Ǝnǝfilal 3:14 - Ǝlinjil ǝn Ɣaysa Ǝlmǝsix

¹⁴ Ǝktǝb y angalos n Ǝlkǝnisat ta n Lawodikǝya, as: «Arat da wa d-inna was itawannu "Amin", s ǝnta a imosan tǝgǝyya ta tǝɣdalat, tǝmos tidǝt, amaran ǝnta ǝlǝsǝl n ǝkkulluk n arat:

ⵍⵍ ⵢⵙⴰ ⵍⵎⵙⵈ

¹⁴ ⴾⵜⵀ ⵢⵏ⵿ⴶⵍⵙ ⵏⵍⴾⵏⵙⵜ ⵜⵏ ⵍⵓⴹⴾⵢⴰ ⵙ «ⵔⵜ ⴹⴰ ⵓⴰ ⴹⵏⴰ ⵓⵙ ⵜⵓⵏⵓ "ⵎⵏ" ⵙⵏ⵿ⵜⴰ ⵎⵙⵏ ⵜⴶⵢⴰ ⵜⴰ ⵜⵗⴹⵍⵜ ⵜⵎⵙ ⵜⴹⵜ ⵎⵔⵏ ⵏ⵿ⵜⴰ ⵍⵙⵍ ⵏⴾⵍⴾ ⵏⵔⵜ

Ǝnǝfilal 3:14 ပူးပေါင်းရင်းမြစ်များ

Yaxya 1:3

Ixlak-du sǝr-ǝs Mǝššina arat kul; wǝr t-illa arat daɣ ǝddǝnet wa sǝr-ǝs du-wǝr-nǝxlek fǝlas Awal wa ǝnta a ihakkin tǝmǝddurt ta tǝmosat ǝnnur y aytedan.

Yaxya 8:14

Inn-asan Ɣaysa: «Kud imos as tǝgǝyya ǝn man-in a mosa da tǝgǝyya-nin tidǝt a tǝmos fǝlas ǝssâna sas d-ǝhe, ǝd sas ǝdaga. Kawanay amaran wǝr tǝssenam sas d-ǝhe, wala sas ǝdaga.

2 ⴾⵍⴾⵔⵏ⵿ⵜ 1:20

Almaɣna n awen as arkawalan ǝn Mǝššina ketnasan «ayew» a ǝmosan daɣ Ǝlmǝsix, adi da deɣ a fǝl nǝmmâl adkul ǝn Mǝššina ǝs tǝnna ta nǝtaggu «Amin» ǝs tarrayt ǝn Ɣaysa Ǝlmǝsix.

ⴾⵍⴾⵍⵙⵢⴰ 1:15

Barar wa, šašelan ǝn Mǝššina a imos di wǝr nǝtǝwǝhǝnnǝy, imos deɣ ǝmuzar ǝn tǝxlǝk kul,

ⴾⵍⴾⵍⵙⵢⴰ 1:18

Ǝnta iman-net imos eɣaf n Ǝlkǝnisat, ig-as tizart ta iga aɣaf i tǝɣǝssa. Ǝnta ǝlǝsǝl n Ǝlkǝnisat, fǝlas ǝnta ad azzaran tanakra daɣ win aba fǝl ad iqqǝl ill-ay, azzâr y arat kul.

ⴾⵍⴾⵍⵙⵢⴰ 2:1

Arêɣ ad tǝssǝnam awa dǝr togda tǝbǝllant ta fall-awan ǝtagga, kawanay d aytedan n ǝɣrǝm wa n Lawodikǝya, ǝd wiyyad šilat-nawan as wǝr kala ǝnayan udǝm-in.

ⴾⵍⴾⵍⵙⵢⴰ 4:16

Dǝffǝr as tǝɣrâdam teɣaray ǝn širawt ta, agat tǝmǝwit a fǝl za tǝtǝwǝɣru y Ǝlkǝnisat daɣ Lawodikǝya, taɣrim kawanay da širawt ta-nasan ta dawan-du-z-assaglin.

Ǝnǝfilal 1:11

Inn-i ǝmǝsli wen: «Ǝktǝb daɣ ǝlkǝttab awa tǝhannaya da, tǝsǝssiwǝyaq-qu y Ǝlkǝnisaten a n ǝssayat a tanat-imosan: ta n Efez ǝd ta n Ǝsmurna ǝd ta n Fergamos ǝd ta n Tǝyatir ǝd ta n Sardes ǝd ta n Filadelfǝya ǝd ta n Lawodikǝya.»

Ǝnǝfilal 1:5

Tǝgrǝwamet-tan deɣ ɣur Ɣaysa Ǝlmǝsix, imosan tǝgǝyya tǝssiflasat, imos deɣ Barar wa n aɣafadday a d-inkaran daɣ tǝmattant, imos ǝmuzar ǝn mǝnokalan n ǝddǝnet. Ɣaysa Ǝlmǝsix ir-anaɣ amaran isaddarfat-ana daɣ bakkadan-nanaɣ, ǝs tǝkutay ta iqqal ǝzni-net.

Ǝnǝfilal 19:11

Dǝffǝr awen oggeɣ ijǝnnawan as ǝnnolaman, ih-en ays mallan, amaran wa t-iwanan esǝm-net «wa imosan Alɣadil, imos Tidǝt». Ǝlxǝkuman-net oɣâdan, itamagar deɣ fǝl tidǝt.

Ǝnǝfilal 2:1

Ǝktǝb y angalos n Ǝlkǝnisat ta n Efez as: «Arat da wa inna wa ittafan etran win ǝssa daɣ ǝfus-net wa n ǝɣil, ijiwankat gǝr sǝkbal ǝn fǝtǝlaten win ǝssa n urǝɣ:

Ǝnǝfilal 21:6

Inn-i: «Arat wa, iga! Nak a imosan Alfa, ǝmosaɣ deɣ Omega, almaɣna wa azzaran ilkâm. Wa iha fad, nak a das-z-agin tǝhǝkkut tǝmosat tessay daɣ šat ta daɣ du-naggayan aman win sidurnen.

Ǝnǝfilal 22:13

Nak a imosan Alfa, ǝmosa deɣ Omega, almaɣna wa azzaran ilkâm, tǝsǝntit ǝd tǝzǝrǝst.

Ǝnǝfilal 22:6

Inn-i angalos: «Batuten šin ǝssiflasnat, ǝmosnat deɣ tidǝt; Ǝmǝli Mǝššina, s ǝnta a imosan Ǝmǝli n ǝnnǝbitan a d-issǝglan angalos-net fǝl ad assaknu inaɣbidan-net arat as kundaba iga daɣ azzaman wǝr nǝggug.»

Ǝnǝfilal 3:7

Ǝktǝb y Angalos n Ǝlkǝnisat ta n Filadelfǝya, as: «Ǝnta da awa inna wa imosan ǝmizdag, imos tidǝt, amaran ǝnta a ittafan tǝsassarut ta n ǝmǝnokal Dawǝd, s ǝnta âs, as olam arat wǝr t-illa i ifragan tǝmǝhirt-net, as ihar deɣ wǝr t-illa i ifragan allam: