵜⵏ ⴾⵍ ⴹⵜⵎⵜⵓⵏ ⴾⵍ ⴹⵓⵍⵏ ⴾⵍ ⵓⵏ ⵜⵓⵛⵓⵍⵏⵏ⵰ ⵀⴹⴹⵏ ⴹⵜ ⵜⵈⵓⵜ ⵜⵏ ⵜⵗⵎⵔ ⴹⵜ ⵌⵎⵔ ⵤⵍⴶⵏ ⵛⴾⴹⴾⴹⵏ ⵤⴶⵔⵜⵏⵏ ⵎⵍⵍⵏⵏ ⵜⴼⵏ ⵍⴹⵍⴹ ⵏ⵿ⵜⴶⵢⵜ⵰

Ǝnǝfilal 7:9 ပူးပေါင်းရင်းမြစ်များ

Luqa 12:1

As itaggu awen tǝddew tamattay tǝknât igǝt fǝl Ɣaysa, har ǝqqiman aytedan tinǝmǝkukulan. Iššewal Ɣaysa, azzar ǝs nǝttulab-net, inn-asan: «Ǝnkǝdat i xamira wa n Farisaytan a t-imosan tǝlmǝnufǝqa.

Luqa 21:36

Daɣ adi agat ǝnnǝyat, ad tǝtansayam Mǝššina alwaq kul a kawan-issǝfragan ikus ǝn man-nawan daɣ awa d-izayan ketnet, tǝfrǝgam a dat-i tǝbdǝdam nak Ag Aggadǝm.»

Yaxya 12:13

Ǝdkalan-du ilǝdlad ǝn tagayt ǝglan ǝssǝlkadan-as gannin s afalla: «Ozana! Tǝmmal i Mǝššina! Iga Mǝššina albaraka daɣ wa d-osan s esǝm n Ǝmǝli! Kay ǝmǝnokal n Israyil!»

Kǝl-Ǝrrum 11:25

Imǝdrayan-in, wǝr areɣ a dawan-ijhâl ǝssir wa, fǝl ad wǝr tǝɣilam tǝlâm masnat iyyat zǝwwǝrat. Edes ǝn Kǝl-Israyil wǝr zʼammazzayan ad ǝffillagan iket wǝr d-ǝxselan aytedan kul win wǝr nǝmos Kǝl-Ǝlyǝhud ǝs Taɣmar ǝn Mǝššina.

Kǝl-Efez 6:13

Awen daɣ a fǝlas ǝttǝfat tǝzoli n ǝmǝgǝr ta n Mǝššina fǝl ad tǝfrǝgam zǝmmerat y ark ǝzǝl, taqqamim da wǝr tǝqqelam dǝffǝr-wan daɣ tǝbǝllant ta tǝgam dǝffǝr as du-tǝssifalam dǝnnǝg aratan win den.

ⴾⵍⵗⵀⵔⵢ 11:12

Awen daɣ a fǝlas alǝs iyyanda, ihân ǝlǝqqam ǝn tǝɣrǝst-net, a igrawan ǝzzurrǝyya igân igǝt wa ǝgan etran daɣ jǝnnawan, madeɣ šiblalen n amaḍal ǝs tu-wǝr-illa i ifrâgan ǝšidǝn-nasnat.

ⴾⵍⵗⵀⵔⵢ 12:22

Kala kalar kawanay, tǝhozam-in adɣaɣ wa n Sǝyon, d ǝɣrǝm ǝn Mǝššina di iddaran, a t-imosan Yerusalam ta tǝhat ijǝnnawan, tǝhozam-in deɣ šimǝrwen ǝn giman n angalosan ǝmminaynen ǝknân tǝfalawist.

Ǝnǝfilal 11:15

Insaɣ angalos wa n ǝssa esǝk wa ittaf. Itawasla i maslan zawwarnen daɣ jǝnnawan. Imaslan win den gannin: «Ǝmǝrǝdda tarna ta n tizart y ǝddǝnet šin Ǝmǝli-nana Mǝššina d Ǝlmǝsix-net. Ad iqqǝl ǝmǝnokal har faw.»

Ǝnǝfilal 22:3

Aɣrǝm wen wǝr tu-z-iggǝz arat tǝwâr tulɣant. Tǝxawit ta n taɣmar ǝn Mǝššina d Ǝjemar ad tǝggǝz aɣrǝm en da, tǝɣbǝd tamattay-net Mǝššina.

Ǝnǝfilal 3:18

Ǝgeɣ-awan ǝnnǝsixa n a ɣur-i tazzanzim urǝɣ wa itawajarraban ǝs tǝmsay, fǝl a sǝr-ǝs taggargasam, tazzanzim ɣur-i deɣ tabdoq mallat, fǝl ad talsim, ib-as kawan-tǝtabaz tǝkarakit n as tǝzzafam, tazzanzim ɣur-i deɣ amagal a za tǝzwǝyam i šittawen-nawan, iqqǝl-kawan-du asawad-nawan.

Ǝnǝfilal 4:4

Tǝxawit ta n taɣmar en, ǝɣlaynat-tat sanatat tǝmǝrwen ǝn tǝxawit ǝn taɣmar d ǝkkozat, a fǝl ǝqqiman sanatat tǝmǝrwen n ǝmɣar d ǝkkoz ǝn samlalan, ǝssiwarnen šikǝbba ǝn taɣmar ǝgânen daɣ urǝɣ.

Ǝnǝfilal 5:11

Ǝlasaɣ-in asawad, tǝzzar ǝsleɣ i maslan n angalosan ǝknânen igǝt. Ǝmosan igiman ǝn giman, ɣilayɣalayan tǝxawit ta n taɣmar, ɣilayɣalayan imudaran d ǝmɣaran.

Ǝnǝfilal 5:9

Ǝssiggadan daɣ tǝmmal taynayat, gannin: Kay a ihoran d agaraw n ǝlkǝttab, tarzaɣ talxatimt-net, id ǝtǝwǝgzam a tǝgeɣ. Amaran azni-nak as tǝrzama tǝdarfit n aytedan ǝn tawšeten kul d awalan kul ǝd tǝmattiwen kul ǝd kallan kul, tewayaq-qan-du ǝs tarrayt ta n Mǝššina.

Ǝnǝfilal 6:11

Iman n aytedan win ǝnaya daw majmar, akkiyyan daɣ-san itiwakfa tǝkadkat zagret mallat, tǝzzar itawann-asan ad ǝššitin daɣ tǝzaydart har d-andin mǝdrayan-nasan win dǝr olan ǝššǝɣǝl daɣ tarrayt ta n Ǝmǝli, s ǝntanay da ǝhan tarrayt n a dasan-tǝtǝwǝggu tanaɣay zun ta dasan-tǝtawaggat.

Ǝnǝfilal 7:8

ǝd maraw gim d ǝššin daɣ tawšet ta n Zǝbulun, ǝd maraw gim d ǝššin daɣ tawšet ta n Yusǝf, ǝd maraw gim d ǝššin daɣ tawšet ta n Benyamin, kul tǝwâr-tan talxatimt ten.