Ǝnǝfilal 3:7 - Ǝlinjil ǝn Ɣaysa Ǝlmǝsix

⁷ Ǝktǝb y Angalos n Ǝlkǝnisat ta n Filadelfǝya, as: «Ǝnta da awa inna wa imosan ǝmizdag, imos tidǝt, amaran ǝnta a ittafan tǝsassarut ta n ǝmǝnokal Dawǝd, s ǝnta âs, as olam arat wǝr t-illa i ifragan tǝmǝhirt-net, as ihar deɣ wǝr t-illa i ifragan allam:

ⵍⵍ ⵢⵙⴰ ⵍⵎⵙⵈ

⁷ ⴾⵜⵀ ⵢⵏ⵿ⴶⵍⵙ ⵏⵍⴾⵏⵙⵜ ⵜⵏ ⴼⵍⴹⵍⴼⵢⴰ ⵙ «ⵏ⵿ⵜⴰ ⴹⴰ ⵓⴰ ⵏⴰ ⵓⴰ ⵎⵙⵏ ⵎⵤⴹⴶ ⵎⵙ ⵜⴹⵜ ⵎⵔⵏ ⵏ⵿ⵜⴰ ⵜⴼⵏ ⵜⵙⵙⵔⵜ ⵜⵏ ⵎⵏⴾⵍ ⴹⵓⴹ ⵙⵏ⵿ⵜⴰ ⵙ ⵙ ⵍⵎ ⵔⵜ ⵓⵔ ⵜⵍⴰ ⵢ ⴼⵔⴶⵏ ⵜⵎⵂⵔ⵿ⵜⵏⵜ ⵙ ⵂⵔ ⴹⵗ ⵓⵔ ⵜⵍⴰ ⵢ ⴼⵔⴶⵏ ⵍⵎ

Ǝnǝfilal 3:7 ပူးပေါင်းရင်းမြစ်များ

Matta 16:19

A kay-akfa tǝsassarut ǝn Taɣmar ta n jǝnnawan. Arat kul wa tǝssǝxrama daɣ ǝddǝnet dada, ijǝnnawan da a daɣ-san ixram, arat deɣ wa tǝssǝxlala daɣ ǝddǝnet dada, ijǝnnawan da a daɣ-san ixlal.»

Matta 24:35

Ijǝnnawan d amaḍal ilkam ad ibʼas t-ǝllan, mišan batuten-in ǝllanat-tu har faw.»

Markus 1:24

"Ma daɣ-na tareɣ, Ɣaysa wa n Nazaret? Ǝngəm assa a du-təgeɣ y a danaɣ-təhləka? Ǝssânaɣ awa təmosa: Kay a imosan Ǝmizdag wa d-izammazal Məššina".

Luqa 1:32

Ad itǝwǝsǝɣmǝr, agu esǝm Barar ǝn Mǝššina di n Amadkol. Ad t-akfu Ǝmǝli Mǝššina taɣmar n amaraw-net Dawǝd,

Luqa 4:34

«Xa! Ɣaysa wa n Nazaret, ma daɣ-na tareɣ? Ǝngǝm assa a du-tǝgeɣ y a dana-tǝhlǝka? Ǝssanaɣ awa tǝmosa: Ǝmizdag wa d-izammazal Mǝššina.»

Yaxya 14:6

Inn-as Ɣaysa: «Nak a imosan tarrayt id ǝmosa tidǝt ǝmosa ǝntada wa ihakkan tǝmǝddurt. Awedan waliyyan wǝr in-z-awǝd Abba, ar ǝs tarrayt-in.

Igitan 3:14

Awalla tǝnkuram Alɣadil di n Ǝmizdag, tǝgmǝyam a dawan-d-itǝwǝkkǝs alǝs n ǝmǝggi ǝn man.

1 ⵢⵈⵢⴰ 5:20

Nǝssân as Barar ǝn Mǝššina osâ-du, amaran ǝnta a danaɣ-ikfan ǝgǝrri fǝl ad nǝssǝn Ǝmǝli wa n tidǝt, amaran nǝrtây d Ǝmǝli wa n tidǝt ǝs tarrayt ǝn Barar-net Ɣaysa Ǝlmǝsix. Ǝnta a imosan Ǝmǝli wa n tidǝt ihakkan tǝmǝddurt ta tǝɣlalat.

Ǝnǝfilal 1:11

Inn-i ǝmǝsli wen: «Ǝktǝb daɣ ǝlkǝttab awa tǝhannaya da, tǝsǝssiwǝyaq-qu y Ǝlkǝnisaten a n ǝssayat a tanat-imosan: ta n Efez ǝd ta n Ǝsmurna ǝd ta n Fergamos ǝd ta n Tǝyatir ǝd ta n Sardes ǝd ta n Filadelfǝya ǝd ta n Lawodikǝya.»

