Ǝnǝfilal 6:11 - Ǝlinjil ǝn Ɣaysa Ǝlmǝsix

¹¹ Iman n aytedan win ǝnaya daw majmar, akkiyyan daɣ-san itiwakfa tǝkadkat zagret mallat, tǝzzar itawann-asan ad ǝššitin daɣ tǝzaydart har d-andin mǝdrayan-nasan win dǝr olan ǝššǝɣǝl daɣ tarrayt ta n Ǝmǝli, s ǝntanay da ǝhan tarrayt n a dasan-tǝtǝwǝggu tanaɣay zun ta dasan-tǝtawaggat.

ⵍⵍ ⵢⵙⴰ ⵍⵎⵙⵈ

¹¹ ⵎⵏ ⵏⵢⵜⴹⵏ ⵓⵏ ⵏⵢⴰ ⴹⵓ ⵎⵌⵎⵔ ⴾⵢⵏ ⴹⵗⵙⵏ ⵜⵓⴾⴼⴰ ⵜⴾⴹⴾⵜ ⵤⴶⵔⵜ ⵎⵍⵜ ⵜⵤⵔ ⵜⵓⵏⵙⵏ ⴹ ⵛⵜⵏ ⴹⵗ ⵜⵤⵢⴹⵔ⵿ⵜ ⵂⵔ ⴹⵏ⵿ⴹⵏ ⵎⴹⵔⵢⵏⵙⵏ ⵓⵏ ⴹⵔ ⵍⵏ ⵛⵗⵍ ⴹⵗ ⵜⵔⵢⵜ ⵜⵏ ⵎⵍⵢ ⵙⵏ⵿ⵜⵏⵢ ⴹⴰ ⵂⵏ ⵜⵔⵢⵜ ⵏ⵿ⴹⵙⵏ⵿ⵜⵜⵓⴶⵓ ⵜⵏⵗⵢ ⵤⵏ ⵜⴰ ⴹⵙⵏ⵿ⵜⵜⵓⴶⵜ⵰

Ǝnǝfilal 6:11 ပူးပေါင်းရင်းမြစ်များ

Matta 10:21

Ad sǝttǝrmǝsan aytedan imǝdrayan-nasan sǝssugin iman-nasan, sǝttǝrmasan abbatan bararan-nasan sǝssugin iman-nasan, affallagan bararan fǝl marwan-nasan sǝssugin iman-nasan.

Luqa 15:22

Mišan inna abba-net y eklan-net: "Tarmâd awǝyat-du takatkat ta tǝhossayat, tǝzzǝzlǝgam-as-tat, tagim tǝsǝndǝrt daɣ adad-net, tǝssǝsǝlam-tu.

Yaxya 16:2

Ad tǝtǝwǝkkǝsam daɣ ǝljǝmaɣat ǝn nan n ǝlɣibada ǝn Kǝl-Ǝlyǝhud, fadda ilkâm alwaq daɣ-as wa daɣ-wan ikkasan iman, illa ɣur-ǝs as tara ǝn Mǝššina a immozal den.

Igitan 20:24

Wǝr ɣur-i tǝmos tǝmǝddurt-in fadda wala, arat wa ɣur-i t-imosan a d-ǝssǝxsǝla arat wa dǝffǝr ozala, ǝɣrǝda ǝššǝɣǝl wa daɣ-i iga Ǝmǝli Ɣaysa, imosan emel n Ǝlinjil a ǝhan salan n arraxmat ǝn Mǝššina.

2 ⴾⵍ⵿ⵜⵙⵍⵏⴾ 1:7

Amaran kawanay win taɣazzabnen ǝmǝrǝdda, a kawan-akfu tǝsasmit akf-anaq-qat nakkanay da. Arat wa, ad agu assaɣa wa du-z-inǝfilǝl Ɣaysa Ǝlmǝsix ifâl-du jǝnnawan ǝnta d angalosan-net ǝlanen tarna,

2 ⵜⵎⵜⵢ 4:7

Ǝggâza s ǝlluɣ tǝbǝllant, ǝggâza tammazaga har tǝɣrad, ǝgleɣ ogâzaɣ ǝzǝgzan-in.

