Ǝnǝfilal 20:12 - Ǝlinjil ǝn Ɣaysa Ǝlmǝsix

¹² Dǝffǝr awen oggeɣ inǝmmǝttan win wǝr nǝla almaqam, harkid win t-ǝlanen ǝbdâdan dat tǝxawit ta n taɣmar en. Ǝnnolaman ǝlkǝttaban. Innolam ǝlkǝttab iyyan s ǝnta a imosan ǝlkǝttab wa n tǝmǝddurt. Tawaxkaman nǝmmǝttan s awa ihan ǝlkǝttaban win den, ewâl awen ǝs mazalan-nasan.

ⵍⵍ ⵢⵙⴰ ⵍⵎⵙⵈ

¹² ⴹⴼⵔ ⵓⵏ ⴶⵗ ⵏⵎⵜⵏ ⵓⵏ ⵓⵔ ⵏⵍⴰ ⵍⵎⵆⵎ ⵂⵔⴾⴹ ⵓⵏ ⵜⵍⵏⵏ ⵀⴹⴹⵏ ⴹⵜ ⵜⵈⵓⵜ ⵜⵏ ⵜⵗⵎⵔⵏ⵰ ⵏⵍⵎⵏ ⵍⴾⵜⵀⵏ⵰ ⵏⵍⵎ ⵍⴾⵜⵀ ⵢⵏ ⵙⵏ⵿ⵜⴰ ⵎⵙⵏ ⵍⴾⵜⵀ ⵓⵏ ⵜⵎⴹⵔ⵿ⵜ⵰ ⵜⵓⵈⴾⵎⵏ ⵏⵎⵜⵏ ⵙⵓⴰ ⵂⵏ ⵍⴾⵜⵀⵏ ⵓⵏ ⴹⵏ ⵓⵍ ⵓⵏ ⵙ ⵎⵤⵍⵏⵙⵏ⵰

Ǝnǝfilal 20:12 ပူးပေါင်းရင်းမြစ်များ

Matta 11:22

Awen daɣ a fǝlas ǝnneɣ-awan: Alɣazab wa za tagim ǝzǝl wa n tabadday ad agǝr wa zʼagin aytedan n ǝɣrǝm ǝn Tir ǝd wa n Sidon.

Matta 16:27

Ǝssǝnat as nak Ag Aggadǝm a d-asa ǝleɣ tanaya n Abba-nin, ǝddewa d angalosan-net, ǝddi amaran, awedan kul ad t-akfu maruzat n awa ewadan mazalan-net.

Luqa 10:20

Mišan a kawan-wǝr-isǝfǝliwǝs as ǝttâfan kǝlǝsuf tǝnna-nawan, kalar isǝffǝliwǝset-kawan akatab wa ǝgan ǝsmawan-nawan daɣ aljannat.»

Igitan 24:15

Ǝgêɣ attama wa daɣ Mǝššina, amaran ǝntanay da ǝgân-tu, a t-imos as tǝll-ay tanakra daɣ tamattant, gǝr za y aytedan win oɣadnen wala win wǝr noɣed.

Kǝl-Ǝrrum 2:6

Ǝzǝl wen, awedan kul ad t-akfu Mǝššina awa dǝr ahoran mazalan-net.

1 ⴾⵍⴾⵔⵏ⵿ⵜ 4:5

Daɣ adi ad wǝr tǝssǝwǝram awedan waliyyan lahan dat tawaɣlay n Ǝmǝli s ǝnta a zʼassaknin ezal a mallan arat kul wa itawaggan daɣ ǝssir, isǝffǝggu awa ihan iwallan n aytedan. Alwaq wǝdi, awedan kul ad igrǝw ɣur Mǝššina tǝmmal ta dǝr ihor.

2 ⴾⵍⴾⵔⵏ⵿ⵜ 5:10

Fǝlas kundaba nǝbdad ketnana dat Ǝlmǝsix, išrǝɣ-ana. Akkiyyan daɣ-na ad igrǝw awa dǝr ahoran mazalan win iga harwa iha taɣǝssa-net, gǝr za win olaɣnen wala win wǝr noleɣ.

Kǝl-Filib 4:3

Amaran kay da, imosan ǝmidi-nin wa n tidǝt daɣ ǝššǝɣǝl, ǝgmâya daɣ-ak ad tilalaɣ i tǝdoden di ǝs maknan gar-essanat fǝlas ǝllilnat-i ǝs tǝbǝllant fǝl Ǝlinjil, nak ǝd Kǝleman ǝd midawan-in win hadatnen daɣ ǝššǝɣǝl s ǝsmawan-nasan ǝktâban daɣ ǝlkǝttab wa ǝhan ǝsmawan n aytedan win ǝgrawnen tǝmǝddurt ta tǝɣlalat.