Ǝnǝfilal 1:18

Ǝmosa wa iddaran! Kala a di-aba, mišan ǝmǝrǝdda, nak da iddaran da, har faw! Ǝttâfa tanat ǝn tǝmattant d alaxirat.

Ǝnǝfilal 1:5

Tǝgrǝwamet-tan deɣ ɣur Ɣaysa Ǝlmǝsix, imosan tǝgǝyya tǝssiflasat, imos deɣ Barar wa n aɣafadday a d-inkaran daɣ tǝmattant, imos ǝmuzar ǝn mǝnokalan n ǝddǝnet. Ɣaysa Ǝlmǝsix ir-anaɣ amaran isaddarfat-ana daɣ bakkadan-nanaɣ, ǝs tǝkutay ta iqqal ǝzni-net.

Ǝnǝfilal 15:3

Ǝssiggadan daɣ tǝmmal n ǝkli ǝn Mǝššina, a t-imosan Musa ǝd tǝmmal ta n Ǝjemar, gannin: «Igitan-nak zawwarnen, simaklalan, ya Ǝmǝli Mǝššina! Kay a imosan mǝššis ǝn tarna kul! Tarrayen-nak ǝntanatay a oɣadnen, ǝmosnat tidǝt, ya Ǝmǝnokal ǝn tǝmattiwen.

Ǝnǝfilal 16:7

Ǝsleɣ i majmar wa n tǝkutawen igannu: «Awalla, Ǝmǝli Mǝššina s ǝnta a imosan mǝššis ǝn tarna kul, ǝlxǝkuman-net tidǝt a mosan, oɣâdan.»

Ǝnǝfilal 19:11

Dǝffǝr awen oggeɣ ijǝnnawan as ǝnnolaman, ih-en ays mallan, amaran wa t-iwanan esǝm-net «wa imosan Alɣadil, imos Tidǝt». Ǝlxǝkuman-net oɣâdan, itamagar deɣ fǝl tidǝt.

Ǝnǝfilal 19:2

fǝlas ǝlxǝkuman-net tidǝt a ǝmosan, oɣâd deɣ. Obaz s ǝššǝriɣa-net tǝkarwat ta labasat tǝssǝxrakat ǝddǝnet ǝs tišit-net tǝmǝggit n ǝzzǝna, izzǝzal deɣ azni ǝn naɣbidan-net wa inɣal ǝfus ǝn tǝkarwat ten.»

Ǝnǝfilal 2:1

Ǝktǝb y angalos n Ǝlkǝnisat ta n Efez as: «Arat da wa inna wa ittafan etran win ǝssa daɣ ǝfus-net wa n ǝɣil, ijiwankat gǝr sǝkbal ǝn fǝtǝlaten win ǝssa n urǝɣ:

Ǝnǝfilal 21:5

Inn-i wa iqqiman fǝl tǝxawit ta n taɣmar: «Ǝnǝy! Aratan kul sammattayaq-qan ǝge win aynaynen.» Tǝzzar inna: «Ǝktǝb, fǝlas batuten šin ǝssiflasnat, ǝmosnat deɣ tidǝt.»

Ǝnǝfilal 3:14

Ǝktǝb y angalos n Ǝlkǝnisat ta n Lawodikǝya, as: «Arat da wa d-inna was itawannu "Amin", s ǝnta a imosan tǝgǝyya ta tǝɣdalat, tǝmos tidǝt, amaran ǝnta ǝlǝsǝl n ǝkkulluk n arat:

Ǝnǝfilal 4:8

Amaran imudaran win ǝkkoz en, ǝkkulluk n iyyan daɣ-san ila sǝdis ǝfrutan ǝlsânat šittawen sas ammas ǝd sas afalla. Wǝr tǝfǝstin ehad ezal gannin: «Ǝmizdag, Ǝmizdag, Ǝmizdag, Ǝmǝli Mǝššina s ǝnta a imosan mǝššis ǝn tarna kul, imos wa t-illan kala da, imos deɣ wa t-illan ǝmǝrǝdda, amaran izay-du!»

Ǝnǝfilal 5:9

Ǝssiggadan daɣ tǝmmal taynayat, gannin: Kay a ihoran d agaraw n ǝlkǝttab, tarzaɣ talxatimt-net, id ǝtǝwǝgzam a tǝgeɣ. Amaran azni-nak as tǝrzama tǝdarfit n aytedan ǝn tawšeten kul d awalan kul ǝd tǝmattiwen kul ǝd kallan kul, tewayaq-qan-du ǝs tarrayt ta n Mǝššina.

Ǝnǝfilal 6:10

Ad saɣaren wǝllen gannin: «Ǝmǝli, imosan ǝmizdag, imos tidǝt, har ǝmmay tǝtiluleɣ wǝr tǝwwǝddabaɣ aytedan n ǝddǝnet, fǝl a daɣ-san iẓǝl ǝzni-nana wa ǝnɣalan?»