ⴾⵍⵗⵀⵔⵢ 11:40

Mǝššina kala dâ issins-anaɣ arat idkâlan wǝllen fǝl ad wǝr ǝgrewan aytedan win den alkamalat iket wǝr dǝr-san nǝjjǝyat agaraw-net.

ⴾⵍⵗⵀⵔⵢ 12:23

Tǝhozam-in deɣ tiddawat ǝn ɣǝfǝdda win as iktab Mǝššina esmawan-nasan daɣ jǝnnawan, tǝhozam-in Mǝššina s ǝnta ǝmašraɣ n aytedan kul, tǝhozam-in aytedan kul win oɣadnen, ǝgrâwan alkamalat ɣur Mǝššina.

ⴾⵍⵗⵀⵔⵢ 4:10

Amaran awedan wa iggazan edag ǝn tǝsanfawt ta ihakku Mǝššina, wǝdi ad assanfu daɣ ǝššǝɣǝlan-net, zun awa iga Mǝššina daɣ win-net iman-net.

Ǝnǝfilal 10:6

ihad s esǝm ǝn wa iddaran har faw, s ǝnta a d-ixlakan ijǝnnawan d awa tan-ihan, d amaḍal d awa t-iwaran, ǝd gǝrwan d awa tan-ihan, as wǝr tu-za-tǝlǝs tǝmastant emel.

Ǝnǝfilal 13:15

Igraw fǝrregat n igi ǝn man daɣ šaššelan n ǝmudar wa das-d-azzaran, tǝzzar eway-du awen ǝs šaššelan wen as išawal, isasanɣu deɣ kǝrǝz aytedan win ugaynen s ad t-ǝɣbǝdan.

Ǝnǝfilal 14:13

Dǝffǝr awen ǝsleɣ y ǝmǝsli a d-ifalan ijǝnnawan as inna: «Ǝktǝb as: "Ǝbbilalan aytedan win as harwa ǝmǝrǝdda da ǝrtâyan d Ǝmǝli, iba-tan deɣ ǝrtâyan dǝr-ǝs." Awalla, inna Infas wa Zǝddigan, assanfinet daɣ ǝššǝɣǝl wa ǝgan, fǝlas ad ǝgrǝwan maruzat ǝn mazalan-nasan.»

Ǝnǝfilal 17:6

Tǝzzar oggeɣ tantut ta tǝgat iman ǝn mizdagan aggotnen ǝd nalkiman aggotnen ǝn Ɣaysa win fall-as tagganen tǝgǝyya tolaɣat. Iqqal igi ǝn man wen arat a tat-isimaswadan zun tassay n esmad. As tat-oggeɣ, iqqan aɣaf-in wǝllen.

Ǝnǝfilal 7:14

Ǝnneɣ-as: «Tǝssanaɣ awa mosan, Ǝmǝli-nin.» Tǝzzar inn-i: «Awen aytedan win d-ǝgmadnen tǝssust ta labasat. Ǝrbazan šikadkaden-nasan, ǝssǝmlalan-tanat s ǝzni n Ǝjemar.

Ǝnǝfilal 7:9

Dǝffǝr awen ǝlasaɣ asawad, oggeɣ tiddawat zǝwwǝrat wǝllen, as wǝr t-illa i ifragan ǝšidǝn-net. Tiddawat ten tǝga daɣ ɣǝrfan n ǝddǝnet kul, ǝd tawšeten kul, ǝd tǝmattiwen kul, d awalan kul win tawašawalnen. Ǝbdâdan dat tǝxawit ta n taɣmar, dat Ǝjemar, ǝzlâgan šikadkaden zagrotnen mallolnen, ǝttâfan ilǝdlad ǝn tagayt.