Ǝnǝfilal 11:18

šimattiwen n ǝddǝnet iggâz-tanat alham labasan, mišan ǝmǝrǝdda alham wa nak a d-ewadan. Alwaq wa n ǝššǝriɣa ǝn nǝmmǝttan a d-osan. Alwaq ewad-du wa daɣ za tǝrzǝmaɣ y eklan-nak a tan-imosan ǝnnǝbitan, takfaq-qan arozan-nasan, ǝntanay ǝd mizdagan kul, d aytedan kul win miksadan-nak, gǝr win muzaran wala win tan-wǝr-nǝmos. Alwaq ewad-du wa n ǝhluk ǝn win hallaknen ǝddǝnet!»

Ǝnǝfilal 13:8

Aytedan n ǝddǝnet kul ad t-ǝɣbǝdan ar win as ǝktaban esmawan-nasan daɣ ǝlkǝttab wa n tǝmǝddurt harwa ɣur ǝxluk n ǝddǝnet. Ǝlkǝttab en in Ǝjemar wa igzaman iqqal takutay.

Ǝnǝfilal 17:8

Ǝmudar sǝksǝdan wa toggeɣ ǝddi, kala ad t-illa, mišan ǝmǝrǝdda ab-as t-illa. Daɣ alwaq wǝr nǝggug, a d-igmǝd ǝɣǝɣi wa wǝr nǝla eder, akku edag n ǝhluk. Amaran aytedan n ǝddǝnet kul win as wǝr ǝkteban esmawan-nasan daɣ ǝlkǝttab wa n tǝmǝddurt harwa ɣur ǝnǝtti n ǝddǝnet, ad ǝqqǝnan ɣafawan-nasan as ǝnayan ǝmudar id kala ad t-illa, dǝffǝr adi ab-as t-illa, amaran ijwâr a d-osa.

Ǝnǝfilal 19:5

Igmad-du ǝmǝsli tǝxawit ta n taɣmar en, inna: «Agiwat tǝmmalen y Ǝmǝli-nana, ketnawan inaɣbidan-net, win t-ǝksudnen gǝr win wǝr nǝla almaqam wala win t-ǝlanen!»

Ǝnǝfilal 2:23

Ad ǝhlǝkaɣ inalkiman ǝn tǝntut ten. Ǝlkǝnisaten kul ad ǝssǝnnat as nak ǝmosa wa itamayyazan iwallan, amaran akkiyyan daɣ-wan ad t-akfaɣ awa tu-šaššawadan mazalan-net.

Ǝnǝfilal 20:11

Ogge tǝxawit ǝn taɣmar tǝknât tǝzzǝwwǝrt, tǝkna deɣ tǝmǝllay, ǝd wa fall-as iqqiman. Ǝddǝggagan-as jǝnnawan ǝd mǝdlan, ǝggugan-tu, wǝr d-oyyen wala ǝdǝriz.

Ǝnǝfilal 20:13

Ikfa-du agaraw inǝmmǝttan win t-ǝhanen, tǝkfa-du tǝmattant d alaxirat inǝmmǝttan win-nasnat, itawaxkam akkiyyan daɣ-san ǝs mazalan-net.

Ǝnǝfilal 20:15

Awedan ketnet was wǝr ikteb esǝm-net daɣ ǝlkǝttab wa n tǝmǝddurt, itawagar daɣ aɣazar ǝn tǝmsay wen.

Ǝnǝfilal 21:27

Wǝr tu-z-iggǝz a immidasan, wala deɣ i itamazalan talbast, wala bahu. Kalar wǝr tu-z-iggǝz ar win as ǝktaban ǝsmawan-nasan daɣ ǝlkǝttab wa n tǝmǝddurt n Ǝjemar.

Ǝnǝfilal 22:12

Inna Ɣaysa: «Awalla! Ǝzayaɣ-in tarmad, amaran ewayaɣ-in ǝrruzmatan-in y ad akfaɣ awedan kul arozan win tu-šaššawadan mazalan-net.

Ǝnǝfilal 3:5

Ǝmmǝk en daɣ as wa d-ornan ad alsu tabdoq tǝgat tǝmǝllay tǝsiraqqet, amaran wǝr zʼǝmǝsaɣ esǝm-net daɣ ǝlkǝttab wa ǝhan ǝsmawan n aytedan win ǝgrawnen tǝmǝddurt ta tǝɣlalat. Ad ǝqbǝla dat Abba-nin, d angalosan-net âs awedan wǝdi i-nin.